Palonga 25:6 - Tataroha Diana

⁶ Oto a Festas e iiꞌo hunie ola mala e siwe hai dinge loꞌu peꞌire i Jerusalem, nge e si lae loꞌu hunie i Sisaria. Na aana dinge i puri e lai iiꞌo wau i laona nume ni lei-lei, e si unue ngaeta mo mwane ke lai toolea mai a Pol.

Palonga 25:6 Referans Kwoze

Palonga 25:17

Oto maholo kire lai hule mai Sisaria nou kaꞌa waelie loꞌu nga kele maholo, taꞌe e dangi hoꞌowa na nou unue kire ke toolea oto mai a Pol na leilana ko lae oto.

Palonga 25:10

Taꞌe a Pol ko ere mola uuri, “Leinge ienini, Inemauri Peine ni Rom ni e toꞌo aana, oto i leu oto e malisine leileku ke lae aana, na nga leu haꞌike loꞌu. Na o sai diana aana kaꞌu oto uri nga mei ola nou kaꞌa dau huꞌisie takoie mo Jiu ngeena.

Matiu 27:19

Oto maholo a Paelat e iiꞌo i aano i lengine naunekume ni leinge, huꞌe ingeie e uusungeꞌinie mai mei wala hunie na ko unue uuri, “Mwaanie o euꞌesuie nga mei ola aana mwane oodotaꞌi ngeena, aena aana nou tohungei hii aaela i rodo aana nou maꞌahu polea.”

Jemes 2:6

Taꞌe iꞌomu, omu kaꞌa haꞌamaꞌu ike aana mo meitale aana walumalau ie. Omu ko haꞌapainaꞌaa mola kira toꞌo-toꞌo. ?Aana e ue nge e urine? ?Kira tei nge kire ko haꞌasiꞌohaꞌaꞌomu? ?Na kira tei nge ko tooleꞌomu i laona leinge?

2 Korinit 5:10

Aana kie mani manataꞌinie oto uri ahutaka mo iinoni, kie kei meni lae i uure i naꞌona naunekume ni leinge a Kraes taꞌau i Lengi hunie ingeie kei waaikie oto i sulie helelaka mai aano i leu e diana wa e aaela.

Tataroha Diana I Sulie A Jisas Kraes Nge A Jon E Uusue 19:13

Maholo a Paelat e rongoa kire ko ere urine, e si toolea a Jisas i sinaha na ko iiꞌo i aano i lengine naunekume ni leinge aana leu sailana uuri, “Leu kire hataaꞌi heu aana” na aana erenga mo Jiu uuri, “Gabata.”

Palonga 8:40

A Pilip e si aparaꞌi, na ko hule oto aana huilume i Asotas. Oto e si lae hailiu huni tarohaꞌinie Tataroha Diana, na lae-lae e lai hule aana huilume paine i Sisaria.

Palonga 25:1

E oolu hei dinge e mango i purine a Festas e hule aana poꞌo ni henue ngeena, e lae mwaanie i Sisaria ko si lae taꞌau i Jerusalem.

Palonga 25:4

Taꞌe a Festas ko teꞌuri, “A Pol e iiꞌo oto wau i laona nume ni hoꞌo wau i Sisaria, na e saꞌa tewa na ne kei eelihoꞌi loꞌu weu.

Palonga 25:5

Oto hunie ne ke leie lau-leu huniꞌomu, nge omu ke uusungeꞌinie ngaeta mo rato ni mwane iꞌomu huni lae peꞌieu. Na mala uri ko deu huꞌisie nga mei ola toꞌohuu, nge kire ke si uusu i maana aana mo olana.”