Palonga 9:2 - Tataroha Diana

² na ko haꞌatohu aana hunie ke uusue nga mo uusu-uusu hunie ke tooleꞌi weu aana huilume paine i Damaskas. Mo uusu-uusu ngeena kire unue uri mo rato aana mo nume ni palo-palo mo Jiu i leune ke peꞌie a Sol huni tapolie ahutana mo mwane na mo keni nge kire ko lulu i sulie Tala Ni Meurihe, na huni toolera loꞌu hunie haꞌaloilada taꞌau i Jerusalem.

Palonga 9:2 Referans Kwoze

Palonga 19:23

Taꞌe i naꞌona e lae mwaanie leune nga maaola-olanga paine e rau i tehulaꞌana Tala Ni Meurihe.

Palonga 19:9

Taꞌe ngaeta mo iini aada kaꞌa sare hiiwalaimoli ike aana mei wala ienini. Na kire ko aehota ere aaelasie oto Tala Ni Meurihe i naꞌona mwala. Oto a Pol e lae mwaanire na ko toolea noꞌone mo pwaarongoisuli peꞌie. Na ko lai haꞌa-uusulire i sulie tolahana a Jisas mola susue dinge wau i laona nume ni sukulu a Tiranas.

Palonga 24:14

Taꞌe no ko unu oodo-oodo oto aana huniꞌo, uri e toꞌohuu no ko palo-paloa a God mo weuwe iꞌemi, aana ineu no ko lulu i sulie Tala Ni Meurihe. Ikire, kire unue mei hiiwalaimolinge ngeena e kaꞌa diana ike, maꞌalana ineu noꞌone nou hiiwalaimoli aana ahutana walu ola i laona mo Haꞌatolanga a Mosis na mo ola i laona mo Uusu-uusu Maaꞌi mo Propet.

Palonga 24:22

A Filiks mone e saenanau i sulie Tala Ni Meurihe, oto e haꞌamamaloa ere-erenga ko si teꞌuri, “Maholo a Lisias, poro paine haahie sinolai ramo ngeena, kei lae mai, nge ne ke si niie mei wala ooreta aana ere-erenga iꞌoe.”

Palonga 18:25

Kire haꞌa-uusulie aana hiiwalaimolinge aana a Aalaha na e tohungei mwaꞌe-mwaꞌe ni tarohaꞌinie Tataroha Diana na mo haꞌa-uusulinge i sulie a Jisas. Nga taa ko haꞌa-uusulie mwala aani i sulie a Jisas e tohungei oodo, maꞌalana e saie mola laladonga i sulie loto-maaꞌinge a Jon Loto Maaꞌi.

Palonga 9:14

Na maholo ienini e toolea nanamanga mo naꞌohai pris huni tapolie taꞌena nga iini ko haꞌapainaꞌaꞌo.”

Palonga 26:12

Oto a Pol ko heꞌi ere loꞌu uuri, “Oto aena mei olana nge nou lae noꞌone wau i Damaskas aena aana mo naꞌohai pris kire uusungeꞌinieu na kire niie nanamanga hunieu huni lai esuie mei olana wau aana huilume ngeena.

Palonga 7:19

E tohungei pweloa mo weuwaka aana e tohungei haꞌamotaahire, na hule aana e dau rarahire oto hiitoꞌo uri hunie kire ke neꞌi aasie mo kele wee-wee ikire i sinaha hunie kire ke mae.

Palonga 6:9

Taꞌe ngaeta mo mwane ni Jiu kire ko leledie mola a Stivin. Mo mwane ngeena kire uure mwaanie mo huilume haꞌatau i Saerin na i Aleksandria na e ro poꞌo ni henue i Silisia na i Esia. Na kire mani sai loko aana nume ni palo-palo mo Jiu nge kire haaraꞌinie aana Nume Ni Palo-palo Mwala Kire Iiꞌo Luhetaꞌi Loꞌu. Oto mo mwane ngeena kire ko aehota haꞌa-ere oto peꞌie a Stivin,

Matiu 10:17

Na loꞌu, omu ke lio talamiu aana mo iinoni, aena aana kire kei tooleꞌomu i laona leinge, na kire kei repusiꞌomu i laona mo nume ni palo-palo.

Tataroha Diana I Sulie A Jisas Kraes Nge A Jon E Uusue 14:6

A Jisas e aalamie oto ko teꞌuri, “Ineu oto tala, na walaimolinge, na maurihe. Nga tala aaopa hunie nga iini ke lae loꞌu i sulie takoie a Mamaꞌa haꞌike, taꞌe ko liu i seeku haꞌalaa.

Palonga 9:21

Ahutana mwala kire rongoa walana kire ko tohungei pangataꞌi, na kire ko teꞌuri, “Mwane nge e lae peꞌi horo suuheꞌinie mwala nge kire ko aarengaꞌi hunie a Jisas ni ngeena. E teꞌurine kaꞌu aana mwala oto taꞌau i Jerusalem, na e lae loꞌu mei leu huni tapolie mwala huni toolera hunie mo naꞌohai pris kei leire. ?Oto e ue ni ko si ere aaopa loꞌu urine?”

Palonga 26:10

Na nga taa nge nou esuie taꞌau i Jerusalem ni ngeena. Nou toolea nanamanga mwaanie mo naꞌohai pris huni neꞌie hungelana mo iini maaꞌi i laona nume ni hoꞌo. Na maholo leilada e lae hunie maenga, ineu noꞌone nou unue uri e malisine kire ke mae.

Kalesia 1:17

Nou kaꞌa lae ike noꞌone loꞌu taꞌau i Jerusalem huni leesie mo iini nge kire neꞌi hurulaꞌaa oto wau i naꞌoku. !Haꞌike! Nou oodo oto mola hunie poꞌo ni henue i Arabia. Oto loꞌu mei puri nge nou si eelihoꞌi hunie huilume i Damaskas.