Palonga 17:18 - Tataroha Diana

¹⁸ I Atens mo pulitaa oto hunge mala mo Epikiurian na mo Stoek kire ko ere-ere oto hiitoꞌo i sulie nga taa e tohungei roroꞌa hunie maurihaꞌana iinoni. Oto ngaeta mo haꞌa-uusuli aana e ro pulitaa ngeena kire rongoa ere-erenga a Pol, oto kire ko teꞌuri, “?Nga taa ni e rongo mala wisi ko nore-nore ngeena? ?Nga taa ni a mwaena ko sare unuena?” Na ngaeta mo iini ko teꞌuri, “Ohe ko ere i sulie ngaeta god aana mo poꞌo ni henue hai aaopaꞌi ni ngeena.” Kire ko ere urine aena aana a Pol ko tarohaꞌinie Tataroha Diana i sulie a Jisas na taꞌelaꞌinge ingeie mwaanie maenga.

Palonga 17:18 Referans Kwoze

Kolosi 2:8

Omu ke lio talamiu noꞌone mwaanie nga iini e haꞌatakaloꞌomu aana mo haꞌa-uusulinge eero-eero na mo loꞌongaꞌinge ni iinoni mola. Aana maꞌalana mo loꞌongaꞌinge mala ngeena ke rongo ni saenanau oto uri taa, taꞌe kire kaꞌa uure ike mai mwaanie a Kraes, taꞌe mo ola mola aana nanamanga ni welumalau.

Palonga 4:2

Kire ko tohungei saewasulie e ro hurulaꞌaa aana kirerue ko haꞌa-uusulie mwala uri taꞌelaꞌinge a Jisas mwaanie maenga e haꞌawalaimoliꞌaa oto uri mo iini e mae kire kei haro mauri eelihoꞌi loꞌu.

Tataroha Diana I Sulie A Jisas Kraes Nge A Luk E Uusue 11:53

Maholo a Jisas ko iisitaa oto mwaanie leune, mo haꞌa-uusuli aana mo Haꞌatolanga a Mosis na mo Parise ko si aehota ere aaelasie oto hiitoꞌo, na uure aana maholona kire ko talaꞌai dolosie oto mo ola hunge aana,

1 Korinit 4:10

Oto mwala nge kire leesiꞌemeelu kire ko loꞌongaꞌinie uri melu ko pweu aana melu iiꞌo peꞌie a Kraes. ?Taꞌe e ue aana iꞌomu? ?Uri omu saenanau oto aena aana iꞌomu peꞌie a Kraes? !Neꞌewau oto! Iꞌemeelu, melu tataku mola, taꞌe iꞌomu nge omu aꞌailaꞌa.

1 Korinit 3:18

Oto omu ke suꞌuri neꞌi-neꞌisae aaela i sulie mei ola ienini. Mala uri nga iini eemiu ko neꞌi-neꞌisae uri e saenanau aana saenanaunge ni welumalau, e diana oto liutaa hunie iinoni ngeena ke tohungei toli puri aana saenanaunge ngeena maꞌalana mwala ko haaraꞌinie aana “Pweu.” Oto ke si hule aana saenanaunge toꞌohuu.

Uusu-uusu A Pol Hurula'aa Hunie Mo Rom 1:22

Kire ko unu-unue uri kire saenanau, taꞌe haꞌike. Kire neꞌi iinoni pweu-pweuaꞌa mola.

Palonga 26:23

Ikire noꞌone kire unue uri a Haꞌa-uuri nge a God e haiholotaꞌinie kei lae mai kei sapesalu hule aana maenga, na aana ingeie oto eetana nga iini kei holaꞌi taꞌelaꞌi eelihoꞌi mwaanie maenga, ingeie oto ke si tarohaꞌinie raa-raa a God hunie mo Jiu na mo Aapoloa Aaopa.”

Tataroha Diana I Sulie A Jisas Kraes Nge A Mak E Uusue 9:14

Maholo a Jisas na Pita na Jemes na Jon kire ooli mei saana ngaeta mo pwaarongoisuli ingeie, na kire ko leesie mwala hunge kire loko ahuire. Na ngaeta mo haꞌa-uusuli aana mo Haꞌatolanga a Mosis, kire ko ere-ere haitapali peꞌire.

Palonga 6:9

Taꞌe ngaeta mo mwane ni Jiu kire ko leledie mola a Stivin. Mo mwane ngeena kire uure mwaanie mo huilume haꞌatau i Saerin na i Aleksandria na e ro poꞌo ni henue i Silisia na i Esia. Na kire mani sai loko aana nume ni palo-palo mo Jiu nge kire haaraꞌinie aana Nume Ni Palo-palo Mwala Kire Iiꞌo Luhetaꞌi Loꞌu. Oto mo mwane ngeena kire ko aehota haꞌa-ere oto peꞌie a Stivin,

Palonga 5:42

Na kire ko haꞌa-uusulie mwala oto tarau i laona Nume Maaꞌi Peine na i laona mo nume ikire. Na kire ko lae peꞌi houleꞌinie Tataroha Diana i sulie a Jisas uri ingeie a Kraes, a Haꞌa-uuri nge a God e haiholotaꞌinie hunie ke uusungeꞌinie mai welumalau.