Pilipae 2:20 - Tataroha Diana

²⁰ Aana a Timoti oto taꞌa-taꞌa iini e manata diana huniꞌomu noꞌone mala ineu, huni leesie uri mauringe iꞌomu ke lae diana.

Pilipae 2:20 Referans Kwoze

Pilipae 2:2

Na aena urine, no ko eitanaiꞌomu uri hunie omu ke neꞌie taꞌa-taꞌa mei sae, na omu ke mani manata diana huniꞌomu heiliu. Mala omu kei teꞌurine, nge ne kei tohungei ilenimwaꞌe oto liutaa haahiꞌomu.

Pilipae 2:22

Taꞌe omu lio saie oto asunge diana a Timoti, aana ko peꞌi diana aaku aani laeliwalanga aana Tataroha Diana, mala e ro heꞌi-aamana ko esuie taꞌa-taꞌa mei esunge.

1 Korinit 16:10

Mala uri a Timoti ko hule i seemiu, omu ke lio i suli diana aana, aena aana ingeie ko esu noꞌone nana Aalaha ikie mala ineu.

Tataroha Diana I Sulie A Jisas Kraes Nge A Jon E Uusue 12:6

A Jiudas e talei ere kaꞌu urine, taꞌe hule aana ingeie e kaꞌa neꞌi-neꞌisae ike aana mo iinoni meitale. E ere urine mola i sulie ingeie iinoni peli-peli. Mwaꞌii toꞌoha mo pwaarongoisuli mone aana, oto ko talei deu mala saena mola aana.

Tataroha Diana I Sulie A Jisas Kraes Nge A Jon E Uusue 10:13

Iinoni euꞌesu ngeena ko tehi mola urine, aena aana ko esu uei waaite mola, na e kaꞌa tohungei manata diana ike hunie mo sipu.

2 Timoti 1:5

No ko aamasitoꞌo noꞌone aana mei hiiwalaimolinge toꞌohuu nge a nikemu a Iunis na a pwaa-pwaamu a Lois kire mani toꞌo aana, na nou saie uri iꞌoe noꞌone o toꞌo aana.

1 Timoti 1:2

No ko uusue oto ie huniꞌo kaleku Timoti, aana iꞌoe oto mwela maaꞌi ineu aani hiiwalaimolinge. No ko eitanaie a God Aamaka na Aalaha ikie a Kraes Jisas, uri hahuꞌana manata-diananga, na aamasinge, na hanuelamanga ingeie ke iiꞌo peꞌiꞌo.

Kolosi 4:11

A Josua nge kire ko haa-haaraꞌinie noꞌone aana a Jastas, ko niie noꞌone wau mei wala ni saediananga ingeie huniꞌomu. Mo mwane ngeena, taꞌe ikiraelu oto mola aana mo Jiu kire hiiwalaimoli nge kire ko esu peꞌieu i leu huni tarohaꞌinie Aalahanga a God. Na kire ko da no ko tohungei saemango oto hiitoꞌo.

Uusu-uusu A Pol Hurula'aa Hunie Mo Rom 15:5

A God oto ni ko peꞌi-peꞌikie hunie hiiwalaimolinge ikie ke aꞌailaꞌa hunie kie ke uure maꞌutaꞌa taraꞌasi. Na no ko aarea God hunie ke peꞌiꞌomu urine hunie omu ke iiꞌo diana peꞌie taꞌa-taꞌa mei sae aani lulu i sulilana tolahana Jisas Kraes.

1 Timoti 4:6

Nou saie kaleku, uri o peine poi peꞌie rongolana mo haꞌananaunge i sulie hiiwalaimolinge na uri o ko totola ue i sulie mo haꞌa-uusulinge diana ngeena hule siꞌiri. Oto o ke unue loꞌu mo ola ienini hunie mo mwaasine wau i Epesas, hunie o ke neꞌi koni-konihe diana oto nana a Kraes Jisas.

2 Timoti 3:10

Taꞌe iꞌoe, kaleku, o saie oto mo haꞌa-uusulinge ineu na iiꞌolaku e uri taa, na nga moi taa no ko sare asuiꞌi. O lio saie kaꞌu oto hiiwalaimolinge ineu, na toli-rakonga ineu, na manata-diananga ineu hunie ahutana mwala, na toli-susuleꞌinge ineu aana maholo e aasa oto hiitoꞌo.