Palonga 28:16 - Tataroha Diana

¹⁶ Maholo melu hule oto wau aana huilume paine i Rom, kire kaꞌa aasie ike a Pol i laona nume ni hoꞌo, taꞌe kire toliꞌaasie hunie a Pol ke iiꞌo mola maraana aana nga nume. Taꞌe ngaeta ramo ko oꞌoꞌo taane tarau peꞌie hunie ke kakakalie.

Palonga 28:16 Referans Kwoze

Palonga 27:3

Oto aana dinge i puri nge melu si lai aarapuu aana huilume i Saedon. A Jiulias mone ko aamasie a Pol, oto e toliꞌaasie mola ke lai leesie mo malahune wau i leune hunie kire ke peꞌie aana taꞌena nga mei ola e saetoꞌo aana.

Palonga 24:23

Na e unue ngaeta ramo paine haahie tangalai ramo ke kakalie a Pol, taꞌe ke lio rako aana a Pol na ke toliꞌaasie mo malahune ke peꞌie aana mo ola e saetoꞌo aani.

Haataꞌinge 17:18

“Oto o ke saie loꞌu uri mei repi keni ngeena, ingeie oto hanue paine nge ko aalaha haahie mo inemauri aana walumalau.”

Haataꞌinge 17:9

Oto ensel ngeena e heꞌi unue loꞌu hunieu uuri, “O ke loꞌo-loꞌongaꞌi diana i sulie mo ola ienini hunie o ke lio saiꞌi. “O ke saie loꞌu uri e hiu pwaꞌui ola aana ola loo-looꞌa ngeena ikire oto e hiu toloi henue aana hanue nge a huꞌena ko oꞌoꞌo aana,

Palonga 27:43

Taꞌe ramo paine haahie tangalai ramo ngeena ko sare haꞌa-uurie a Pol, oto e uure honosie mo ramo mwaanie kire asuie mei neꞌisaenga ngeena. Taꞌe e unue mola mo iini nge kire sai oolo, kire ke husu mola i eesi hunie kire ke oolo i oone.

Palonga 27:31

Taꞌe a Pol ko teꞌuri hunie ramo paine haahie tangalai ramo ngeena na hunie mo ramo peꞌie, “Mala uri mo mwane aana haka kire kaꞌa iiꞌo peꞌie haka, nge a God e saꞌa roroꞌa haꞌa-uuriꞌomu ike.”

Palonga 23:11

Oto aana hai rodona a Aalaha e lae mai uure i sulie a Pol oto ko teꞌuri, “!Mwaanie o meꞌu-meꞌu! O kei lai unu haꞌa-oaieu noꞌone wau i Rom mala o esuie i Jerusalem.”

Palonga 19:21

Purine walu ola ngeena e rau mango, a Pol e hiingeꞌinie uri a Liꞌoa Maaꞌi ko sare uusungeꞌinie huni holaꞌi lae aana e ro poꞌo ni henue i Masedonia na i Akaea, nge ke si lae loꞌu hunie i Jerusalem. Na a Pol ko teꞌuri loꞌu, “Maholo ne kei lai liuhie mo leu ngeena mango, ne kei lai hule loꞌu aana huilume paine i Rom.”

Palonga 18:2

Na aana huilume ngeena ko oodoie mwane satana a Akuila mwane ni Jiu nge e hute aana poꞌo ni henue i Pontas. A Akuila na huꞌe ingeie a Prisila kirerue oꞌoꞌo wau i naꞌo aana poꞌo ni henue i Itali, taꞌe kirerue si lae mwaanie maholo inemauri peine ni Rom a Klodias e oohea ahutana mo Jiu mwaanie huilume i Rom, nge e neꞌi naꞌohai huilume aana poꞌo ni henue i Itali. Oto a Akuila na Prisila ko si lae mai iiꞌo i Korinit maholo a Pol e oodoirerue.

Palonga 2:10

na i Frijia na i Pamfilia na i Ijip na i Libia karaꞌinie huilume paine i Saerin, na huilume paine i Rom, na i Krit na i Arabia. Na ngaeta mo iini aakaelu mo Jiu toꞌohuu, na ngaeta mo iini aakaelu kire talamaꞌinie mola tolahaka. !Taꞌe maꞌalana e urine, na kolu meni rongoa oto kire ko ere-ere aana mo erenga hai aaopaꞌi ikolu i sulie mo ola paine a God e asuiꞌi!”