Palonga 6:5 - Tataroha Diana

⁵ Oto ahutana mwala kire rongoa mei wala ngeena kire ko si ilenimwaꞌe haahie. Oto kire si lio hilisie a Stivin, na a Pilip, na a Prokoras, na a Nikeno, na a Timon, na a Pamenas, na a Nikolas. Hiiwalaimolinge a Stivin ngeena e tohungei susu, na e honu aana Liꞌoa Maaꞌi. Na a Nikolas ngeena e hute aana mo Aapoloa Aaopa aana huilume i Antiok, taꞌe e talamaꞌinie tolahana mo Jiu na e neꞌie oto ngaeta iini aada.

Palonga 6:5 Referans Kwoze

Palonga 11:24

A Banabas ingeie mwane diana na e honu aana Liꞌoa Maaꞌi na hiiwalaimolinge ingeie e susu. Na maholona mo iini hunge kire ko aehota hiiwalaimoli oto aana a Aalaha.

Palonga 21:8

Oto aana dinge loꞌu i puri, melu uure i leune melu si lae loꞌu hunie huilume paine i Sisaria na melu ko lai iiꞌo peꞌie a Pilip wau i nume ingeie. Ingeie mwane ko tarohaꞌinie noꞌone Tataroha Diana, na ingeie ngaeta iini noꞌone aana e hiu mwane nge kire lio hilisire kaꞌu taꞌau i Jerusalem huni lio i sulie mo niinge.

Palonga 6:8

A God mone ko haꞌadianaꞌaa a Stivin na ko nii-niie nanamanga hunie, oto ko esuie mo huꞌi-huꞌite na mo ola ni pangataꞌinge i matolana mwala.

Palonga 7:1

Oto a Naꞌohana Mo Naꞌohai Pris ko dolosi aana a Stivin ko teꞌuri, “?Uri mo wala ienini e toꞌohuu wa haꞌike?”

Palonga 6:3

Oto mo mwane, kei lae oto i diana liutaa hunie omu ke lio hilisie nga hiu mwane aamiu nge omu saie uri kire saenanau liutaa na kire honu aana Liꞌoa Maaꞌi hunie melu ke niie mei esunge ngeena hunire.

Palonga 13:1

Aana soihaadaꞌinge i Antiok ngaeta mo propet na mo haꞌa-uusuli kire iiꞌo wau i leune. Na mo mwaena nge a Banabas, na a Simion nge ngaeta sata aana a Pulu-puluꞌe, na a Manaen iini nge e paine tararuru peꞌie a Herod Antipas Inemauri, na a Lusias mwane ni Saerin, na a Sol.

Palonga 11:19

Oto kira hiiwalaimoli nge kire tahi mwaanie i Jerusalem maholo kire horoꞌie a Stivin, kire ko si lae kalie noꞌone mo henue haꞌatau mala poꞌo ni henue i Ponisia na mala-malau i Saepras na huilume paine i Antiok aana poꞌo ni henue i Siria. Kire lae peꞌi tarohaꞌinie Tataroha Diana, taꞌe kire ko lae peꞌi unue tataroha ngeena oto mola hunie mo Jiu hahaiteli.

Palonga 6:10

taꞌe Liꞌoa Maaꞌi ko peꞌie a Stivin hunie erenga ingeie ke aꞌailaꞌa liutaa aana mo mwane ngeena.

Haataꞌinge 2:15

Ngaeta mo iini eemiu ko deu aaela noꞌone mola urine aana kire ko hele paipesi i sulie haꞌa-uusulinge tataꞌala a Nikolas.

Haataꞌinge 2:6

“Taꞌe ngaeta mei ola diana omu ko esuie taane noꞌone, aana omu ko leledie tolahai ola aaela aana mo iini ko lae i sulie haꞌa-uusulinge tataꞌala a Nikolas, mala oto ineu noꞌone nou leledie leune.

Palonga 15:22

Oto mo hurulaꞌaa na mo rato na ahutana mwala aana soihaadaꞌinge, kire mani neꞌisae tararuru huni lio hilisie ngaeta mo mwane aada huni uusungeꞌinire peꞌie a Pol na Banabas i Antiok. Oto kire lio hilisie a Saelas na a Jiudas nge ngaeta sata aana a Basabas, aana ikirerue e ro naꞌohai mwane nge ahutana ruruhaa kire tohungei haꞌamaꞌu aadarue.

Matiu 23:15

“Aama-aamasilemiu mo Parise na mo haꞌa-uusuli aana mo Haꞌatolanga. !Iꞌomu oto mwala eero-eero! Omu ko haꞌaweoꞌomu maraamiu aani loꞌohinge i sulie mo mala-malau hunie nga mo iini ke lae i suliꞌomu. Oto maholo omu ko lio oodoie nga mo iini, omu ko si da oto kire ke aaela oto hiitoꞌo loꞌu liutaa aamiu hunie ikire noꞌone kire ke adona laenga i laona dunge ni haꞌamotaahinge mala iꞌomu.

Palonga 2:4

Na ahutada kire ko meni honu oto aana Liꞌoa Maaꞌi, na kire ko aehota ere oto aana mo erenga hai aaopaꞌi i sulie mo erenga nge Liꞌoa Maaꞌi e niiꞌi mei hunire huni ere aani.

Palonga 11:20

Taꞌe ngaeta mo iini aada nge kire oꞌoꞌo i Saepras na i Saerin kire lai hule wau i Antiok, oto kire ko ladoa noꞌone mola tataroha ngeena hunie mo Aapoloa Aaopa, aana kire ko tarohaꞌinie tataroha i sulie a Aalaha, a Jisas.

Palonga 11:22

Tataroha i sulie mei ola ienini e lai hule aana soihaadaꞌinge taꞌau i Jerusalem, oto kire si uusungeꞌinie a Banabas huni lae wau i Antiok.

Palonga 11:26

Na maholo e lio oodoie, oto e toolea loꞌu mei hunie i Antiok. Na halisi leku nge a Banabas na a Sol kire iiꞌo peꞌie soihaadaꞌinge i leune na kirerue haꞌa-uusulie mwala hunge. Na i Antiok nge eetana nga leu nge kire aehota haaraꞌinie mo pwaarongoisuli aana satai ola “Kristian.”

Palonga 11:27

Aana maholona ngaeta mo propet kire uure i Jerusalem, kire lae hao hunie i Antiok.

Palonga 22:20

Na maholo kire horoꞌie a Stivin, iini nge e tarohaꞌinie noꞌone walamu, na nou uure noꞌone peꞌie mo iini nge kire horo maesie. Ineu oto nou kakalie mo sala ikire sulie nou neꞌisae noꞌone mala ikire huni horoꞌie.’