Palonga 5:16 - Tataroha Diana

¹⁶ Na mwala hunge aana mo kele huilume kali-kelie i Jerusalem kire ko lae noꞌone mai, aana kire ko too-toolea mai mo iini ko mweri na mo iini mo liꞌoa aaela e iiꞌo aada. Oto ahutada mango haꞌa-uurilada e si meni lae.

Palonga 5:16 Referans Kwoze

Jemes 5:16

Aena urinena, nge omu ke haꞌahoue mo oorahaꞌaa iꞌomu oodoiꞌomu heiliu, na omu ke aarengaꞌi talamiu heiliu hunie omu ke awaa. Sulie aarengaꞌinge mwane oodotaꞌi e tohungei nanama, na e sai esuie mo ola paine.

Palonga 4:30

Na o ke haataꞌinie nanamanga iꞌoe huni haꞌa-uurie mo iini ko mweri, na huni esuie mo huꞌi-huꞌite, na mo tolimaa aana satana Jisas koni-konihe maaꞌi iꞌoe.”

Tataroha Diana I Sulie A Jisas Kraes Nge A Jon E Uusue 14:12

No ko unue oto toꞌohuu huniꞌomu uri iini ko hiiwalaimoli eeku, e sai esuie noꞌone mola taungei esunge no ko esuie ie. Na hule aana e sai esuie mo esunge paine loꞌu liutaa aana mo iinine, aena aana no ko lae oto i saana a Mamaꞌa.

Tataroha Diana I Sulie A Jisas Kraes Nge A Luk E Uusue 9:11

Oto maholo mwala e rongo tarohana urine, kire ko si lae i sulire. Na a Jisas e takuhie mwalana, e haꞌa-uusulire i sulie Aalahanga a God, na e haꞌa-uurie mo iini ko mweri.

Tataroha Diana I Sulie A Jisas Kraes Nge A Luk E Uusue 5:17

Aana ngaeta hai dinge a Jisas e haꞌa-uusulie mwala, na ngaeta mo Parise na mo haꞌa-uusuli aana mo Haꞌatolanga a Mosis, ikire noꞌone i leune. Kire uure noꞌone mai mwaanie i Jerusalem na ahutana mo huilume aana mo poꞌo ni henue i Kalili na i Jiudia. Na a Jisas e toꞌo aana nanamanga a God e waꞌu huni haꞌa-uurie mo iini ko mweri.

Matiu 8:16

Oto aana maholo ko seulehi oto, kire ko si toolea mai mo iini hunge mo liꞌoa aaela aada i saana a Jisas. Oto a Jisas e si oohe aasie mo liꞌoa aaela ngeena mola aani wala, na e haꞌa-uurie mo iini ko mweri.

Matiu 4:24

Oto tataroha aana a Jisas e taro oto i sulie ahutana mo henue aana poꞌo ni henue i Siria. Oto mwala ko toolea oto mai mwala hunge peꞌie mo maelaa hai aaopaꞌi i saana a Jisas, mo iini sapesalunge e paine aana sapeda, na mo iini mo liꞌoa aaela nge aada, na mo iini kire ko kokokoꞌa, na ngaeta mo iini sapeda e mae mango oto. Taꞌe a Jisas e haꞌa-uurire mango.

1 Korinit 12:9

Na e taꞌa-taꞌa Liꞌoa Maaꞌi ngeena noꞌone mola nge ko niie hiiwalaimolinge paine hunie ngaeta mwala, na hunie ngaeta mwala loꞌu ko niie nanamanga hunire hunie kire ke haꞌa-uurie taꞌena nga iinoni mwaanie mo maelaa ikire.

Matiu 2:16

Maholo a Herod Inemauri Peine e saie uri saenanaunge mo mwane i pwaalana sato e liue oalaꞌinge aaela ingeie, e tohungei saewasu oto liutaa. Oto e si loꞌo-loꞌongaꞌinie nga taa mo mwane i pwaalana sato kire ere-ere i sulie maholo nge kire holaꞌi leesie ho heeꞌu ngeena. Oto e si uusungeꞌinie mo ramo aana mae ingeie hunie i Betlehem na mo henue loꞌu karaꞌinie, hunie kire ke horo mangoa ahutana mo mwela mwane kire si hute lae hule aana mo iini nge e ro halisi e mango oto aada.

Palonga 5:15

Oto aena aana mo huꞌi-huꞌite hunge nge mo hurulaꞌaa ko esuiꞌi, nge mwala kire lae peꞌi toolea mai mo mwei-mweriaꞌa oto i sinaha, na kire ko lai haꞌa-enosire i lengine mo tahe na mo niꞌe i sulie tala. Aana neꞌisaenga ikire uri maholo a Pita kei liu aana leune, maꞌalana nunune ko liu mola haahie mo iini ko mweri ngeena na kire sai awaa loꞌu.

Palonga 5:17

Oto Naꞌohana Mo Naꞌohai Pris na pulitaa ingeie mo Sadiusi kire ko tohungei heotaꞌinie mo hurulaꞌaa aena aana mwala kire ko lulu i sulire oto. Oto mo Sadiusi kire neꞌisae mouteꞌi oto huni uure honosie mo hurulaꞌaa.

Tataroha Diana I Sulie A Jisas Kraes Nge A Luk E Uusue 6:18

Mwala ngeena kire lae mai huni rongoa a Jisas ko haꞌa-uusuli, na uri hunie haꞌa-uurilada ke lae mwaanie mo maelaa ikire. Mo iini ko siꞌohaꞌa aana mo liꞌoa aaela e hite aada na kire hule noꞌone, oto a Jisas e haꞌa-uurire.