Palonga 16:25 - Tataroha Diana

²⁵ Oto i upui rodo a Pol na Saelas kirerue ko aarengaꞌi peꞌie kananga ni lahea God. Na mo iini nge kire iiꞌo noꞌone i nume ni hoꞌo kire ko rorongo mola i sulirerue.

Palonga 16:25 Referans Kwoze

Jemes 1:2

Maeni eesiku maaꞌi, omu ke ilenimwaꞌe mola maholo mo malaahonga hai-aaopaꞌi kei haro hite aamiu,

Uusu-uusu A Pol Hurula'aa Hunie Mo Rom 5:3

Na kie ko ilenimwaꞌe noꞌone haahie mo aasanga ko reꞌu-reꞌusikie i tehulaꞌana kie ko lulu i sulie a Kraes, aana kie saie oto uri mo aasanga urine nge ko da hunie kie ke uure aꞌailaꞌa loꞌu liutaa.

Hibru 5:7

A God e toꞌo aana nanamanga paine adona ke haꞌa-uurie a Jisas mwaanie maenga, na maholo a Jisas e iiꞌo ue mai laona walumalau, e ngarasie a God aani aarengaꞌinge uri a God ke peꞌie. Oto a God e rongoa aarengaꞌinge ingeie, aena aana e haꞌamaꞌu aana a God na e tola i sulie walana.

Epesas 5:19

Urine maholo omu ko meni loko tararuru, omu ke haꞌasusue saemiu heiliu aana omu ko kanalie mo kana maaꞌi, na mo kana ni lahenga, na mo kana nge Liꞌoa Maaꞌi e niiꞌi mei. Na omu ke kana noꞌone ni lahea Aalaha aana ahutana saemiu.

Kolosi 1:24

Oto maꞌalana no ko sapesalu oto ienini i tehulaꞌamiu, taꞌe no ko ilenimwaꞌe mola, aena aana sapesalunge aana sapeku ienini kei peꞌiꞌomu. A Kraes e sapesalu hiitoꞌo waite huni peꞌie soihaadaꞌinge, aena aana sapena ni otona. Oto ineu no ko sapesalu noꞌone urine aana sapeku huni haꞌamangoa kele leu e oore ue aana sapesalunge a Kraes arengaku.

Uusu-uusu A Pol Hurula'aa Hunie Mo Rom 12:12

Omu ke ile-ilenimwaꞌe tarau haahie mo heiholotaꞌinge a God huniꞌomu. Maholo siꞌohaꞌanga ko hite aamiu, omu ke hele maꞌutaꞌa mola aana hiiwalaimolinge, na omu ke iiꞌo peꞌi aarengaꞌinge mola tarau.

1 Pita 4:14

Oto mala uri mwala ko haꞌasapesaluꞌaꞌomu i tehulaꞌana omu ko lulu i sulie a Kraes, omu ke ile-ilenimwaꞌe mola haahie. Omu ke ilenimwaꞌe mola aena aana mei tolahai sapesalunge i tehulaꞌana a Kraes nge ko haataꞌinie uri Liꞌoa Maaꞌi a God e iiꞌo oto aamiu toꞌohuu na kei haro niie manikuluꞌanga huniꞌomu.

Pilipae 2:17

Na hiiwalaimolinge iꞌomu aana God, e urihana uuraaꞌinge nge niilana a lae hunie a God na ko ilenimwaꞌe haahie. Oto mala uri ingeie kei loꞌongaꞌi ni iidu tarakonie maenga ineu noꞌone huni haꞌa-ahue uuraaꞌinge aana hiiwalaimolinge iꞌomu, nge ne kei tohungei ilenimwaꞌe loꞌu liutaa. Na saeku omu ke ilenimwaꞌe oto noꞌone peꞌieu haahie leune.

2 Korinit 6:10

Aena aana mo aasanga ngeena, e malisine oto melu ke sae-saehuu, taꞌe melu ilenimwaꞌe mola tarau. Melu sai meitale taane, taꞌe melu ko peꞌie mola mwala hunge hunie kire ke toꞌo-toꞌo loꞌu. Melu kaꞌa toꞌo aana ike taane nga mei ola, taꞌe melu ko si toꞌo aana mola ahutana walu ola mango.

Palonga 5:41

Mo hurulaꞌaa kire lae mwaanie pulitaa ni lei-lei, kire ko tohungei ilenimwaꞌe oto liutaa, aena aana a Jisas e haataꞌinie uri kire ado taane huni sapesalu i tehulaꞌana satana.

Tataroha Diana I Sulie A Jisas Kraes Nge A Luk E Uusue 22:44

Na aena aana sapesalunge e paine hiitoꞌo, a Jisas ko si aarea God loꞌu liutaa. Na ko madaraꞌa oto hiitoꞌo hule aana mo uudu-uuduhe ni madaraꞌanga kire lio oto mala mo uudu-uuduhe ni epu.

Jemes 5:13

Na mala uri nga iini eemiu ko lae oodoie aasanga, nge ke aarengaꞌi. Wa uri nga iini eemiu saena e ilenimwaꞌe, nge ke kana ni paalahenga.

Palonga 15:22

Oto mo hurulaꞌaa na mo rato na ahutana mwala aana soihaadaꞌinge, kire mani neꞌisae tararuru huni lio hilisie ngaeta mo mwane aada huni uusungeꞌinire peꞌie a Pol na Banabas i Antiok. Oto kire lio hilisie a Saelas na a Jiudas nge ngaeta sata aana a Basabas, aana ikirerue e ro naꞌohai mwane nge ahutana ruruhaa kire tohungei haꞌamaꞌu aadarue.

Palonga 16:19

Na maholo mo mwane paine haahie a keine kire leesie uri tala ni teri-toꞌohanga ikire e mango oto, kire si tapolie a Pol na Saelas, kire ko ookerarue oto i saana mo mwane paine i nume ni rururu aana huilume ngeena.

Palonga 16:33

Oto aana hai rodona kire ko tohungei lio i suli diana aadarue, na kire ko hodalie mo malaka i sapedarue. Na maholoi satona noꞌone ingeie na ahutana mwala aana uluhe ingeie kire ko meni loto maaꞌi oto.