Palonga 28:1 - Tataroha Diana

¹ Maholo melu lai hule sapemawa oto i oone, nge melu ko si saie uri mala-malau ngeena satana i Molta.

Palonga 28:1 Referans Kwoze

Palonga 27:26

Taꞌe maꞌalana ke urine, kolu kei haro lai aape mola aana nga mala-malau.”

Palonga 27:44

Na mo iini nge kire oore kire ke hele aana mo reu-reu nge naho e makasiꞌi mwaanie haka na taꞌena nga mei ola aana haka hunie kire ke oolo aani i oone. Oto melu lae urine, na melu meni lai hule sapemawa i oone, na hule aana nga iini e kaꞌa mae ike.

Palonga 27:39

Oto e dangi hoꞌowa na nga iini e kaꞌa lio saie loꞌu hanue melu ko aarapuu aana. Taꞌe melu ko leesie mola ngaeta suꞌu na mei oone aana. Oto mo mwane aana haka ko si loꞌongaꞌinie uri ohe kire sai toolea haka ke lae aapengaꞌinire i oone aana suꞌu ngeena.

Palonga 16:10

Purine a Pol e leesie mei haataꞌinge ngeena, nge melu si teuleꞌi huni lae hunie poꞌo ni henue i Masedonia, aana melu saie oto uri a God nge e soiꞌemeelu huni lai tarohaꞌinie Tataroha Diana hunie mwala i Masedonia.

Palonga 13:6

Kire lae-lae hule aana kire ko lai hule aana huilume paine i Pefos oto aana aapa poꞌo wau. Na aana huilume ngeena nge kire oodoie ngaeta mwane ni Jiu satana a Bajisas. A mwane ngeena e sai esuie taꞌena nga ola ni pangataꞌinge hunie mwala ke hiiwalaimoli eeni, hule aana mwala kire haaraꞌinie aana a Elimas, nge neꞌisaenga aana uuri, “mwane kure-kure na siꞌo-siꞌo.” Taꞌe ingeie ngaeta propet eero-eero mola. Na a mwaena ingeie malahune a Sejias Polas poro paine haahie mala-malau ngeena. A Sejias Polas e tohungei saenanau, na aena aana ko tohungei sare rongoa walana God, oto e uusungeꞌinie mei wala hunie a Banabas na a Sol hunie kire ke lae kaꞌu mei saana. Taꞌe mwane kure-kure na siꞌo-siꞌo ngeena ko tohungei leledie e ro mwane, na ko sare huꞌisie manatana a Sejias Polas mwaanie e hiiwalaimoli aana God.

Palonga 27:1

Maholo kire unue uri melu kei lae aana haka hunie poꞌo ni henue i Itali, kire si niie a Pol na ngaeta mo mwane nge kire ko iiꞌo i laona nume ni hoꞌo noꞌone hunie ngaeta ramo paine haahie nga tangalai ramo hunie ke kakalire. Ramo ngeena satana a Jiulias na ingeie aana pulitaa ni ramo kire haaraꞌinie “Pulitaa ni Ramo a Inemauri Peine ni Rom.”