Palonga 26:3 - Tataroha Diana

³ Na no ko ilenimwaꞌe noꞌone sulie iꞌoe ngaeta mwane nge o saenanau i sulie tolahameelu mo Jiu, na o saenanau noꞌone i sulie walu ola nge melu ko haꞌa-haꞌa-ere haahiꞌi. Oto no ko eitanaiꞌo hunie o ke pwaarongo kaꞌu i sulie ere-erenga ineu.

Palonga 26:3 Referans Kwoze

Palonga 6:14

Na melu rongoa e unue uri a Jisas, mei ola ni Nasaret ngeena, kei ohoie Nume Maaꞌi Peine ikolu, na kei oolisie mo tolahai ola nge a Mosis e niiꞌi mei hunikie.”

Palonga 26:26

A Akripa Inemauri e sai mangoa taane walu ola i sulie a Jisas ienini, na nou sai ere haadaꞌi mola noꞌone hunie urine. Na nou saie uri e rongoa taane tataroha i sulie walu ola ienini maholo kire rau, aena aana walu ola ienini kaꞌa rau mumuni ike.”

1 Korinit 13:2

Na maꞌalana nou sai unu tahangaꞌinie walana a God, wa maꞌalana ne ke saenanau loꞌu aana taꞌena nga ola mumuni, wa maꞌalana uri hiiwalaimolinge ineu ke susu huni lidue mo toloi henue, taꞌe nou kaꞌa toꞌo aana manata-diananga, ineu iinoni mwaakule mola ni ngeena.

Palonga 28:17

Oto purine e oolu hei dinge e mango aana a Pol e hule wau i Rom, e lokoa mo rato ni mwane ni Jiu huni ere-ere peꞌire. Maholo kire loko mango ko si teꞌuri hunire, “Maeni eesiku ni Israel, nou kaꞌa dau aaelasie ike nga mei ola aana mwala ikolu wa ne ke dau aaelasie nga mei ola aana tolahana mo weuwaka. Taꞌe i Jerusalem kire tapolieu mola na kire niieu i nimana mo Rom.

Palonga 26:7

Taꞌe ahutamami, emi ko meni norutoꞌo mola aana taꞌa-taꞌa mei heiholotaꞌinge ngeena. Aawalai komu mwana rue iꞌemi mo Jiu maꞌalana rodo na emi ko palo-paloa mola a God aena aana emi ko maaꞌoohi susutoꞌo mola loosie mei heiholotaꞌinge ngeena kei oa. Oto Poro paine, aena mei olana nge mo rato ni mwane kire ko maaleledieu haahie siꞌiri, sulie nou tohungei hiiwalaimoli aana mei heiholotaꞌinge ngeena e toꞌohuu.

Palonga 25:26

Taꞌe nou kaꞌa toꞌo aana ike nga mei ola toꞌohuu hunie ne ke uusue hunie Inemauri Peine ikie. Oto nou neꞌisae uri kei diana hunie iꞌomu, na iꞌoe oto liutaa Akripa Inemauri, nou neꞌisae uri kei diana hunie kolu ke dolosie nga mo dolosinge loꞌu aana. Urine nge ohe ne ke si saie nga mei ola i sulie a mwane ngeena hunie ne ke uusue.

Palonga 24:10

Oto a Filiks e salo aana kiꞌine hunie a Pol ke ere-ere, oto a Pol ko teꞌuri, “Poro paine, nou saie mo helisi hunge oto o ko leie mo heliwalanga iꞌemeelu mo Israel, oto no ko tohungei ilenimwaꞌe huni aalamie nga taa kire ko haꞌapelieu haahie.

Palonga 24:4

Taꞌe mwaanie nou haꞌaweoꞌo, nge no ko eitanaiꞌo o ke pwaarongo ni saediananga kaꞌu mola aana ere-erenga oꞌoruꞌe iꞌemeelu.

Palonga 21:21

Kire rongo tarohana uri o ko haꞌa-uusulie mo Aapoloa Aaopa uri e kaꞌa roroꞌa ike hunire hunie kire ke lulu i sulie mo Haꞌatolanga a Mosis. Oto aena ngeena, kire ko neꞌisae takalo uri o ko haꞌa-uusulie mo Jiu noꞌone hunie kire ke suꞌuri aapwasu aana mo Haꞌatolanga a Mosis, na uri o ko haꞌa-uusulie mo Jiu uri kire ke suꞌuri torihesiꞌo aana mo mwela mwane ikire, wa kire ke lulu i sulie loꞌu tolahaka mo Jiu.

Palonga 26:2

“Akripa Inemauri, no ko tohungei ilenimwaꞌe aana nou toꞌo aana kele maholoi sato ienini huni uure i naꞌomu siꞌiri huni talo aasie mo wala nge mo rato ni Jiu kire ko unuꞌi takoieu.