Pilipae 2:1 - Tataroha Diana

¹ Nou saie uri iiꞌo-rurunge iꞌomu i lalo aana a Kraes ko haꞌa-aꞌailaꞌaꞌomu, na manata-diananga ingeie ko haꞌasusuꞌomu. Na nou saie noꞌone uri omu toꞌo aana Liꞌoa Maaꞌi peꞌiꞌomu, na omu manata diana huniꞌomu heiliu peꞌi aamasilana mo iinoni.

Pilipae 2:1 Referans Kwoze

Kolosi 3:12

Iꞌomu, a God e lio hilisiꞌomu hunie omu ke neꞌi iinoni maaꞌi ingeie nge e tohungei manata diana huniꞌomu. Oto aena urine, iꞌomu noꞌone omu ke haataꞌinie aamasinge hunie mo iinoni, na omu ke saemamae hunie mwala, na omu ke haꞌamwai-mweiꞌaꞌomu, na omu ke toli rako peꞌie mwala, na omu ke suꞌuri sae-saewasu oto lau-leu peꞌie mwala.

1 Jon 4:12

Maꞌalana nga taꞌa-taꞌa iinoni e kaꞌa leesie ue a God, taꞌe mala uri kie ko manata diana hunikie hailiu, nge a God ke si iiꞌo oto i lalo aaka, na manata-diananga ingeie ko tohungei eehu diana oto i lalo aaka.

2 Korinit 13:14

No ko aarengaꞌi hunie uri Aalaha ikie a Jisas Kraes ke haataꞌinie hahuꞌana manata-diananga ingeie huniꞌomu, na hunie uri a God ke haꞌadianaꞌaꞌomu aana manata-diananga ingeie, na hunie a Liꞌoa Maaꞌi ke lokoa ahutana saemiu aani hatanga peꞌie.

Kolosi 2:2

No ko esu urine huni haꞌadodoa saemiu, na hunie omu ke mani manata diana huniꞌomu heiliu. Saeku uri omu ke manataꞌinie taꞌingelu tohungana saenanaunge, na omu manataꞌinie taane mala uri omu ko sai diana aana a Kraes. Ingeie oto aahuꞌine mei saehaahinge a God nge e iiꞌo mumuni keꞌu holaꞌinaꞌo.

1 Korinit 12:13

Maꞌalana uri kie ke neꞌie loꞌu nga mo Jiu wa haꞌike, wa uri kie neꞌi koni-konihe wa haꞌike, taꞌe a Liꞌoa Maaꞌi e toolekie na e loto maaꞌi aaka hunie kie ke mani lado oto peꞌie a Kraes hunie kie ke neꞌie e taꞌa-taꞌa mei sape. Na a God e niie oto taꞌa-taꞌa Liꞌoa ngeena hunie kie ke mani aꞌailaꞌa aana.

Kalesia 5:22

Taꞌe hue-huei ola aana Liꞌoa Maaꞌi nge manata-diananga, na ilenimwaꞌenga, na hanuelamanga, na saemamae, na aamasinge, na diananga. A Liꞌoa Maaꞌi ko da kie ke neꞌi iinoni nou-norue,

Kalesia 4:6

Oto huni haataꞌinie uri kie neꞌie oto mo kalena a God toꞌohuu, a God e uusungeꞌinie mai Liꞌoa Maaꞌi aana a Kalena hunie ke iiꞌo i laona maurihaꞌaka. Na Liꞌoa ngeena ko si haataꞌinie uri kie sai soie a God Aamaka aana “Mamaꞌa.”

Palonga 4:32

Oto ahutana mo iini kire hiiwalaimoli kire si meni neꞌisae tararuru i sulie walu ola. Nga iini e kaꞌa loꞌongaꞌinie ike uri mo ola e toꞌo aani uri mo ola oto ingeie maraana, taꞌe mo ola nge nga iini e toꞌo aani mo ola ahutada mango.

1 Jon 3:24

Mo iini ko tola i sulie mo haꞌatolanga ingeie, nge kire iiꞌo oto i lalo aana, na ingeie oto i lalo aada. Na Liꞌoa Maaꞌi nge a God e niie hunikie ko haataꞌinie aaka uri ko iiꞌo toꞌohuu oto peꞌikie.

Tataroha Diana I Sulie A Jisas Kraes Nge A Jon E Uusue 17:13

“Taꞌe ie no ko lae oto taꞌau i seemu, na no ko unue walu ola ienini taꞌau huniꞌo maholo ineu ue mai welumalau uri hunie saena mo mwane ienini ke honu aana ilenimwaꞌenga ineu.

1 Jon 4:16

Aena urine, kie manataꞌinie manata-diananga nge a God e manata diana hunikie aana, na kie ko norutoꞌo oto aana. A God ingeie oto aahuꞌine manata-diananga, na iini ko iiꞌo susu aana manata-diananga, nge ko iiꞌo susu aana God otona, na a God ko iiꞌo susu oto aana.

Pilipae 3:3

Taꞌe ikolu, a God e asuie torihesiꞌonga toꞌohuu i saekaelu. Oto ikolu mo iinoni a God toꞌohuu, na ikire haꞌike, aena aana kolu ko paloa a God toꞌohuu aana peꞌinge a Liꞌoa Maaꞌi. Kolu norutoꞌo mola aana a Jisas Kraes huni haꞌa-uurikolu, na kolu kaꞌa norutoꞌo ike aana mo ola poꞌoi sinaha aana sape mala torihesiꞌonga.

