Palonga 5:17 - Tataroha Diana

¹⁷ Oto Naꞌohana Mo Naꞌohai Pris na pulitaa ingeie mo Sadiusi kire ko tohungei heotaꞌinie mo hurulaꞌaa aena aana mwala kire ko lulu i sulire oto. Oto mo Sadiusi kire neꞌisae mouteꞌi oto huni uure honosie mo hurulaꞌaa.

Palonga 5:17 Referans Kwoze

Palonga 13:45

Taꞌe maholo mo rato ni mwane ni Jiu kire leesie uri mwala hunge kire loko, kire ko tohungei heotaꞌinirerue, na kire ko ere aaelasirerue na kire ko neꞌi-neꞌie mola walana Pol aaopa.

Palonga 17:5

Taꞌe mo rato ni Jiu kire ko tohungei heotaꞌinire, oto kire lai rurue mo iini hunge aana kira holo-holo amaa, kire ko si aehotaa maaola-olanga. Oto kire huru weu i nume ngaeta mwane satana a Jeson aana kire ko lio hunie a Pol na Saelas huni toolerarue i naꞌona mo rato ni mwane.

Palonga 7:9

“Taꞌe mo kalena a Jekob ngeena kire ko heotaꞌinie aaside a Josep, oto kire haꞌaholingeꞌinie mola hunie ngaeta mwala, na kire toolea oto hunie aalahanga i Ijip. Taꞌe a God e iiꞌo susuleꞌi mola peꞌie.

1 Pita 2:1

Oto aena urinena, mwaanie omu heꞌi lulu i sulie loꞌu mo neꞌisaenga aaela huni waelie ngaeta iini. Omu ke suꞌuri heꞌi eero loꞌu, na omu ke suꞌuri lupweꞌi eeroa mwala, na omu ke suꞌuri saehanalie mo ola ngaeta iini, wa omu ke lae peꞌi ere aaelasie ngaeta mwala.

Tataroha Diana I Sulie A Jisas Kraes Nge A Jon E Uusue 12:10

Oto mo naꞌohai pris kire si oalaꞌi huni horo maesie a Lasaros noꞌone peꞌie a Jisas,

Matiu 27:18

A Paelat e dolosi aada urine aana e saie mone uri mwala paine aana mo Jiu kire toolea mai a Jisas i saana aena aana kire ko upwesie.

Jemes 4:5

Mo Uusu-uusu Maaꞌi kire unue uuri, a God e saetoꞌo aana liꞌoa nge e neꞌie aaka ke iiꞌo oto mola nana haliꞌite. ?Na ohe omu unue uri kire talei ere-ere mwaakule mola aana kire ere urine? !Haꞌike!

Kalesia 5:21

Kire ko saehanalie mola toꞌolana ngaeta iinoni, na kire ko mehiri mola aana inu wei ni pweunge, na kire ko deu mola taꞌewau aana mo houlaa ni inunge ikire. Na walu ola urine noꞌone nge kire ko euꞌesuiꞌi. No ko unue oto loꞌu huniꞌomu mala nou unue kaꞌu oto holaꞌinaꞌo uri mwala nge kire ko deu i sulie mo tolahai ola mala ngeena, kire saꞌa helesie ike mo haꞌadianaꞌanga aana Aalahanga a God.

Palonga 15:5

Taꞌe ngaeta mo Parise nge kire hiiwalaimoli oto aana a Jisas kire uure, oto kire ko teꞌuri, “E tohungei roroꞌa oto liutaa hunie mo Aapoloa Aaopa nge kire ko sare lulu i sulie a Jisas ke tola i sulie mo Haꞌatolanga a Mosis na kire ke torihesiꞌo.”

Palonga 4:26

Mo inemauri aana walumalau ienini kire ko deu aakau huni heiseuni. Na mo naꞌohai mwane aana walumalau kire ruru huni seunie a Iawe na a Haꞌa-uuri nge e lio-hilisie. Sam 2:1-2

Palonga 4:6

Kire loko peꞌie a Naꞌohana Mo Naꞌohai Pris, a Anas, na peꞌie ngaeta mo iini loꞌu aana uluhe ingeie mala a Kaiapas na a Jon na a Aleksanda.

Tataroha Diana I Sulie A Jisas Kraes Nge A Jon E Uusue 12:19

Oto mo Parise ko si ere hunire maraada uuri, “!Lio kaꞌu! Walu ola kolu ko euꞌesuiꞌi honosie a mwane ngeena e kaꞌa oa oto hunikolu. !Ahutana walumalau ko lulu i sulie oto!”

Matiu 3:7

Mwala hunge aana mo Parise na aana mo Sadiusi, ikire noꞌone kire lae mai saana hunie ke loto maaꞌi aada. Taꞌe maholo a Jon e leesie urine, e si teꞌuri hunire, “!Iꞌomu oto mo mwaa ala-ala! ?Omu ko loꞌo-loꞌongaꞌi uri mala omu ko loto maaꞌi haꞌalaa, omu ko tehisie saewasunge a God nge kei lae maine?

Palonga 5:16

Na mwala hunge aana mo kele huilume kali-kelie i Jerusalem kire ko lae noꞌone mai, aana kire ko too-toolea mai mo iini ko mweri na mo iini mo liꞌoa aaela e iiꞌo aada. Oto ahutada mango haꞌa-uurilada e si meni lae.