Palonga 15:9 - Tataroha Diana

⁹ E kaꞌa asuie ike nga mei ola ke aaopa i matolakaelu. E taꞌaasie mo oorahaꞌaanga mo Aapoloa Aaopa aena kire hiiwalaimoli mala e asuie kaꞌu aakaelu mo Jiu.

Palonga 15:9 Referans Kwoze

Epesas 3:6

Mei oalaꞌinge mumuni ngeena e unue uri iꞌomu mo Aapoloa Aaopa nge iꞌomu nga mo Jiu haꞌike, omu sai neꞌie taꞌa-taꞌa komu na e taꞌa-taꞌa mei sape peꞌiꞌemi mo Jiu, aana omu hiiwalaimoli noꞌone aana Tataroha Diana. Na urine nga taa nge a God e haiholotaꞌinie uri kei niie mai huniꞌemi i tehulaꞌana a Jisas Kraes, iꞌomu omu kei toꞌo aana noꞌone.

Palonga 10:28

Oto a Pita ko teꞌuri hunire, “Omu saie oto haꞌatolanga iꞌemeelu mo Jiu e uure honosiꞌemi mwaanie emi heꞌimalahune peꞌie nga iini aana mo Aapoloa Aaopa wa emi ke sili i laona mo nume ikire urini. Taꞌe a God e haataꞌinie aaku uri ne ke suꞌuri unue loꞌu nga iini e madaꞌa na e kaꞌa malisine haꞌimalahunanga peꞌie a God.

Kolosi 3:11

Ahutaka mo iinoni kie mani sada mola i laona mauringe haalu ngeena. Maꞌalana uri kie hute aana mo Jiu wa haꞌike, maꞌalana uri kie hele aana torihesiꞌonga wa haꞌike, maꞌalana uri kie hute aana mwala ni puꞌo wa mwala e puꞌo tataꞌala oto liutaa mala mo Sitia, maꞌalana uri kie neꞌi koni-konihe wa kie iiꞌo luhetaꞌi loꞌu, taꞌe a Kraes oto e neꞌi naꞌohai ola roroꞌa i laona maurihaꞌaka, mo iini kie hiiwalaimoli aana.

Kalesia 5:6

Aana maholo iinoni e lado oto peꞌie a Jisas Kraes, nge maꞌalana e torihesiꞌo wa haꞌike, taꞌe e sada mola na e kaꞌa roroꞌa ike. Taꞌa-taꞌa leu mola e roroꞌa, na leune mola hiiwalaimolinge ikie aana a Jisas Kraes ke si haataꞌi aana manata-diananga hunie mo iinoni.

Kalesia 3:28

Oto nga mei ola hunie ke aaopa i matolamiu mo Jiu na mo Aapoloa Aaopa haꞌike loꞌu, wa i matolana mo koni-konihe na mo aalaha, wa i matolana mo mwane na mo keni. Omu meni neꞌie oto e taꞌa-taꞌa iinoni i lalo aana a Kraes Jisas.

1 Korinit 1:2

Mere ko uusu-uusu oto wau ienini huniꞌomu aana soihaadaꞌinge a God wau i Korinit. Iꞌomu oto a God e soiꞌomu uri omu ke neꞌi iinoni maaꞌi ingeie aani iiꞌo-rurunge peꞌie a Jisas Kraes, mala ahutana mo iini ko palo-paloa satana aalaha ikie aana taꞌena nga leu.

Uusu-uusu A Pol Hurula'aa Hunie Mo Rom 3:22

A God maraana oto ko esuie mwala e hiiwalaimoli aana Jisas Kraes, kire ke neꞌi iinoni oodotaꞌi i maana. Na nga taꞌa-taꞌa mei ola e kaꞌa aaopa ike i matolana mo Jiu na mwala nge ikire nga mo Jiu haꞌike.

Palonga 11:12

Na Liꞌoa Maaꞌi e unue hunieu uri ne ke suꞌuri meꞌu, taꞌe ne ke lae mola peꞌire. Oto e oono aasikaelu ie kire hakusieu oto huni lae wau i Sisaria, na melu lai hule wau i nume a mwane nge e hai uusungeꞌi hunieu.

1 Pita 1:22

Oto i tehulaꞌana omu tola i sulie mo wala toꞌohuu aana Tataroha Diana ngeena, omu da oto maurihaꞌamiu e rereꞌa mwaanie oorahaꞌaa eena, na omu sai manata diana oto hunie mo eesimiu maaꞌi. Aena urine, omu ke mana-manata diana oto huniꞌomu heiliu aana ahutana saemiu.

Palonga 10:34

Oto a Pita ko si aehotaa ere na ko teꞌuri, “E tohungei toꞌohuu oto, maholo ienini nou si lio saie oto uri a God e kaꞌa saehaahie ike mola nga mo iini.

1 Korinit 7:18

Oto mala uri o ko hele aana oto torihesiꞌonga aana maholo a God e soiꞌo, nge o ke suꞌuri sare oolisie loꞌu. Na mala uri o kaꞌa hele aana ue torihesiꞌonga maholo a God e soiꞌo, nge o ke suꞌuri sare torihesiꞌo loꞌu.

Uusu-uusu A Pol Hurula'aa Hunie Mo Rom 9:24

!Na ikie oto mwalana! A God e soikie mai i saana uure mwaanie taꞌena nga komu ni welumalau, na e kaꞌa ike mola mwaanie mo Jiu, taꞌe mwaanie noꞌone mwala nge ikire nga mo Jiu haꞌike.

Uusu-uusu A Pol Hurula'aa Hunie Mo Rom 3:9

?Oto e ue? ?Uri iꞌemi mo Jiu ni emi diana i maana God loꞌu liutaa aana ngaeta mwala? !Haꞌike oto ooꞌoo! Nou unu mangoa oto uri mo Jiu na mwala nge ikire nga mo Jiu haꞌike, kire mani iiꞌo oto i mamalutana nanamanga aana oorahaꞌaa.

Palonga 14:27

Oto maholo kirerue hule loꞌu i Antiok kire si lokoa ahutana mo iini aana soihaadaꞌinge. Na kire ladoa ahutana walu ola nge a God e asuiꞌi hunirerue, aana e tahanie ngaeta maa aana hiiwalaimolinge hunie mo Aapoloa Aaopa ke sili noꞌone mai i sulie.

Palonga 14:1

Oto mala tolahana a Pol na Banabas kirerue mani lai sili weu noꞌone i laona nume ni palo-palo mo Jiu wau aana huilume i Aekoniam, na i leune laeliwalanga ikirerue e saka lae-lae hule aana mo iini hunge aana mo Jiu na mo Aapoloa Aaopa kire ko hiiwalaimoli oto.

Palonga 10:15

Na ko rongoa loꞌu mei wala uuri, “Mo ola nge a God e unue uri kire rereꞌa, suꞌuri loꞌongaꞌinie loꞌu uri kire madaꞌa.”