Palonga 20:9 - Tataroha Diana

⁹ Oto ngaeta mwane saanau, satana a Iutikas, e iiꞌo i sulie maaureꞌi aana duru ngeena. Na maholo a Pol ko ere-ere tewa oto, a Iutikas ko aehota mamauruꞌe oto, lae-lae hule aana ko maꞌahu eelisuu oto. Oto e domu uure aana oolune nga sao-saohai nume oto hunie i mwakano. Maholo kire lae hai leesie, na kele mwaena e mae oto.

Palonga 20:9 Referans Kwoze

Tataroha Diana I Sulie A Jisas Kraes Nge A Mak E Uusue 13:36

Mwaanie da na e tolana hule mola lau-leu, na e lae mola mai leesie omu ko maꞌahu liu.

Palonga 14:19

Oto lae-lae i purine nga maholo e kele tewa, ngaeta mo mwane ni Jiu uure mwaanie huilume i Aekoniam na huilume i Antiok aana poꞌo ni henue i Pisidia kire hule mai, na kire ko haꞌa-olaa mwala ni Listra ngeena uri kire ke uure honosie e ro hurulaꞌaa. Na kire ko uuꞌie a Pol aani heu, na kire ko weꞌi ookea oto mwaanie huilume aana kire loꞌongaꞌinie uri e mae oto.

Tataroha Diana I Sulie A Jisas Kraes Nge A Mak E Uusue 9:26

Oto liꞌoa aaela ngeena ko aawara oto paine, ko haꞌa-aririe, ko si iisitaa oto mwaanie a mwaꞌune. Na a mwaꞌune e lio mala e mae oto, na ahutana mwala ko meni teꞌuri, “E mae oto ni ngeena.”

Palonga 20:7

Oto i rodo aana eetana nga dinge purine Dinge Maaꞌi Mo Jiu, melu loko huni aarengaꞌi na ni ngeu tararuru aana ngaunge huni aamasitoꞌo aana maelana Kraes. A Pol e saie mone uri kei lae oto mwaanie soihaadaꞌinge ngeena aana kei dengi i hoꞌowa, oto ko haꞌa-haꞌa-uusulire aana walana God hule oto i upui rodo.

Palonga 20:8

Na mo sine hunge kire eeso i laona duru nge melu ruru i laona taꞌau i lengi.

Palonga 20:10

A Pol e siho hao i aano, oto e lae hai ako haahie, na ko teꞌuri, “Mwaanie omu sae-saehuu loꞌu. E mauri taane.”