Palonga 2:31 - Tataroha Diana

³¹ A Deved e lio saie mone nga taa a God kei esuie mai puri. Oto e ere urine aena aana e saie uri a Kraes kei taꞌelaꞌi eelihoꞌi loꞌu mwaanie maenga. E unue uri a God e saꞌa toliꞌaasie ike hunie ke iiꞌo mola aana leu mwala e mae oto, na e saꞌa toliꞌaasie ike hunie sapena ke kasu i laona kilipweꞌu.

Palonga 2:31 Referans Kwoze

Palonga 2:27

aena aana o saꞌa toliꞌaasie ike maurihaꞌaku aana leu mwala kire mae oto, na o saꞌa toliꞌaasie ike Iini Maaꞌi iꞌoe hunie ke kasu i laona kilipweꞌu.

Palonga 13:35

Na ngaeta Kana Maaꞌi e ere luhesie loꞌu uuri, O saꞌa toliꞌaasie mwane maaꞌi iꞌoe hunie ke kasu i laona kilipweꞌu. Sam 16:10

Matiu 11:23

?Na huniꞌomu mo Kapaneam, omu ko loꞌo-loꞌongaꞌi uri a God kei sulu alaꞌa aamiu taꞌau i Lengi? !Haꞌike! A God kei aasiꞌomu mola hai aano aana leu ni haꞌamotaahinge. Aana mo huꞌi-huꞌite nge asuileni e lae huniꞌomu, kire ke rau urine hunie hanue aaela i Sodom, haꞌalaa ingeie e iiꞌo mola ue hule mai siꞌiri.

1 Korinit 15:4

Na haitolingeꞌinilana e lae, na a God e taꞌe aalihoꞌi loꞌu aana mwaanie maenga aana oolune nga hai dinge, mala uusulana e lae i laona mo Uusu-uusu Maaꞌi.

Kalesia 3:8

Oto wau i naꞌo, mo Uusu-uusu Maaꞌi e holaꞌi ere taane oto i sulie uri a God kei haꞌa-oodohie mo Aapoloa Aaopa aani hiiwalaimolinge. Aena mei olana nge a Ebraham e holaꞌi rongoa oto aana Tataroha Diana uuri, A God kei da hunie komu iꞌoe ke haꞌadianaꞌaa ahutana mwala ni welumalau i tehulaꞌamu. Jenesis 12:3