Palonga 19:26 - Tataroha Diana

²⁶ Oto mala omu leesie na omu rongoa oto maraamiu, a Pol ko laengaꞌinie uuri, ‘Mo god nge asuileni e lae aani nimana iinoni, nga mo god toꞌohuu haꞌike.’ Na a Pol e huꞌisie oto manatana ahutana mwala aana huilume ikolu i Epesas, na karaꞌinie oto noꞌone ahutana mwala aana mo henue i laona poꞌo ni henue ikolu i Esia ienini.

Palonga 19:26 Referans Kwoze

1 Korinit 8:4

Oto aapa aana ngaulana mo ngeulaa uunuleni e lae i saana mo nunui ola, kie saie oto uri nunui ola nga ola toꞌohuu haꞌike, aana kie mani saie oto uri e taꞌa-taꞌa God mola.

Palonga 17:29

Oto aena a God e niie mauringe hunikie mala mo mwela ingeie, nge kie ke suꞌuri neꞌi-neꞌisae uri a God nga ola kie sai eedumie mola aani kol wa aani siliva wa aani heu. Aana a God e kaꞌa urihana ike ola nge nimana iinoni wa saenanaunge iinoni e sai esuie.

Haataꞌinge 9:20

Taꞌe ahutana mo iinoni loꞌu i lalona walumalau nge horoꞌilada e kaꞌa lae ike aana mo aaelanga ngeena, kire kaꞌa oonisae ike mwaanie mo takalonga ikire. Kire kaꞌa mamalo ike mwaanie palolana mo liꞌoa aaela na mo nunui ola kire asuiꞌi mola aani kol, na siliva, na bras, na hau, na aani ei. Mo god eero-eero ngeena kire kaꞌa sai lio ike aana maada wa kire ke rorongo aana aalingada wa kire ke lae-lae aana aeꞌaeda.

Palonga 19:10

A Pol e asuie urine hunie e ro halisi, hunie ahutana mo Jiu na mo Aapoloa Aaopa nge kire ko oꞌoꞌo aana poꞌo ni henue i Esia kire ke mani rongoa walana Aalaha.

Palonga 14:15

“!Mwae! ?E ue ni omu ko teꞌurine? Iꞌemereꞌi mere sada mola mala iꞌomu. Taꞌe mere lae mola mai huni tarohaꞌinie Tataroha Diana hunie omu ke toliꞌaasie mola mo nunui ola mwaakule urine, na hunie omu ke aaliꞌu takoie God Mau-meuriꞌe. Aana ingeie mone e haꞌaholaa salo, na aano huu, na aasi, na walu ola nge ko oꞌoꞌo i lalo aani.

1 Tesalonaeka 1:9

Ahutana mwala ngeena ko meni ere i sulie oto diananga iꞌomu huniꞌemeelu maholo melu maatoliꞌomu, na uri omu eeliꞌu oto mwaanie palolana mo god eero-eero takoie asunge nana tohungei God Meu-meuriꞌe.

Kalesia 4:8

I naꞌo maholo omu kaꞌa sai diana aana ue a God, omu neꞌi koni-konihe mola na omu talei euꞌesu mola nana mo god eero-eero.

1 Korinit 12:2

Omu saie taane uri maholo omu oꞌoꞌo ni puꞌo ue, kire naꞌomiu huni talei lae-lae mola i sulie mo tala hunge aaela huni palo-paloa mola mo nunui ola nge hule aana kire kaꞌa sai ere ike.

Palonga 18:19

kire ko lae holosie aasi oto hunie huilume paine i Epesas. Kire lai hule wau i Epesas nge a Pol e si lae mwaanie a Prisila na Akuila, na ko lae maraana oto i laona nume ni palo-palo mo Jiu ni ere-ere peꞌire.

Palonga 19:1

Maholo a Apolos e iiꞌo ue aana huilume i Korinit i laona poꞌo ni henue i Akaea, a Pol e hane holo i henue e si lai hule aana huilume paine i Epesas, na ko oodoie ngaeta mo pwaarongoisuli.

Palonga 19:25

Oto a Demitrias a soie mai ahutana mo mwane aadu-eedu ngeena, na e soie mai noꞌone ngaeta mo mwane kire ko teri ola aana taꞌa-taꞌa taungei esungena, ko si teꞌuri hunire, “Mo mwane, omu ke saie tari-olanga diana ikolu ko lae mai mola mwaanie taꞌa-taꞌa taungei esunge.