Pilipae 2:17 - Tataroha Diana

¹⁷ Na hiiwalaimolinge iꞌomu aana God, e urihana uuraaꞌinge nge niilana a lae hunie a God na ko ilenimwaꞌe haahie. Oto mala uri ingeie kei loꞌongaꞌi ni iidu tarakonie maenga ineu noꞌone huni haꞌa-ahue uuraaꞌinge aana hiiwalaimolinge iꞌomu, nge ne kei tohungei ilenimwaꞌe loꞌu liutaa. Na saeku omu ke ilenimwaꞌe oto noꞌone peꞌieu haahie leune.

Pilipae 2:17 Referans Kwoze

2 Timoti 4:6

Oto aana ineu maraaku, o saie taane uri mauringe ineu nou niie kaꞌu oto i naꞌo mala uuraaꞌinge hunie a God, na oto ie e hule oto aana leu ooreta, aana e hule oto aana maholo ineu huni mae.

Uusu-uusu A Pol Hurula'aa Hunie Mo Rom 15:16

hunie uri ne ke neꞌi iinoni euꞌesu a Jisas Kraes huni peꞌiꞌomu, mwala nge iꞌomu nga mo Jiu haꞌike. No ko tarohaꞌinie Tataroha Diana uri hunie iꞌomu mo Aapoloa Aaopa, omu ke lae mai i saana God. Oto e urihana no ko esu mala pris aana no ko tooleꞌomu mo Aapoloa Aaopa mai i saana God mala nga uunu-olanga e maaꞌi na a God ko sae mango haahie, aana a Liꞌoa Maaꞌi e haꞌamaaꞌiꞌomu oto nana.

2 Korinit 12:15

Oto no ko tohungei ilenimwaꞌe mola huni niie ahutana mo ola nou toꞌo aani namiu, hule oto aana ineu maraaku, huni peꞌiꞌomu huni hele aana maurihe huu. ?Oto aana ineu no ko manata diana liutaa huniꞌomu urine, uri iꞌomu, omu kei manata aaela mola hunieu?

Kolosi 1:24

Oto maꞌalana no ko sapesalu oto ienini i tehulaꞌamiu, taꞌe no ko ilenimwaꞌe mola, aena aana sapesalunge aana sapeku ienini kei peꞌiꞌomu. A Kraes e sapesalu hiitoꞌo waite huni peꞌie soihaadaꞌinge, aena aana sapena ni otona. Oto ineu no ko sapesalu noꞌone urine aana sapeku huni haꞌamangoa kele leu e oore ue aana sapesalunge a Kraes arengaku.

Pilipae 1:20

Nou tohungei neꞌisae paine taane aana uri ne ke aꞌailaꞌa huni haꞌamanikuluꞌaa a Kraes aana ahutana mo ola no ko deu-deuꞌi. Aana saeku uri ne ke lae taraꞌasi mola oto mala no ko euꞌesuie tarau, mwaanie uri nou masa i maana a Kraes aana taꞌena nga maholo. Saeku ke urine maꞌalana uri ne ke mauri keꞌu wa ne ke mae loꞌu.

2 Korinit 7:4

Suli maholo nou sai unu tahangaꞌinie mola saeku huniꞌomu, na no ko ere toohaꞌiniꞌomu mola tarau. Maꞌalana melu sapesalu aana mo ola oto hiitoꞌo, taꞌe mo maholo no ko loꞌongaꞌiniꞌomu, nge no ko si ilenimwaꞌe na saeku e susu oto.

1 Jon 3:16

Na kie ko si lio saie tohungana manata-diananga aena aana a Kraes e toliꞌaasie mangona i tehulaꞌaka. Oto ikie noꞌone kie ke mwaꞌe-mwaꞌe ni mae huni peꞌie mo eesike.

