Palonga 15:2 - Tataroha Diana

² Taꞌe a Pol na Banabas kire kaꞌa neꞌisae tararuru ike peꞌire, oto kire ko tohungei ere haitelili oto peꞌie mo mwaena, na kire ko ere tewa honosire. Oto lae-lae kira hiiwalaimoli i Antiok kire unue a Pol na Banabas na ngaeta mo mwane kire ke lae taꞌau i Jerusalem ni ere peꞌie mo hurulaꞌaa na mo rato aana soihaadaꞌinge i sulie mei ola ienini.

Palonga 15:2 Referans Kwoze

Kalesia 2:5

Taꞌe melu kaꞌa rongo ike hunie mo haꞌa-uusuli eero-eero ngeena, aana melu saetoꞌo aana uri walaimolinge aana Tataroha Diana ke iiꞌo huu eemiu mo Aapoloa Aaopa.

2 Korinit 11:5

Ineu nou loꞌongaꞌinie uri nou kaꞌa mwai-mwei ike mwaanie mo iini nge omu ko unu-unue uri ikire mo hurulaꞌaa paine.

Palonga 15:4

Maholo a Pol na Banabas kire lai hule taꞌau i Jerusalem mo hurulaꞌaa na mo rato aana soihaadaꞌinge, na ahutana soihaadaꞌinge kire tohungei tola konirerue. Oto a Pol na Banabas kire ko unu tahangaꞌinie hunie mwala walu ola nge a God e asuiꞌi hunirerue aana asunge ikirerue.

Palonga 11:30

Kire teꞌurine, nge kire si uusungeꞌinie a Banabas na a Sol hunie kirerue ke toolea mo niinge na kire ke niiꞌi hunie mo naꞌohai iinoni aana soihaadaꞌinge.

Jiud 1:3

Maeni malahuku, nou tohungei saetoꞌo aana uri ne ke uusu-uusu oto huniꞌomu i sulie mei haꞌa-uuringe nge kolu meni toꞌo aana. Nou sare ere haꞌasusuꞌomu loꞌu uri hunie omu ke uure aꞌailaꞌa peꞌie mei wala toꞌohuu nge kie mani hiiwalaimoli oto aana. A God e niie oto mei wala ngeena hautaꞌai hunikie, ahutana mo iinoni ingeie, na e saꞌa roroꞌa oolisie ike oto ooꞌoo.

1 Korinit 1:1

Saediananga mwaanieu a Pol, iini nge a God e soieu oto huni neꞌi hurulaꞌaa nana a Jisas Kraes, na mwaanie a aasikaelu a Sostinis noꞌone.

Palonga 21:18

Oto aana dinge loꞌu i puri, ahutameelu, melu meni lae huni lai leesie a Jemes, na ahutana mo naꞌohai mwane aana soihaadaꞌinge ikire noꞌone peꞌie.

Palonga 16:4

Oto kira Pol kire ko lae i laona mo huilume peꞌi laengaꞌinie hunie mo soihaadaꞌinge uri kire ke lulu i sulie mo haꞌatolanga nge mo hurulaꞌaa na mo naꞌohai mwane taꞌau i Jerusalem kire uusuꞌi hunire.

Palonga 15:27

Oto melu ko uusungeꞌinie a Jiudas na Saelas hunie kire ke ere luhesie diana aana huniꞌomu walu ola nge melu unuꞌi i laona uusu-uusu ie.

Palonga 15:25

Oto melu meni neꞌisae tararuru huni lio hilisie nga ro mwane huni uusungeꞌinirerue wau i seemiu. Na kire kei lae wau peꞌie e ro malahumeelu diana a Banabas na Pol,

Palonga 11:12

Na Liꞌoa Maaꞌi e unue hunieu uri ne ke suꞌuri meꞌu, taꞌe ne ke lae mola peꞌire. Oto e oono aasikaelu ie kire hakusieu oto huni lae wau i Sisaria, na melu lai hule wau i nume a mwane nge e hai uusungeꞌi hunieu.

Palonga 10:23

Oto a Pita e si unue kire ke lae kaꞌu mei nume, na kire ko maꞌahu oto aana hai rodona. E dangi hoꞌowa a Pita e dau aakau mango, kiraelu ko si meni lae, na ngaeta mo eesine i lalo aana Kraes i Jopa ko hekusire noꞌone.