Palonga 22:24 - Tataroha Diana

²⁴ Oto poro paine haahie mae ngeena e unue hunie mo ramo kire ke toolea a Pol i laona nume maꞌutaꞌa kire oꞌoꞌo aana ngeena. Na ko unue hunire uri kire ke rapusie a Pol, na hunie kire ke dolosi aana hunie kire ke saie uri nga taa ni mo Jiu kire ko teangie haahie.

Palonga 22:24 Referans Kwoze

Palonga 23:10

Haꞌa-erenga ngeena e lae-lae na ko peine oto. Oto poro paine haahie sinolai ramo ni Rom ngeena ko maarara mwaanie kire horoꞌie a Pol, oto e uusungeꞌinie mo ramo ingeie hunie kire ke lai toolea a Pol mwaanie pulitaa ni lei-lei, na kire ke tola aalihoꞌi aana hunie leu nge mae ko oꞌoꞌo aana.

Palonga 21:34

Taꞌe mwala nge kire ruru ngeena, nga mo iini ni kire soi-soingeꞌinie oto nga mei ola, hule aana poro paine ngeena e kaꞌa rongo saie loꞌu mo ola nge kire ko soingeꞌiniꞌi aana kire ko soi oto mola taꞌewau. Oto poro paine e unue mola mo ramo kire ke toolea a Pol wau i laona nume maꞌutaꞌa nge mae ingeie ko oꞌoꞌo aana nge e karaꞌinie mola Nume Maaꞌi Peine.

Tataroha Diana I Sulie A Jisas Kraes Nge A Jon E Uusue 19:1

Oto a Paelat e si unue hunie mo ramo uri kire ke toolea a Jisas na kire ke rapusie.

Hibru 11:35

Na mo huꞌe kire hiiwalaimoli aana God, mo kaleda nge kire mae kaꞌu, kire heꞌi meuri loꞌu. Na ngaeta mwala nge kire hiiwalaimoli aana God, mo maelonga ikire ko haꞌamotaahire haahie hiiwalaimolinge ikire. Taꞌe maholo mo maelonga ko unue hunire uri kire sai lae mola, mala uri kire ko toliꞌaasie hiiwalaimolinge ikire, nge kire hele maꞌutaꞌa mola aana hiiwalaimolinge, aana kire mwaꞌe-mwaꞌe mola huni mae, hunie kire ke si taꞌelaꞌi oto peꞌie mei meuringe e diana loꞌu liutaa aana iini mei aano.

Palonga 23:27

A mwane ie, mo rato ni Jiu kire tapolie, na kire ko karaꞌi horoꞌie oto, taꞌe nou lae mai peꞌie mo ramo ineu, oto nou lauhie aena nou saie ingeie ngaeta mwane ni Rom.

Palonga 16:37

Taꞌe a Pol e teꞌuri mola hunie mo ramo ngeena, “Iꞌemereꞌi e ro mwane ni Rom ni ie, na kire tohungei waelie oto haꞌatolanga aana kire kaꞌa toliꞌaasiꞌemereꞌi huni ere luhesie nga mei ola hunire, taꞌe kire rapusiꞌemereꞌi mola mwaakule i maana mwala, na kire neꞌiꞌemereꞌi i laona nume ni hoꞌo. ?Oto e ue ni kire ko si sare toliꞌaasiꞌemereꞌi mola mumuni aana maholo ienini? !Haꞌike! E malisine ikire maraada ni kire kei haro lae mai huni haꞌa-iisitaangaꞌiniꞌemereꞌi mwaanie nume ni hoꞌo.”

Palonga 21:37

Maholo mo ramo karaꞌinie kire kei hule oto wau i laona nume maꞌutaꞌa ikire ngeena peꞌie a Pol, oto a Pol ko dolosi uuri aana poro paine aana mae, “?Uri nou sai unue nga mei wala huniꞌo?” Oto poro paine ko teꞌuri, “!Haꞌike eena! ?Uri o sai ere aana erenga ni Krik?

Palonga 28:18

Oto mo mwane ni Rom kire tooleau i laona leinge, taꞌe kire ko sare luhesieu mola hunie ne ke iiꞌo luhetaꞌi sulie kire kaꞌa leesie ike nga mei ola ne ke dau huꞌisie hunie horoꞌileku ke lae i tehulaꞌana.