Pilipae 1:26 - Tataroha Diana

²⁶ Hunie uri maholo ne kei ooli loꞌu mei seemiu, na omu ke paalahea Jisas Kraes oto liutaa haahieu.

Pilipae 1:26 Referans Kwoze

2 Korinit 5:12

Melu kaꞌa sare ere ike urine mola huni haꞌapainaꞌaꞌemeelu maraameelu, taꞌe melu ko sare haataꞌinie mola nga taa diana melu ko esuie, hunie uri omu ke ilenimwaꞌe haahiꞌemeelu. Oto urine omu sai ere oolisie mo iini kire ko ere aaelasiꞌemeelu aana kire kaꞌa neꞌisae paine ike aana oodo-oodonga wa aana nga taa i laona sae, taꞌe kire ko toohaꞌinire mola haahie mo ola poꞌoi sinaha nge mwala e sai lahera haahiꞌi.

Pilipae 4:4

Omu ke ile-ilenimwaꞌe tarau haahie a Aalaha. Na no ko heꞌi unue loꞌu uri omu ke ile-ilenimwaꞌe.

Pilipae 3:3

Taꞌe ikolu, a God e asuie torihesiꞌonga toꞌohuu i saekaelu. Oto ikolu mo iinoni a God toꞌohuu, na ikire haꞌike, aena aana kolu ko paloa a God toꞌohuu aana peꞌinge a Liꞌoa Maaꞌi. Kolu norutoꞌo mola aana a Jisas Kraes huni haꞌa-uurikolu, na kolu kaꞌa norutoꞌo ike aana mo ola poꞌoi sinaha aana sape mala torihesiꞌonga.

Pilipae 4:10

No ko tohungei ilenimwaꞌe oto liutaa na no ko paalahea a Aalaha ikie aana omu ko heꞌi haataꞌinie loꞌu uri omu manata diana taane ue hunieu aana mo ola omu haꞌatolaꞌi mei hunieu. Nou kaꞌa unue ike uri omu rohu oto mwaanieu, taꞌe uri omu kaꞌa toꞌo maholo mola huni peꞌieu.

Pilipae 3:1

Na ngaeta leu loꞌu, maeni eesiku, omu ke ile-ilenimwaꞌe mola aena aana iꞌomu mo iinoni a Aalaha. Ineu, nou saꞌa weo ike huni haꞌarongoꞌomu loꞌu aana mo ola nge nou uusuꞌi keꞌu huniꞌomu holaꞌi naꞌo. Aana mo olana ni kire kei kakalie hiiwalaimolinge iꞌomu.

2 Korinit 7:6

Taꞌe maꞌalana e urine, a God iini e sai peꞌie mo iini kire ko saehuu, e da hunie melu ke ilenimwaꞌe loꞌu maholo e uusungeꞌinie mai a Taetas i saameelu.

Tataroha Diana I Sulie A Jisas Kraes Nge A Jon E Uusue 16:24

Lai hule mai siꞌiri ienini, omu kaꞌa tohungei norutoꞌo aaku, nge omu kaꞌa sukaa ue nga mei ola aana Mamaꞌa. Oto omu ke suke aana Mamaꞌa, na aena aana saena hunie ilenimwaꞌenga iꞌomu ke ahu, nge ke si niie nga taa omu sukaa huniꞌomu.”

Tataroha Diana I Sulie A Jisas Kraes Nge A Jon E Uusue 16:22

Oto iꞌomu na e urine noꞌone. Omu ko saehuu oto molana, taꞌe ne kei heꞌi leesiꞌomu taane loꞌu, na saemiu ke si honu aani ilenimwaꞌenga, aana taungei ilenimwaꞌenga nge nga iini e saꞌa taꞌaasie ike loꞌu mwaaniꞌomu.

2 Korinit 7:4

Suli maholo nou sai unu tahangaꞌinie mola saeku huniꞌomu, na no ko ere toohaꞌiniꞌomu mola tarau. Maꞌalana melu sapesalu aana mo ola oto hiitoꞌo, taꞌe mo maholo no ko loꞌongaꞌiniꞌomu, nge no ko si ilenimwaꞌe na saeku e susu oto.

2 Korinit 7:14

Na mo ola nou ere toohaꞌiniꞌomu eeni i saana Taetas, nou kaꞌa masa ike aani, aana ahutana walu ola nge nou unu-unuꞌi i suliꞌomu kire mani toꞌohuu mango, mala ahutana walu ola nge nou unu-unuꞌi huniꞌomu kire mani toꞌohuu mango noꞌone.

Kalesia 6:4

Taꞌe nga iini ke lei-leie mola tolahana maraana. Mala uri tolahana ko diana aana asunge na iiꞌonga ingeie, nge ke sae-saemango mola haahie maraana, na e saꞌa loꞌongaꞌi oto hiitoꞌo ike aana haꞌasadangaꞌinilana tolahana ngaeta iinoni.