Palonga 23:1 - Tataroha Diana

¹ A Pol e toꞌomaaie pulitaa ni lei-lei oto ko teꞌuri, “Maeni eesiku ni Israel, manataku e tahanie taane mola iiꞌonga ineu i naꞌona God lae mai hule siꞌiri.”

Palonga 23:1 Referans Kwoze

Palonga 24:16

Na no ko deu aahonga tarau hunie manataku ke rereꞌa i naꞌona God na i naꞌona mo iinoni.

2 Timoti 1:3

No ko aarengaꞌi talamu susue rodo na aatowaa, na no ko tohungei sae-saemango haahiꞌo suli maholo no ko aarea God ineu nge no ko esu nana peꞌie mei manatanga rereꞌa oto noꞌone mala mo weuweku kire auꞌesuie.

2 Korinit 1:12

Maeni eesiku, manataku e taha mola aana nou saie uri melu kaꞌa eeroa ike nga iini aana nga maholo, taꞌe melu ko lulu i sulie mola oodo-oodonga nge a God e saetoꞌo aana. Walu ola melu ko euꞌesuiꞌi e uure mola aana hahuꞌana manata-diananga a God, na melu kaꞌa asuie ike nga mei ola i sulie saenanaunge ni iinoni. Tolahameelu e diana oto urine tarau peꞌie ahutana mo iinoni, na oto liutaa maholo melu oꞌoꞌo peꞌiꞌomu.

Hibru 13:18

Omu ke aarea God talameelu, aena aana melu saetoꞌo aana mola uri melu ke auꞌesuie mola taꞌena nga mei ola e oodo. Melu sai diana aana uri melu kaꞌa dau huꞌisie ike nga mei ola aaela, na melu saetoꞌo aana uri manatameelu ke taha mola urine taraꞌasi.

1 Korinit 4:4

Manataku e taha mola aana nou kaꞌa saie ike nga mei takalonga ineu, taꞌe e kaꞌa loꞌongaꞌinie ike uri ineu mwane oodotaꞌi. Aalaha ikie mola ni kei leieu.

Palonga 22:5

A Naꞌohana Mo Naꞌohai Pris na pulitaa ni lei-lei kire sai haꞌawalaimoliꞌaa mola walaku. Na ikire nge kire niie mo uusu-uusu nge kire uusuꞌi hunie mo mwane ikolu ni Damaskas. Na ineu nge nou lae wau i Damaskas huni tapolie mwala, na ni hoꞌosire aani iieli heu na huni toolera mai i Jerusalem huni haꞌaloire.

2 Korinit 4:2

Melu ko tarohaꞌinie a Kraes mola aana mo tolahai ola diana, na melu toliꞌaasie oto taꞌena nga tolahai ola aaela huni tarohaꞌinie. Melu kaꞌa tarohaꞌinie ike a Kraes aana mo tolahai ola e kaꞌa malisi, wa aana mo tolahai ola mumuni, wa aana mo tolahai ola nge ko esuie masanga. Melu kaꞌa haꞌa-olaa ike nga mo iini aani eeronga, na melu kaꞌa sai huꞌisie ike walana God. !Haꞌike oto ooꞌoo! Taꞌe melu ko lae peꞌi unu tahangaꞌinie mola walaimolinge haliꞌite i maana God, hunie ahutana mwala kire ke lio saie uri melu ko ere toꞌohuu.

Palonga 23:6

Ngaeta mo mwane aana pulitaa ni lei-lei ngeena ikire mo iini aana aapa mo Sadiusi, na ngaeta mo iini aana aapa mo Parise. A Pol e saie urine mone, oto ko ere paine hunire na ko teꞌuri, “Maeni eesiku, ineu ngaeta Parise ni ie, na mo weuweku mo Parise noꞌone. Na hiiwalaimolinge ineu uri a God kei taꞌea mo iini e mae. Na aena mei olana kaꞌu omu ko leieu haahie ie.”

1 Pita 3:16

Taꞌe omu ke aalamire aani sae maneko peꞌi haꞌamaꞌunge aada. Omu ke iiꞌo oodotaꞌi taraureꞌi hunie manatamiu ke taha mola. Urine mo iinoni nge kire ko ere-ere aaelasiꞌomu kire kei masa i sulie nga taa kire ko unu-unue ngeena, aena aana ahutana mwala kei leesie mo ola diana omu ko esuiꞌi aana omu ko lulu i sulie a Kraes.

Palonga 22:30

Poro paine haahie mae ngeena ko sare saie nga taa nge mo Jiu kire ko heliwala aana a Pol haahie. Oto e dangi hoꞌowa, e lokoa mo naꞌohai pris na pulitaa ni lei-lei, ko si luhesie a Pol mwaanie nume maꞌutaꞌa, na e toolea, ko lai haꞌa-uuresie i naꞌona pulitaa ni lei-lei.

Palonga 6:15

Oto aana maholona ahutana mwala nge kire loko ngeena, kire ko si lio hahuroto oto aana a Stivin aana kire ko si leesie maana e lio oto mala ensel.

Palonga 22:1

“Mo mamaꞌa ineu na maeni eesiku, omu ke pwaarongo kaꞌu hunie ne ke aalamiꞌomu.”

Matiu 5:22

Taꞌe ineu, no ko unue huniꞌomu uri mala nga iini ko saewasulie aasine, e malisine uri ke lae noꞌone mola i laona leinge. Na nga iini ko ere aaelasie aasine, nge e adona tolalana i naꞌona pulitaa ni naꞌohai pris hunie leilana. Na nga iini ko haaraꞌi ‘Pweu’ aana aasine, nge kei lae i laona dunge ni haꞌamotaahinge.

Palonga 23:15

Oto iꞌomu na mo mwane aana pulitaa ni lei-lei, omu ke uusungeꞌinie nga mei wala hunie poro paine haahie sinolai ramo ni Rom, hunie kire ke toolea mai a Pol i seemiu hunie ke leesiꞌomu. Taꞌe omu ke eero mola uri omu ko sare saie loꞌu ngaeta mo ola i sulie. Oto melu kei deu aakau huni horoꞌie i naꞌona kei hule i leu i seemiu.”

Palonga 23:20

Oto saanau ngeena ko teꞌuri, “Mo rato ni Jiu kire mani neꞌisae tararuru huni haꞌatohu eemu hunie o ke toolea a Pol i saana pulitaa ni lei-lei i hoꞌowa. Kire kei eero ni unue uri kire ko sare saie loꞌu nga mo ola i sulie.

Palonga 23:28

Nou sare saie nga taa ni mo Jiu ko sare horoꞌie a Pol i tehulaꞌana, oto nou toolea i saana pulitaa ni lei-lei ikire.