Biblia Todo Logo
Bib sou entènèt

- Piblisite -




Palonga 27:1 - Tataroha Diana

1 Maholo kire unue uri melu kei lae aana haka hunie poꞌo ni henue i Itali, kire si niie a Pol na ngaeta mo mwane nge kire ko iiꞌo i laona nume ni hoꞌo noꞌone hunie ngaeta ramo paine haahie nga tangalai ramo hunie ke kakalire. Ramo ngeena satana a Jiulias na ingeie aana pulitaa ni ramo kire haaraꞌinie “Pulitaa ni Ramo a Inemauri Peine ni Rom.”

Gade chapit la Kopi




Palonga 27:1
29 Referans Kwoze  

Taꞌe nou kaꞌa lio saie ike nga mei ola aaela ke asuie hunie horoꞌilana ke lae i tehulaꞌana. Oto ingeie maraana nge e saetoꞌo aana Inemauri Peine ni Rom nge ke leie, na aena urine mola nge nou neꞌisae huni uusungeꞌinie oto wau i saana.


Oto a Festas e holaꞌi ere-ere kaꞌu peꞌie mo mwane saenanau ingeie, ko si teꞌuri, “O saetoꞌo aana Inemauri Peine ni Rom ke leiꞌo. E diana mola. Ne kei uusungeꞌiniꞌo oto wau i saana.”


Ngaeta mwane ni Rom e oꞌoꞌo wau aana huilume i Sisaria, satana a Konilias na ingeie ngaeta naꞌohai ramo haahie tangalai ramo aana pulitaa ni ramo nge kire haaraꞌinie aana, “Pulitaa mo Ramo ni Itali.”


Taꞌe poro paine haahie tangalai ramo e kaꞌa sare rongo ike hunie a Pol, taꞌe ko rongo mola hunie poro paine aana haka na mwane nge e toꞌo aana haka ngeena.


Na aana huilume ngeena ko oodoie mwane satana a Akuila mwane ni Jiu nge e hute aana poꞌo ni henue i Pontas. A Akuila na huꞌe ingeie a Prisila kirerue oꞌoꞌo wau i naꞌo aana poꞌo ni henue i Itali, taꞌe kirerue si lae mwaanie maholo inemauri peine ni Rom a Klodias e oohea ahutana mo Jiu mwaanie huilume i Rom, nge e neꞌi naꞌohai huilume aana poꞌo ni henue i Itali. Oto a Akuila na Prisila ko si lae mai iiꞌo i Korinit maholo a Pol e oodoirerue.


Omu ke niie mei wala ni saediananga iꞌemeelu hunie ahutana mo naꞌohai iinoni iꞌomu na loꞌu hunie ahutana mo iinoni maaꞌi a God wau i seemiu. Mo eesikaelu mai leu aana poꞌo ni henue i Italia kire ko niie noꞌone wau saediananga ikire huniꞌomu.


Maholo melu hule oto wau aana huilume paine i Rom, kire kaꞌa aasie ike a Pol i laona nume ni hoꞌo, taꞌe kire toliꞌaasie hunie a Pol ke iiꞌo mola maraana aana nga nume. Taꞌe ngaeta ramo ko oꞌoꞌo taane tarau peꞌie hunie ke kakakalie.


Taꞌe ramo paine haahie tangalai ramo ngeena ko sare haꞌa-uurie a Pol, oto e uure honosie mo ramo mwaanie kire asuie mei neꞌisaenga ngeena. Taꞌe e unue mola mo iini nge kire sai oolo, kire ke husu mola i eesi hunie kire ke oolo i oone.


I leune nge a Jiulias e leesie ngaeta haka e uure i Aleksandria na ko lae hunie i Itali. Oto poro paine haahie tangalai ramo ngeena e unue melu ke lae loꞌu aana haka ngeena.


Na e unue ngaeta ramo paine haahie tangalai ramo ke kakalie a Pol, taꞌe ke lio rako aana a Pol na ke toliꞌaasie mo malahune ke peꞌie aana mo ola e saetoꞌo aani.


Oto a Pol e soie mai ngaeta mwane paine haahie tangalai ramo ni Rom ko si teꞌuri hunie, “O ke toolea saanau ie wau i saana poro paine haahie sinolai ramo, aana ko sare haꞌarongoa aana nga mei ola.”


Oto aana hai rodona a Aalaha e lae mai uure i sulie a Pol oto ko teꞌuri, “!Mwaanie o meꞌu-meꞌu! O kei lai unu haꞌa-oaieu noꞌone wau i Rom mala o esuie i Jerusalem.”


Maholo poro paine ngeena e rongo urine, ko si lae oto i saana poro paine haahie sinolai ramo ngeena na ko teꞌuri, “?Nga taa ni o ko sare da? !A mwane ngeena mwane ni Rom ni ngeena!”


Poro paine ngeena e tauleꞌi peꞌie mo naꞌohai mwane aana mae na mo ramo ikire, na kire ko huru oto i saana mwala nge kire ko heiseuni ngeena. Maholo mwala kire leesie poro paine na mo ramo ingeie, kire tolana mamalo oto mwaanie saunilana a Pol.


Purine walu ola ngeena e rau mango, a Pol e hiingeꞌinie uri a Liꞌoa Maaꞌi ko sare uusungeꞌinie huni holaꞌi lae aana e ro poꞌo ni henue i Masedonia na i Akaea, nge ke si lae loꞌu hunie i Jerusalem. Na a Pol ko teꞌuri loꞌu, “Maholo ne kei lai liuhie mo leu ngeena mango, ne kei lai hule loꞌu aana huilume paine i Rom.”


Purine a Pol e leesie mei haataꞌinge ngeena, nge melu si teuleꞌi huni lae hunie poꞌo ni henue i Masedonia, aana melu saie oto uri a God nge e soiꞌemeelu huni lai tarohaꞌinie Tataroha Diana hunie mwala i Masedonia.


Oto ngaeta iini aadaelu ko teꞌuri hunie, “A Konilias nge e uusungeꞌiniꞌemeelu mei ie, ingeie poro paine haahie mae. Na ingeie mwane e oodotaꞌi, na ko palo-paloa noꞌone a God, na ahutana mwala ni Jiu kire tohungei haꞌamaꞌu aana. Na ngaeta ensel a God e unue hunie ke unue huniꞌo uri o ke lae kaꞌu weu i nume ingeie hunie ke rongoa nga taa o kei unue hunie.”


Oto naꞌohana mo ramo ni Rom e uure-uure i leune, maholo e leesie mei olana e rau urine, ko si ere ni haꞌamaꞌunge hunie a God, na ko teꞌuri, “Toꞌohuu oto, a mwane ie nga mwane oodotaꞌi.”


Na koni-konihe ngaeta naꞌohai mwane aana mae ni Rom ko tohungei mweri oto hiitoꞌo wau i leune. Koni-konihe ngeena ko karaꞌi mae oto, na poro paine ingeie e tohungei neꞌisae paine haahie.


Oto naꞌohana mo ramo ni Rom na mo ramo peꞌie nge ko kakalie a Jisas, kire leesie nunu na ngaeta mo ola loꞌu e raune, kire ko si tohungei meꞌu oto hiitoꞌo na kire ko unue uuri, “A mwane ie Kalena God oto toꞌohuu.”


Maholo melu lai hule sapemawa oto i oone, nge melu ko si saie uri mala-malau ngeena satana i Molta.


Swiv nou:

Piblisite


Piblisite