Uusu-uusu A Pol Hurula'aa Hunie Mo Rom 12:1

Oto aena urinena, maeni eesiku maaꞌi, aena aana mei sae ni aamasinge a God hunikie, no ko eitanaiꞌomu hunie omu ke niiꞌomu maraamiu mala nga uunu-olanga e mauri hunie a God aani niilana sapemiu suli dinge huni esuie mo esunge e oodo i maana God. Mala maurihaꞌamiu ke urine, nge omu kei urihana nga uunu-olanga e maaꞌi na a God e sai ilenimwaꞌe haahie. Taꞌa-taꞌa tohungei tala hunikie mo iinoni kie ke palo-paloa God aana ni otona.

1 Pita 2:5

Urine iꞌomu noꞌone omu ke urihana mo heu hunie nume a God. Na neꞌisaenga aana nume a God oto ahutana mo iinoni nge kire ko lulu i sulie aana nanamanga a Liꞌoa Maaꞌi, nge soihaadaꞌinge a God otona. Iꞌomu aana soihaadaꞌinge a God, omu meni neꞌie oto mwala maaꞌi nge kire sai lae oodo taꞌau i naꞌona a God huni uunu-uunu ola i saana. Iau, omu meni neꞌi pris oto, na aana peꞌinge a Jisas Kraes mone, mo ola diana omu ko esuiꞌi nana kire neꞌie mo uuraaꞌinge nge a God ko ilenimwaꞌe haahiꞌi ngeena.

1 Tesalonaeka 2:8

Na aena aana melu tohungei manata diana huniꞌomu, melu ko ilenimwaꞌe mola huni peꞌiꞌomu, kaꞌa ike mola aani unulana Tataroha Diana a God huniꞌomu, taꞌe noꞌone aani toliꞌaasilana maurihaꞌameelu i tehulaꞌamiu.

Pilipae 4:18

Nou leesie taane nga taa omu haꞌatolaa mai, na niinge iꞌomu e lae liutaa aana loꞌu nga taa nou saetoꞌo aana. Oto nou kaꞌa saetoꞌo aana ike loꞌu nga mei ola, aena aana a Epaprodaetas e pwani niie oto peꞌinge iꞌomu hunieu. Niinge iꞌomu e urihana oto uuraaꞌinge e wasu mangoni nge a God ko ilenimwaꞌe haahie.

Pilipae 2:30

Aana ingeie e toliꞌaasie maraana, mala oto e karaꞌi mae i tehulaꞌana asunge a Kraes, hunie ke peꞌieu oolisiꞌomu, aana e aasa oto huniꞌomu huni peꞌieu aana maholona.

Palonga 21:13

Taꞌe a Pol e teꞌuri mola, “?E ue ni omu ko ngarasieu na omu ko haꞌasaehuuꞌaau urine? Nou deu aakau taane mola hunie hoꞌosileku ke lae urine, na nou deu aakau mola huni mae i Jerusalem mala uri mei ola ienini kei haꞌamanikuluꞌaa satana Jisas Aalaha ikie.”

Palonga 20:24

Taꞌe mauringe ineu e kaꞌa roroꞌa ike hunieu, aana mei naꞌohai ola e roroꞌa hunieu oto uri ne ke haꞌamangoa asunge nge a Jisas Aalaha ikie e niie hunieu hunie ne ke asuie. Na mei esungena oto uri ne ke tarohaꞌinie Tataroha Diana i sulie aamasinge na manata-diananga a God hunikie.

2 Korinit 6:10

Aena aana mo aasanga ngeena, e malisine oto melu ke sae-saehuu, taꞌe melu ilenimwaꞌe mola tarau. Melu sai meitale taane, taꞌe melu ko peꞌie mola mwala hunge hunie kire ke toꞌo-toꞌo loꞌu. Melu kaꞌa toꞌo aana ike taane nga mei ola, taꞌe melu ko si toꞌo aana mola ahutana walu ola mango.

Pilipae 2:18

Oto mala nga mei ola urine kei reu eeku, nge omu ke ilenimwaꞌe mola peꞌieu.

2 Korinit 4:12

Melu ko lae peꞌi sapesalu takoie maenga urine, hunie uri iꞌomu omu ke manataꞌinie maurihe toꞌohuu i lalo aamiu.