Palonga 7:2 - Tataroha Diana

² Oto a Stivin ko teꞌuri, “Maeni aamaku na maeni eesiku, omu ke pwaarongo kaꞌu. Maholo a weuwaka a Ebraham e kaꞌa lae ike ue hunie huilume i Haran, God ikie, iini e manikuluꞌe, e holaꞌi haataꞌi oto aana maholo e oꞌoꞌo aana poꞌo ni henue i Mesopotemia.

Palonga 7:2 Referans Kwoze

Palonga 22:1

“Mo mamaꞌa ineu na maeni eesiku, omu ke pwaarongo kaꞌu hunie ne ke aalamiꞌomu.”

Hibru 1:3

Ingeie oto raa-raa nge ko haataꞌinie manikuluhaꞌana a God, na ingeie oto ko haataꞌinie walu ola i sulie a God, aana kirerue tohungei sada. Kalena God oto ko hele maꞌutaꞌa aana walumalau aana walana nge e nanama. Na maholo e asu mangoa oto tala hunie saeꞌaasilana mo oorahaꞌaa ikie, nge e si lai iiꞌo aana naꞌohai iiꞌo-iiꞌoha i pwalo-pwalona God, Sam 110:1 iini nge ko iiꞌo taꞌau i Lengi na e manikuluꞌe oto liutaa.

Tataroha Diana I Sulie A Jisas Kraes Nge A Jon E Uusue 1:14

A mei Wala ngeena e lae oto mai na e neꞌi iinoni. E oꞌoꞌo oto i matolameelu na melu leesie oto manikuluhaꞌana, mei menikuluꞌanga oto paine aena aana ingeie oto taꞌa-taꞌa mwela mouteꞌi a God. Ingeie oto ko niie ahutana hahuꞌana manata-diananga a God hunikie, na ko unu-unue ahutana walaimolinge a God hunikie.

Haataꞌinge 4:11

“Iꞌoe oto a God na Aalaha iꞌemi. O melisine oto o ke hele aana manikuluꞌanga na haꞌamaꞌunge na nanamanga. Aana o haꞌaholaa walu ola na oto i sulie saemu nge kire si aehota neꞌi ola na kire mauri.”

Taetas 2:13

Na kie ko maaꞌoohi susutoꞌo mola hunie hai dinge nge mei ola e diana oto liutaa na e tohungei menikuluꞌe kei reu, hai dinge nge kie hiiwalaimoli uri hahuꞌana God ikie a Jisas Kraes kei haro ooli loꞌu mei aana. Ingeie oto a Haꞌa-uuritaka

1 Korinit 2:8

Mei wala ni saenanaunge ienini maꞌalana nga taꞌa-taꞌa iinoni aana mwala kire paine haahie walumalau ie, na e kaꞌa saie ike. Mala uri kire ke saie, haꞌalaa horoꞌilana Aalaha Manikuluꞌe ikie e kaꞌa lae ike.

Palonga 23:7

Maholo a Pol e ere urine mango, pulitaa ni lei-lei ko oopa oto peꞌie ere-haitelilinge i matolada mo Sadiusi na mo Parise,

Tataroha Diana I Sulie A Jisas Kraes Nge A Jon E Uusue 12:41

A Aesaea e unue walu olana, aana e leesie manikuluhaꞌana a Jisas na e ere oto i sulie.

Tataroha Diana I Sulie A Jisas Kraes Nge A Luk E Uusue 2:14

“Manikuluꞌanga hunie a God i Lengi, na hanuelamanga mai aano hunie mo iini e ilenimwaꞌe haahire.”

Matiu 6:13

Na mwaanie o toliꞌaasiꞌemi huni oorahaꞌaa maholo malaahongalamami ko lae, taꞌe o ke lio i suli diana aamami mwaanie Iini Oorahaꞌaa.

Palonga 7:1

Oto a Naꞌohana Mo Naꞌohai Pris ko dolosi aana a Stivin ko teꞌuri, “?Uri mo wala ienini e toꞌohuu wa haꞌike?”

Epesas 1:17

Na no ko eitanaie a God nge ingeie hahuꞌana Aamana Aalaha ikie a Jisas Kraes, uri a Liꞌoa Maaꞌi ke haataꞌinie mo ola i sulie a God huniꞌomu, na omu ke saenanau diana aani.

Hibru 11:8

Aani hiiwalaimolinge mone, nge a Ebraham e tola i sulie a God maholo e soie. A Ebraham e toliꞌaasie hanue ingeie huni lae aana ngaeta hanue nge a God kei niie hunie. E lae mola, maꞌalana uri e kaꞌa saie uri leu nge ko lae takoie.

Jemes 2:1

Maeni eesiku, omu hiiwalaimoli oto aana Jisas Kraes Aalaha ikie. Oto omu ke suꞌuri waelie manikuluhaꞌana peꞌi loꞌongaꞌinie uri ngaeta mo iinoni kire kohi loꞌu liutaa aana ngaeta mo iini.