Palonga 23:16 - Tataroha Diana

¹⁶ Taꞌe uuweline a Pol e rongoa walu oalaꞌinge ikire ngeena, oto e lae wau i nume nge mae ko oꞌoꞌo i laona, ko si haꞌarongoa a Pol.

Palonga 23:16 Referans Kwoze

Palonga 23:10

Haꞌa-erenga ngeena e lae-lae na ko peine oto. Oto poro paine haahie sinolai ramo ni Rom ngeena ko maarara mwaanie kire horoꞌie a Pol, oto e uusungeꞌinie mo ramo ingeie hunie kire ke lai toolea a Pol mwaanie pulitaa ni lei-lei, na kire ke tola aalihoꞌi aana hunie leu nge mae ko oꞌoꞌo aana.

1 Korinit 3:19

Aana saenanaunge aana walumalau ienini e kaꞌa rongo ike mala nga mei ola, aana e lio mola mala pweunge i naꞌona saenanaunge a God. Na e toꞌohuu oto, aana Uusu-uusu Maaꞌi e teꞌuri, A God e sai da mola kira saenanau ke toꞌo i laona mo hune ikire maraada kire lolosiꞌi aana sai-olanga ikire. Job 5:13

Palonga 23:32

Oto aana dinge loꞌu i puri, mo ramo nge kire ko lae mola i sulie tala kire ooli takoie leu nge kire ko oꞌoꞌo aana i Jerusalem, na mo iini mola nge kire ko lae aani hoos kire ko lae taraꞌasi loꞌu peꞌie a Pol.

Palonga 21:34

Taꞌe mwala nge kire ruru ngeena, nga mo iini ni kire soi-soingeꞌinie oto nga mei ola, hule aana poro paine ngeena e kaꞌa rongo saie loꞌu mo ola nge kire ko soingeꞌiniꞌi aana kire ko soi oto mola taꞌewau. Oto poro paine e unue mola mo ramo kire ke toolea a Pol wau i laona nume maꞌutaꞌa nge mae ingeie ko oꞌoꞌo aana nge e karaꞌinie mola Nume Maaꞌi Peine.

Palonga 21:37

Maholo mo ramo karaꞌinie kire kei hule oto wau i laona nume maꞌutaꞌa ikire ngeena peꞌie a Pol, oto a Pol ko dolosi uuri aana poro paine aana mae, “?Uri nou sai unue nga mei wala huniꞌo?” Oto poro paine ko teꞌuri, “!Haꞌike eena! ?Uri o sai ere aana erenga ni Krik?

Palonga 23:17

Oto a Pol e soie mai ngaeta mwane paine haahie tangalai ramo ni Rom ko si teꞌuri hunie, “O ke toolea saanau ie wau i saana poro paine haahie sinolai ramo, aana ko sare haꞌarongoa aana nga mei ola.”

Palonga 24:23

Na e unue ngaeta ramo paine haahie tangalai ramo ke kakalie a Pol, taꞌe ke lio rako aana a Pol na ke toliꞌaasie mo malahune ke peꞌie aana mo ola e saetoꞌo aani.