Palonga 16:16 - Tataroha Diana

¹⁶ Oto aana ngaeta hai dinge maholo melu ko lae aana leu ni aarengaꞌinge i sulie wai ngeena, melu oodoie nga keni haalu ko euꞌesu mala koni-konihe nana ngaeta mo mwane. Na a keni ngeena liꞌoa aaela nge aana, na ko unu-unue walu ola kei reu ue mai. Na mo mwane paine haahie koni-konihe ngeena kire ko tohungei tei-terie mei toꞌoha paine aana.

Palonga 16:16 Referans Kwoze

Kalesia 5:20

Kire ko paloa mola mo god eero-eero, na kire ko deu i sulie mola mo liꞌoa aaela. Kire ko esuie mola maelonganga hunire hailiu, na haiseuninge, na heotaꞌinge. Kire ko maaola-ola aani saewasunge, na kire ko loꞌongaꞌinire mola maraada, na kire ko esuie mola oopanga, na kire neꞌie oto ngaeta pulitaa haꞌa-haꞌa-ere.

1 Timoti 6:10

Na saehanalilana toꞌoha oto aahuꞌine taꞌena nga aaelanga. Na ngaeta mo iinoni kire toliꞌaasie oto hiiwalaimolinge ikire aena aana kire ko saehanalie mola uri toꞌo-toꞌolada ke paine loꞌu liutaa. Taꞌe aana kire ko teꞌurine, nge kire ko si esuie mola mo saehuunge ikire ko peine loꞌu liutaa.

2 Timoti 3:8

Mwala nge kire ko lae hailiu i sulie mo huꞌe urine, kire ko ere aaelasie tohungana walaimolinge, mala a Janis na a Jambris kirerue ere aaelasie a Mosis wau i naꞌo. Kire kaꞌa toꞌo aana ike nga mei loꞌongaꞌinge ke oodo, na hiiwalaimolinge ikire pweai ola mola ni ngeena.

Palonga 16:18

Mo dinge hunge a keine ko teꞌurine oto mola, lae-lae hule aana a Pol e kaꞌa sare rongoa oto. Oto a Pol e saro wau takoie, na ko teꞌuri hunie liꞌoa aaela ngeena, “Aana satana Jisas Kraes no ko unue oto huniꞌo o ke lae mwaanie a keni ngeena.” Na oto mola aana maholoi satona liꞌoa aaela ngeena e tolana tahi oto mwaanie a keine.

Palonga 16:13

na aana Dinge Maaꞌi Mo Jiu, melu loꞌongaꞌi huni lae i nume ni palo-palo mo Jiu, taꞌe nga nume ni palo-palo haꞌike i leune. Oto melu iisitaa mwaanie huilume ngeena, na melu lae i sulie wai aana melu loꞌongaꞌinie uri saꞌa mola mo Jiu kire toꞌo aana nga kele leu huni aare-aarea God i leune. Oto melu leesie ngaeta mo huꞌe ni Jiu kire loko, nge melu si iiꞌo i aano huni ere-ere peꞌire.

2 Pita 2:3

Na aena aana mo haꞌa-uusuli eero-eero ngeena kire ko heri hunie mone mola toꞌoha, oto kire kei da taꞌena nga haꞌa-uusulinge eero-eero mola huni weꞌinie mola mo toꞌoha iꞌomu. Taꞌe a God e kaꞌa sai maꞌahu ike, oto e leesie mola mo tolahai ola aaela ikire, na kei haro haꞌaloire taane. E pwani leie oto mo tolahai ola urine, na leilada e iiꞌo aakau oto loosire uure mai waite.

Palonga 19:24

Na maaola-olanga ngeena, mwane ni Epesas satana a Demitrias nge e aehotaa. A mwane ngeena asunge ingeie oto huni eedu haꞌamalaa nume ni palo-palo a Atemis, mei god keni mo Epesas. Ko eedumie mo kele nume ngeena aani siliva huni haꞌaholingeꞌiniꞌi, na ngaeta mo iini hunge loꞌu ko terie mei toꞌoha oto paine mwaanie taungei eedunge mala ie.

Palonga 16:19

Na maholo mo mwane paine haahie a keine kire leesie uri tala ni teri-toꞌohanga ikire e mango oto, kire si tapolie a Pol na Saelas, kire ko ookerarue oto i saana mo mwane paine i nume ni rururu aana huilume ngeena.