Palonga 15:10 - Tataroha Diana

¹⁰ ?Oto e ue ni omu ko sare haꞌangei-ngeie a God urine? Mwaanie omu ko sare da mola uri hunie kira hiiwalaimoli ke lulu i sulie mo Haꞌatolanga a Mosis nge hule aana mo weuwaka na ikie maraaka noꞌone kie dau aasaie mola lulu i sulileni.

Palonga 15:10 Referans Kwoze

Kalesia 5:1

A Kraes e luhesikie oto uri hunie kie ke suꞌuri iiꞌo loꞌu i mamalutana mo Haꞌatolanga a Mosis. Oto omu ke uure maꞌutaꞌa na mwaanie omu toliꞌaasie nga iini e da omu heꞌi neꞌi koni-konihe loꞌu nana mo Haꞌatolanga.

Matiu 23:4

Kire ko da ludaa e hiꞌe aana mo haꞌatolanga hunie mwala. Taꞌe hule aana ikire maraada na kire saꞌa nii kiꞌi huni peꞌie mwala huni suluꞌie ludaa ngeena.

Kalesia 4:9

Taꞌe maholo ienini, omu sai diana aana oto a God, na nga taa nge e diana loꞌu liutaa, nge a God e sai diana aamiu oto. ?Oto e ue? ?Uri omu ko sare ooli loꞌu i mamalutana mo haꞌatolanga aana mo liꞌoa ni welumalau, nge hule aana kire mamaelaꞌa mola na kire neꞌie mola mei ola mwaakule? ?Wa saemiu omu ke neꞌi koni-konihe loꞌu mola nada mala holaꞌinaꞌo?

Hibru 9:9

Walu ola ngeena domana mola nga nunui ola huni haataꞌinie loꞌongaꞌinge aana nga taa ko reu-reu aana maholo ienini. Aana mo uuraaꞌinge na mo uunu-olanga nge mo pris kire lae peꞌi euꞌesuiꞌi hunie a God, kire saꞌa roroꞌa ni esuie ike manatana iinoni ko palo-palo ngeena hunie ke rereꞌa na ke oodotaꞌi.

Hibru 3:9

I leune kire kire ohongieu aana haꞌangai-ngeileku mola maꞌalana kire leesie kaꞌu mo huꞌi-huꞌite nge nou euꞌesuiꞌi aana e hai aawalai helisi ngeena.

Matiu 4:7

Oto a Jisas ko aalamie a Satan uuri, “Taꞌe mo Uusu-uusu Maaꞌi e unue noꞌone uuri, Omu ke suꞌuri oohongie a God Aalaha iꞌomu.” Diutronomi 6:16

Palonga 5:9

Oto a Pita ko teꞌuri loꞌu hunie, “?Oto e ue ni more neꞌisae tararuru huni haꞌangai-ngeie Liꞌoa Maaꞌi a God? !O ke rongo! Mo saanau nge kire lai heitolingeꞌinie poro iꞌoe, ikire oto taꞌau i aena maa, na kire kei aangaꞌiniꞌo oto noꞌone taꞌau urine.”