Pilipae 2:4 - Tataroha Diana

⁴ Omu ke suꞌuri loꞌongaꞌi mola i sulie nga taa omu saetoꞌo aana maraamiu, taꞌe omu ke loꞌongaꞌi noꞌone i sulie nga taa e diana hunie ngaeta mwala.

Pilipae 2:4 Referans Kwoze

1 Korinit 10:24

Oto e kaꞌa diana ike uri hunie kie ke loꞌo-loꞌongaꞌinikie mola maraaka, taꞌe uri kie ke loꞌo-loꞌongaꞌinie nga taa nge e diana huni peꞌie ngaeta mwala.

Uusu-uusu A Pol Hurula'aa Hunie Mo Rom 15:1

Oto ikie, mo iini kie saie taane uri a God e saꞌa leikie ike haahie mo ola urine, nge kie ke suꞌuri deu mola i sulie walu ola mala saeka maraaka. !Haꞌike! Taꞌe leu i sapeka oto hunie kie ke toli rako peꞌie mwala nge hiiwalaimolinge ikire e mamaelaꞌa na kire ko meꞌu mwaanie ohe mo ola urine kire aapu hunire.

Jemes 2:8

Taꞌe mala omu ko hele i sulie haꞌatolanga a Inemauri ikie aana mo Uusu-uusu Maaꞌi, nge e unue uuri, O ke manata diana hunie mo iinoni mala o ko manata diana huniꞌo mola maraamu, Levitikas 19:18 nge urine haꞌalaa omu ko deu oodo.

Uusu-uusu A Pol Hurula'aa Hunie Mo Rom 12:15

Omu ke ilenimwaꞌe peꞌie mo iini ko ilenimwaꞌe, na omu ke saehuu peꞌie mo iini ko saehuu.

2 Korinit 11:29

Aana maholo hiiwalaimolinge nga iini e mamaelaꞌa, nge saeku ko hii mamaelaꞌa oto noꞌone haahie. Na maholo nga iini ko haꞌatataroa nga iini huni domu i laona oorahaꞌaa, nge saeku ko mela mala dunge aana aaelanga urine ko da no ko tohungei saewasu oto hiitoꞌo.

Matiu 18:6

Oto a Jisas ko heꞌi ere uuri loꞌu, “Oto mala nga iini ko haꞌatataroa nga kele iini aana mo iini ko hiiwalaimoli eeku ienini, e lae otoi diana hunie iini urine pwarolana nga hau peine ke lae mola i luana, oto kulu-aasilana ke lae mola i laona aasi.

2 Korinit 6:3

Melu eriꞌapasie taane uri walu ola melu ko esuiꞌi ke oodo na kire ke suꞌuri liu honosie hiiwalaimolinge nga iini aana a Jisas, na mwaanie nga iini e ere aaelasie asunge iꞌemeelu ienini.

Pilipae 2:21

Mo iini hunge, kire ko talei loꞌo-loꞌongaꞌinire mola maraada, na kire saꞌa loꞌohie ike mo ola i sulie tolahana a Jisas Kraes.