Palonga 15:39 - Tataroha Diana

³⁹ Kire tohungei ere haitelili hiitoꞌo i sulie, na lae-lae kire ko oopa oto. A Banabas ko toolea oto a Jon Mak, na kirerue ko lae oto aana haka hunie mala-malau i Saepras.

Palonga 15:39 Referans Kwoze

Kolosi 4:10

A Aristakas nge e iiꞌo peꞌieu mai i laona nume ni hoꞌo ie, ko niie noꞌone wau mei wala ni saediananga ingeie huniꞌomu. Na aasine a Banabas a Mak nge kirerue mani hute aana e ro mwaasine, a Banabas, a Mak, na ko niie noꞌone saediananga ingeie wau huniꞌomu. Oto mala nou unue kaꞌu oto huniꞌomu, mala uri a Mak ko liu i seemiu, omu ke tolakonie.

Jemes 3:2

Aana ahutaka, kie sai meni deu pele aana mo ola hunge. Na mala nga iini nge kaꞌa ere-ere aaela ike, nge e sai kinetaꞌinie oto ahutana sapena noꞌone.

Palonga 4:36

Ngaeta mwane e nii urine oto a Josep, mwane aana komu a Livae nge e uure mai mwaanie mala-malau i Saepras. Mo hurulaꞌaa ko haa-haaraꞌinie aana a Banabas, loꞌongaꞌinge aana uri “Kale ni Haꞌasaedodo.”

Palonga 11:20

Taꞌe ngaeta mo iini aada nge kire oꞌoꞌo i Saepras na i Saerin kire lai hule wau i Antiok, oto kire ko ladoa noꞌone mola tataroha ngeena hunie mo Aapoloa Aaopa, aana kire ko tarohaꞌinie tataroha i sulie a Aalaha, a Jisas.

Palonga 6:1

Aana maholona soihaadaꞌinge ko peine lau-leu oto mola, oto kira hiiwalaimoli nge kire ko ere-ere mola aana erenga ni Krik, kire ko aehota upwesie mo iini nge kire sai ere aana tohungana erenga mo Jiu. Oto kire ko teꞌuri, “Suli dinge maholo omu ko haꞌa-adoa kira maitale aana mo niinge kolu meni niiꞌi, omu kaꞌa tohungei peꞌi-peꞌi diana aana ike mo nao iꞌemeelu mala mo iini iꞌomu.”

Palonga 27:4

Oto melu lae mwaanie i Saedon na aena iiru ko iiru honosiꞌemeelu, nge melu lai liu aana ngaeta aapa aana mala-malau i Saepras nge iiru e kele rako aana.

Palonga 15:2

Taꞌe a Pol na Banabas kire kaꞌa neꞌisae tararuru ike peꞌire, oto kire ko tohungei ere haitelili oto peꞌie mo mwaena, na kire ko ere tewa honosire. Oto lae-lae kira hiiwalaimoli i Antiok kire unue a Pol na Banabas na ngaeta mo mwane kire ke lae taꞌau i Jerusalem ni ere peꞌie mo hurulaꞌaa na mo rato aana soihaadaꞌinge i sulie mei ola ienini.

Palonga 12:12

Oto maholo e kele loꞌo-loꞌongaꞌi i sulie, e si lae wau i nume a Meri nikana a Jon nge ngaeta sata aana a Mak. Na mwala hunge nge kire ruru mei nume huni aarengaꞌi.

Palonga 15:37

A Banabas e ilenimwaꞌe taane mola, na e tohungei saetoꞌo aana a Jon Mak ke hakusirerue.

1 Pita 5:13

Mo iini a God e lio hilisire hunie soihaadaꞌinge mai i Rom kire ko niie noꞌone saediananga ikire wau huniꞌomu. Na a Mak iini domana oto nga kaleku, ko niie noꞌone wau saediananga ingeie huniꞌomu.