Palonga 2:43 - Tataroha Diana

⁴³ Ahutana mwala kire ko tohungei pangataꞌi na kire ko meꞌu, na kire ko haꞌamaꞌu oto aana a God, aena aana mo huꞌi-huꞌite na mo tolimaa oto hunge a God e asuiꞌi aana nimana mo hurulaꞌaa.

Palonga 2:43 Referans Kwoze

Tataroha Diana I Sulie A Jisas Kraes Nge A Jon E Uusue 14:12

No ko unue oto toꞌohuu huniꞌomu uri iini ko hiiwalaimoli eeku, e sai esuie noꞌone mola taungei esunge no ko esuie ie. Na hule aana e sai esuie mo esunge paine loꞌu liutaa aana mo iinine, aena aana no ko lae oto i saana a Mamaꞌa.

Tataroha Diana I Sulie A Jisas Kraes Nge A Luk E Uusue 8:37

Oto ahutana mwala aana poꞌo ni henuena kire ko si meni eitanaie a Jisas uri ke lae mwaanire, aena aana kire ko tohungei meꞌu oto hiitoꞌo. Oto a Jisas e taꞌelie iiola ko si lae mwaanire.

Tataroha Diana I Sulie A Jisas Kraes Nge A Luk E Uusue 7:16

Oto ahutana mwala ko meni pangataꞌi na kire ko soi haꞌamanikuluꞌaa God uuri, “!Nga propet paine liutaa kaꞌu e taꞌelaꞌi i matolakaelu ie! !A God e lae oto mai huni haꞌa-uurie mo iinoni ingeie!”

Tataroha Diana I Sulie A Jisas Kraes Nge A Mak E Uusue 16:17

Na mo iini ko hiiwalaimoli eeku, nge a God kei niie nanamanga hunire, huni esuie mo huꞌi-huꞌite. Kire kei sikeraꞌinie mo liꞌoa aaela mwaanie mo iinoni aana sataku, na kire kei ere aana mo erenga hai aaopaꞌi.

Palonga 9:40

Oto a Pita e si unue ahutana mwala ke lae kaꞌu i sinaha, oto e pouruuru ko si aarengaꞌi. E saro wau takoie huꞌe nge e mae ngeena, ko soie satana na ko teꞌuri, “!Tabita, o ke taꞌelaꞌi!” Oto a huꞌena e lakataꞌinie maana na maholo e leesie a Pita, e si taꞌelaꞌi.

Palonga 4:33

Na mo hurulaꞌaa ko si houleꞌinie Aalaha ikie peꞌie nanamanga uri e mauri eelihoꞌi toꞌohuu mwaanie maenga. Na a God e si haꞌadianaꞌaa ahutana soihaadaꞌinge.

Palonga 9:34

Oto a Pita ko teꞌuri hunie, “Aenias, a Jisas Kraes ko haꞌa-uuriꞌo. O ke taꞌelaꞌi, na o ke lulungie hulite iꞌoe.” Na oto mola aana maholoi satona a Aenias ko uure hala-hala oto.

Palonga 2:22

“!Iꞌomu mo Israel, omu ke pwaarongo diana aana mo wala ienini! A Jisas ni Nasaret ngeena, a God e haataꞌi diana aana oto aamiu uri ingeie ni e uusungeꞌinie mai. Omu saie oto maraamiu uri a God ni e haataꞌinie mei olana aana mo huꞌi-huꞌite na mo tolimaa a Jisas e asuiꞌi i matolamiu.

Palonga 5:5

A Ananaeas e rongo mola urine, e ladamaꞌi hai aano na ko mae oto. Oto ahutana mwala kire rongoa leune kire ko si tohungei meꞌu oto liutaa.