Pilipae 1:21 - Tataroha Diana

²¹ Ineu, nou loꞌongaꞌinie uri mala no ko meu-meuri ue, na ne kei esu liutaa mola ue nana a Kraes. Na mala uri no ko mae oto, na e si diana loꞌu liutaa eena aena aana ne kei iiꞌo oto peꞌie a Kraes taꞌau i Lengi.

Pilipae 1:21 Referans Kwoze

Kalesia 2:20

Na ineu haꞌike ni nou meuri ienini, taꞌe a Kraes ni e iiꞌo na e mauri i lalo aaku. Mauringe ineu aana walumalau ienini, ola nou toꞌo aana mola i sulie nou hiiwalaimoli aana Kalena God, iini e manata diana hunieu, na e toliꞌaasie maraana hunie ke mae honotaku.

2 Korinit 5:8

Oto kie kaꞌa maꞌu ike, taꞌe kie loꞌongaꞌi meꞌutaꞌa mola uri e lae oto i diana liutaa huni toliꞌaasie mola mei sape ni welumalau ngeena, na hunie kie ke lai iiꞌo aana tohungei henue ikie i saana a Aalaha.

2 Korinit 5:1

Kie ko oꞌoꞌo mola mai laona walumalau peꞌie mei sape mamaelaꞌa nge hule aana e kaꞌa sai iiꞌo tewa ike, na e urihana mola iiꞌonga aana mo aapa-aapa i meꞌesu. Na maholo oho-aasilana mo aapa-aapa ngeena kei lae, nge kie ke si lae hunie mo nume diana oto liutaa. Aana kie saie uri a God e dau aakau aana mei sape diana liutaa naka huni iiꞌo aana taꞌau i Lengi, ola ingeie maraana e asuie na iini kei iiꞌo oto huu.

Pilipae 1:23

E ro mei ola nge saeku ko eune i suliꞌi, uri ne ke mae mola hunie ne ke iiꞌo peꞌie a Kraes, aena aana tohungei leu diana nakue otona,

Kolosi 3:4

Tohungana maurihe iꞌomu oto a Kraes, na maholo a Kraes kei haataꞌi aana manikuluhaꞌana maholo kei ooli loꞌu mei, nge iꞌomu noꞌone omu ke si haataꞌi tararuru peꞌie.

2 Korinit 5:6

Oto kie kaꞌa maꞌu ike taꞌe saeka e susu mola. Kie saie taane uri maholo kie iiꞌo ue i laona mei sape ni welumalau, kie kaꞌa iiꞌo ike ue taꞌau i Lengi i saana a Aalaha.

Pilipae 1:20

Nou tohungei neꞌisae paine taane aana uri ne ke aꞌailaꞌa huni haꞌamanikuluꞌaa a Kraes aana ahutana mo ola no ko deu-deuꞌi. Aana saeku uri ne ke lae taraꞌasi mola oto mala no ko euꞌesuie tarau, mwaanie uri nou masa i maana a Kraes aana taꞌena nga maholo. Saeku ke urine maꞌalana uri ne ke mauri keꞌu wa ne ke mae loꞌu.

Haataꞌinge 14:13

Oto nou rongoa loꞌu mei wala uure mwaanie i Lengi ko teꞌuri, “O ke uusue uri aehota siꞌiri pwau weu, mo iini nge kire mae i lalo aana Aalaha kire deidehie oto liutaa.” Na a Liꞌoa e teꞌuri, “Iau, e toꞌohuu oto. Kire kei ile-ilenimwaꞌe mola maholo kire kei mamalo oto taꞌau i Lengi mwaanie mo esunge e aasa ikire, aena aana waaitada haahie mo esunge diana kire asuiꞌi ngeena e iiꞌo aakau oto hunire.”

Kalesia 6:14

Taꞌe ineu maraaku, nou kaꞌa sai toohaꞌinieu ike haahie mo ola urine. Taꞌa-taꞌa leu nou sai toohaꞌinieu haahie oto poꞌu-poꞌu a Jisas Kraes, Aalaha ikie. Aena aana nga taa nge a Jisas e asuie aana maelana i lengine poꞌu-poꞌu, nge walumalau ienini e pwani mae oto aana neꞌisaenga ineu, na e urihana ineu noꞌone nou pweni mae oto aana neꞌisaenga mo iinoni ni welumalau.

1 Korinit 1:30

Aena aana a God mone e si da omu lae mai neꞌi iinoni tararuru peꞌie a Jisas Kraes. Ingeie oto e lae mai huni niie saenanaunge a God hunikie, na ingeie mola ni e haꞌa-oodohikie peꞌie a God, na e haꞌamaaꞌikie, na e holikie mwaanie iiꞌonga i memelutana oorahaꞌaa.

Pilipae 2:21

Mo iini hunge, kire ko talei loꞌo-loꞌongaꞌinire mola maraada, na kire saꞌa loꞌohie ike mo ola i sulie tolahana a Jisas Kraes.

Pilipae 1:22

Nou kaꞌa saie oto uri leu uri taa ne kei lio hilisie. Aana nou sare mauri ue hunie ne ke asu keꞌu nana a Kraes.