Palonga 9:19 - Tataroha Diana

¹⁹ Na purihaꞌana e ngau mango, nge sapena ko si aꞌailaꞌa loꞌu. Oto a Sol e iiꞌo oto peꞌie mo pwaarongoisuli wau i Damaskas hunie ngaeta mo kele dinge.

Palonga 9:19 Referans Kwoze

Palonga 26:20

Taꞌe no ko tarohaꞌinie uri mwala ke aaliꞌu mwaanie mo oorahaꞌaanga ikire, na kire ke aaliꞌu takoie a God, na kire ke lae i sulie tala diana huni haataꞌinie uri kire oonisae toꞌohuu. Holaꞌinaꞌo, nou holaꞌi lae i saana mwala ni Jiu nge kire ko oꞌoꞌo i Damaskas na i Jerusalem na taꞌena nga leu i Israel, oto purihaꞌana nge nou si lae loꞌu weu i saana mo Aapoloa Aaopa.

Kalesia 1:17

Nou kaꞌa lae ike noꞌone loꞌu taꞌau i Jerusalem huni leesie mo iini nge kire neꞌi hurulaꞌaa oto wau i naꞌoku. !Haꞌike! Nou oodo oto mola hunie poꞌo ni henue i Arabia. Oto loꞌu mei puri nge nou si eelihoꞌi hunie huilume i Damaskas.

Palonga 11:26

Na maholo e lio oodoie, oto e toolea loꞌu mei hunie i Antiok. Na halisi leku nge a Banabas na a Sol kire iiꞌo peꞌie soihaadaꞌinge i leune na kirerue haꞌa-uusulie mwala hunge. Na i Antiok nge eetana nga leu nge kire aehota haaraꞌinie mo pwaarongoisuli aana satai ola “Kristian.”

Palonga 9:18

Aana maholoi satona ola mala uunuhaꞌai iiꞌe ko teke oto mwaanie e ro maana a Sol, na ko lio-lio oto loꞌu. Oto e taꞌelaꞌi, na loto-maaꞌilana ko lae oto.

Palonga 9:26

Maholo a Sol e hule loꞌu taꞌau i Jerusalem ko tohungei sare iiꞌo peꞌie mo pwaarongoisuli a Jisas, taꞌe kire ko tohungei meꞌuteꞌinie na kire kaꞌa hiiwalaimoli ike aana uri ingeie ngaeta pwaarongoisuli mala ikire.

Palonga 9:38

Na huilume i Jopa ngeena e iiꞌo karaꞌinie mola huilume i Lida. Oto maholo mo pwaarongoisuli kire rongoa uri a Pita e iiꞌo i Lida, kire si uusungeꞌinie e ro mwane wau i saana, oto kirerue ko teꞌuri hunie, “Melu saetoꞌo aana o ke tohungei lae lau-leu oto wau i saameelu.”

Palonga 11:29

Oto ahutana kira hiiwalaimoli kire si meni neꞌisae tararuru huni peꞌie soihaadaꞌinge aana poꞌo ni henue i Jiudia i sulie e nite nga iini aada e sai uusungeꞌinie.