1 Korinit 3:16

!Haꞌike eena! ?Uri omu kaꞌa saie ike uri soihaadaꞌinge iꞌomu e neꞌi nume maaꞌi a God? !Iau, e toꞌohuu oto aana Liꞌoa Maaꞌi e iiꞌo i lalo aamiu!

Uusu-uusu A Pol Hurula'aa Hunie Mo Rom 8:26

Na mala a Liꞌoa Maaꞌi ko peꞌikie huni maaꞌoohi susutoꞌo urine, nge ko peꞌikie noꞌone aana taꞌena nga ola loꞌu kie ko mamaelaꞌa oto aani. Kie kaꞌa saie ike nga taa kie ke aarengaꞌi hunie, wa uri kie kei aarengaꞌi uri taa. Oto Liꞌoa Maaꞌi maraana e lae peꞌi aarengaꞌi talaka aana mo wala hule aana ikie na kie kaꞌa saiꞌi.

Uusu-uusu A Pol Hurula'aa Hunie Mo Rom 5:5

Na norutoꞌonga ikie ngeena e saꞌa da ike hunie kie ke talei maa-maaꞌoohi mola mwaakule. Aana a God e haataꞌinie oto manata-diananga ingeie hunikie aana e uusungeꞌinie mai Liꞌoa Maaꞌi hunikie.

Palonga 2:46

Kire ko loko tarau mola i suli dinge i laona Nume Maaꞌi Peine a God i Jerusalem. Na kire ko ngeu-ngeu tararuru i laona mo nume hai aaopaꞌi ikire, na kire sai ilenimwaꞌe tararuru aani peꞌilada hailiu mola aana mo ngeulaa ikire.

1 Pita 1:2

A God Aamaka e lio hilisiꞌomu oto uure mai naꞌo i sulie oalaꞌinge ingeie. Na Liꞌoa Maaꞌi e lae peꞌi haꞌamaaꞌiꞌomu oto mai hunie omu ke iiꞌo maaꞌi, hunie omu ke lulu i sulie a Jisas Kraes. Lotohilemiu e lae aana apune, aena aana maenga ingeie oto uuraaꞌinge nge ko da omu iiꞌo rereꞌa mwaanie oorahaꞌaa. No ko eitanaie a God uri hahuꞌana manata-diananga na hanuelamanga ingeie ke iiꞌo peꞌiꞌomu taraureꞌi.

Hibru 6:18

Oto kie toꞌo aana e ro mei wala nge kire saꞌa roroꞌa hai-oolisi ike loꞌu, aana a God e saꞌa eero ike aani heiholotaꞌinge, na e saꞌa eero ike noꞌone aani tohenga. Oto ikie mo iini nge kie tahi oto takoie a God hunie ke haꞌa-uurikie, a God ko ere haꞌasusue saeka, na urine kie sai hele maꞌutaꞌa aana maaꞌoohinge susutoꞌo hunie haiholotaꞌinge a God eena.

Pilipae 1:8

A God e saie uri no ko tohungei sare leesiꞌomu aena aana nou manata diana huniꞌomu mala a Jisas Kraes e manata diana huniꞌomu.

Epesas 4:4

Ikie taꞌa-taꞌa mei sape mola, na kie mani toꞌo aana mola taꞌa-taꞌa Liꞌoa Maaꞌi i lalo aaka, na kie ko meni maaꞌoohi susutoꞌo mola hunie taꞌa-taꞌa haiholotaꞌinge, nge a God e haiholotaꞌinie hunie ahutaka maholo e soikie mai i saana.

2 Korinit 2:14

Oto no ko paalahea God oto liutaa, aana a Kraes e aꞌailaꞌasie oohotaa, na oto ie melu lado oto peꞌie a Kraes na melu ko lae-lae oto i sulie mala mo koni-konihe ingeie. A God e asu i lalo aameelu hunie tataroha i sulie a Kraes ke lai hule oto aana ahutana mo henue, mala wasuhaꞌana dango wau-wesu nge e tohungei wesu mangoni oto hiitoꞌo e sai hule aana taꞌena nga leu i laona nume.

1 Korinit 15:31

Maeni eesiku, ineu nou iiꞌo ni maenga oto mola i suli dinge eena. !E toꞌohuu oto! E toꞌohuu oto mala mei wala nou unue kaꞌu aana nou toohaꞌiniꞌomu haahie iiꞌo-rurunge ikie peꞌie a Kraes Jisas, Aalaha ikie.

Tataroha Diana I Sulie A Jisas Kraes Nge A Jon E Uusue 14:27

No ko haꞌa-oorea hanuelamanga oto huniꞌomu, na hanuelamanga ineu no ko niie oto huniꞌomu ie. Nou kaꞌa niie ike mala mwala aana walumalau ko nii-nii, taꞌe no ko nii toꞌohuu. Oto omu ke suꞌuri totolahiꞌe wa omu ke maꞌu-meꞌu.

Tataroha Diana I Sulie A Jisas Kraes Nge A Jon E Uusue 14:18

I purine ne kei lae mwaaniꞌomu, omu saꞌa iiꞌo ni reiꞌinge ike maraamiu aana ne kei eelihoꞌi taane loꞌu mei seemiu.

Tataroha Diana I Sulie A Jisas Kraes Nge A Luk E Uusue 2:25

Aana maholona, ngaeta mwane satana a Simeon e oꞌoꞌo noꞌone i Jerusalem. A mwane ngeena ingeie nga mwane oodotaꞌi, na e iiꞌo mola peꞌi palolana a God, na Liꞌoa Maaꞌi noꞌone peꞌie. A Simeon e maa-maaꞌoohie a Kraes nge a God e haiholotaꞌi huni uusungeꞌinie mai huni haꞌa-uurie mwala ni Israel.