Palonga 18:2 - Tataroha Diana

² Na aana huilume ngeena ko oodoie mwane satana a Akuila mwane ni Jiu nge e hute aana poꞌo ni henue i Pontas. A Akuila na huꞌe ingeie a Prisila kirerue oꞌoꞌo wau i naꞌo aana poꞌo ni henue i Itali, taꞌe kirerue si lae mwaanie maholo inemauri peine ni Rom a Klodias e oohea ahutana mo Jiu mwaanie huilume i Rom, nge e neꞌi naꞌohai huilume aana poꞌo ni henue i Itali. Oto a Akuila na Prisila ko si lae mai iiꞌo i Korinit maholo a Pol e oodoirerue.

Palonga 18:2 Referans Kwoze

2 Timoti 4:19

O ke niie mei wala ni saediananga ineu hunie a Prisila na poro ingeie a Akuila, na noꞌone hunie uluhe ni iinoni a Onesiporas.

1 Korinit 16:19

Mo soihaadaꞌinge i leu aana poꞌo ni henue i Esia, kire ko niie saediananga ikire huniꞌomu. A Akuila na Prisila oto peꞌie mo iini ko rururu peꞌire tarau wau i nume ikirerue, kire ko niie mei wala ni saediananga huniꞌomu i lalo aana satana Aalaha

Palonga 18:26

A Apolos e lae wau i laona nume ni palo-palo mo Jiu ko tohungei ere hiitoꞌo hunire. Oto maholo a Prisila na Akuila kire rongoa ere-erenga ingeie, kire si toolea wau i nume ikirerue ni haꞌa-uusulie loꞌu aana tolahana God.

Palonga 11:28

Oto ngaeta iini aada satana a Agabas, e uure i lengi ko si ere aana nanamanga a Liꞌoa Maaꞌi uri hiolonga kei tola aana ahutana mo leu aana aalahanga ni Rom. Oto mai puri, nge mei ola ienini ko si oa aana maholo a Klodias e neꞌi inemauri ni Rom.

Palonga 18:18

Oto a Pol e iiꞌo tewa oto loꞌu peꞌie mo mwaasine i lalo aana Kraes i Korinit. Lae-lae e si loꞌongaꞌi huni lae loꞌu hunie poꞌo ni henue i Siria. A Prisila na Akuila kirerue hakusie aana laenga ngeena, na maholo kire hule i Senggria, a Pol e si pala oꞌoruꞌe aana iihune pwaune aena aana mo dinge aana haiholotaꞌinge maaꞌi ingeie kire si mango. Oto kire taꞌe aana haka,

Palonga 2:9

Aana ikolu, kolu uure mola mwaanie mo henue mala i Patia na i Midia na i Elam na i Mesopotemia na i Jiudia na i Kapadosia na i Pontas na i Esia,

1 Pita 1:1

Saediananga mwaanieu a Pita, hurulaꞌaa a Jisas Kraes, huniꞌomu mo iinoni a God wau aana mo poꞌo ni henue i Pontas na i Kalesia na i Kapadosia na i Esia na i Bitinia. No ko uusu-uusu weu huniꞌomu mo iinoni a God nge omu ko iiꞌo mala mo awataa aana omu iiꞌo tatanga mola hailiu aana mo poꞌo ni henue ngeena.

Palonga 27:1

Maholo kire unue uri melu kei lae aana haka hunie poꞌo ni henue i Itali, kire si niie a Pol na ngaeta mo mwane nge kire ko iiꞌo i laona nume ni hoꞌo noꞌone hunie ngaeta ramo paine haahie nga tangalai ramo hunie ke kakalire. Ramo ngeena satana a Jiulias na ingeie aana pulitaa ni ramo kire haaraꞌinie “Pulitaa ni Ramo a Inemauri Peine ni Rom.”

Palonga 27:6

I leune nge a Jiulias e leesie ngaeta haka e uure i Aleksandria na ko lae hunie i Itali. Oto poro paine haahie tangalai ramo ngeena e unue melu ke lae loꞌu aana haka ngeena.

Hibru 13:24

Omu ke niie mei wala ni saediananga iꞌemeelu hunie ahutana mo naꞌohai iinoni iꞌomu na loꞌu hunie ahutana mo iinoni maaꞌi a God wau i seemiu. Mo eesikaelu mai leu aana poꞌo ni henue i Italia kire ko niie noꞌone wau saediananga ikire huniꞌomu.