Oto a Jisas e teꞌuri, “Mamaꞌa, o ke neꞌisae-aasie leu ie mwaanire, aana kire kaꞌa saie ike uri nga taa kire ko da.” Na maholo mwala ko maa-maa ni ola ue aana maelana e oolu mwane, mo ramo kire ko si inie daes huni leesie iini uri taa aada kei toꞌo aana mo sala a Jisas. Na mo rato ni Jiu ko haꞌamwasi aana a Jisas, kire ko teꞌuri, “E roroꞌa haꞌa-haꞌa-uurie mwala aaopa. Kolu ke lio kaꞌu ohe ko haꞌa-uurie maraana, mala ko neꞌie a Kraes toꞌohuu, inemauri a God e lio hilisie hunikie mo Jiu.”
Palonga 3:17 - Tataroha Diana17 “Maeni eesiku, nou saie iꞌomu na mo naꞌohai mwane iꞌomu, omu kaꞌa saie ike noꞌone nga taa nge omu esuie aana maholona. Gade chapit la |
Palonga 3:17
23 Referans Kwoze
Mwala ni Jerusalem na mo naꞌohai mwane ikire, kire kaꞌa lio saie ike uri a Jisas ingeie a Haꞌa-uuri nge a God e haiholotaꞌinie. Kire kaꞌa lio saie ike walana mo propet nge saaileni ko lae-lae suli Dinge Maaꞌi ikie. Taꞌe ikire maraada nge kire haꞌa-oaie mei wala ngeena aana maholo kire lei-leie a Jisas hunie maenga.
E asuie walu ola diana urine nakue, maꞌalana holaꞌinaꞌo ineu, nou talei ere-ere aaelasie a Kraes, na nou teungeꞌinie mo iini e hiiwalaimoli aana, na nou esuie taꞌena nga ola huni waelire. Taꞌe a God e aamasieu, aena aana nou kaꞌa saie ike nga taa nou euꞌesuie na aana maholona nou kaꞌa hiiwalaimoli ike ue.
Mo Israel kire kaꞌa sare saie ike, na saeda e hau mola. Na hule siꞌiri maꞌalana kire ko saa-saaie mo wala aana haiholotaꞌinge lalahuꞌe, taꞌe kire kaꞌa sai lio saiꞌi ike. E urihana mola mei sala a Mosis e aaluhie maana aana, e iiꞌo ue i maada. Na mei sala ngeena taꞌaasilana e sai lae mola hunie mo iini kire iiꞌo ruru peꞌie a Kraes.
A Naꞌohana Mo Naꞌohai Pris na pulitaa ni lei-lei kire sai haꞌawalaimoliꞌaa mola walaku. Na ikire nge kire niie mo uusu-uusu nge kire uusuꞌi hunie mo mwane ikolu ni Damaskas. Na ineu nge nou lae wau i Damaskas huni tapolie mwala, na ni hoꞌosire aani iieli heu na huni toolera mai i Jerusalem huni haꞌaloire.
Piblisite