Palonga 15:1 - Tataroha Diana

¹ Oto ngaeta mo mwane ni Jiudia kire lae mai hule i Antiok kire ko aehota haꞌa-uusulie oto mo mwaasine aana hiiwalaimolinge na kire ko teꞌuri, “Mala uri omu kaꞌa torihesiꞌo ike mala Haꞌatolanga a Mosis e unue kolu ke asuie, nge a God e saꞌa roroꞌa haꞌa-uuriꞌomu ike.”

Palonga 15:1 Referans Kwoze

Kalesia 5:6

Aana maholo iinoni e lado oto peꞌie a Jisas Kraes, nge maꞌalana e torihesiꞌo wa haꞌike, taꞌe e sada mola na e kaꞌa roroꞌa ike. Taꞌa-taꞌa leu mola e roroꞌa, na leune mola hiiwalaimolinge ikie aana a Jisas Kraes ke si haataꞌi aana manata-diananga hunie mo iinoni.

Palonga 15:5

Taꞌe ngaeta mo Parise nge kire hiiwalaimoli oto aana a Jisas kire uure, oto kire ko teꞌuri, “E tohungei roroꞌa oto liutaa hunie mo Aapoloa Aaopa nge kire ko sare lulu i sulie a Jisas ke tola i sulie mo Haꞌatolanga a Mosis na kire ke torihesiꞌo.”

Kolosi 2:8

Omu ke lio talamiu noꞌone mwaanie nga iini e haꞌatakaloꞌomu aana mo haꞌa-uusulinge eero-eero na mo loꞌongaꞌinge ni iinoni mola. Aana maꞌalana mo loꞌongaꞌinge mala ngeena ke rongo ni saenanau oto uri taa, taꞌe kire kaꞌa uure ike mai mwaanie a Kraes, taꞌe mo ola mola aana nanamanga ni welumalau.

Palonga 15:24

Melu rongoa uri ngaeta mwala aana pulitaa iꞌemeelu kire lai hule wau i seemiu, na kire kotahiꞌomu oto aani wala na ko hurosie saemiu. Taꞌe walu ola ngeena melu kaꞌa unuꞌi ike hunire hunie kire ke lae wau i unuꞌi huniꞌomu.

Tataroha Diana I Sulie A Jisas Kraes Nge A Jon E Uusue 7:22

Taꞌe iꞌomu noꞌone omu sai esu mola aana mo Dinge Maaꞌi. Mo aamamiu oto wau i naꞌo kire aehotaa tolahai torihesiꞌonga, na loꞌu mei puri a Mosis e si haꞌa-uuresie loꞌu haꞌatolanga i sulie torihesiꞌonga ngeena. Oto aana omu ko sare tola i sulie mo Haꞌatolanga a Mosis, maꞌalana tohungei maholo hunie torihesiꞌonga e hule aana nga Dinge Maaꞌi, taꞌe iꞌomu, omu ko lae peꞌi esuie mola torihesiꞌonga ngeena.

Kalesia 2:1

Purine aawalai helisi mwana hai e saro mango, nge nou si eelihoꞌi loꞌu hunie i Jerusalem. Iꞌemereꞌi a Banabas mere lae, na nou toolea noꞌone a Taetas peꞌiꞌemereꞌi.

Palonga 15:3

Oto aana soihaadaꞌinge e uusungeꞌinire huni lae i Jerusalem, nge kire liu aana e ro poꞌo ni henue i Ponisia na i Samaria. Kire lae peꞌi maatolie kira hiiwalaimoli aana mo hanuena, na kire ko laengaꞌinie uri mo Aapoloa Aaopa kire ko aehota hiiwalaimoli oto aana a Jisas. Na kira hiiwalaimoli aana mo leune kire ko tohungei ilenimwaꞌe aana kire rongoa mei ola ienini.

Palonga 6:14

Na melu rongoa e unue uri a Jisas, mei ola ni Nasaret ngeena, kei ohoie Nume Maaꞌi Peine ikolu, na kei oolisie mo tolahai ola nge a Mosis e niiꞌi mei hunikie.”

Kolosi 2:16

Oto aena aana a Kraes e usuri aasie oto mo roroꞌanga ikie i sulie mo Haꞌatolanga a Mosis, mwaanie omu rorongo hunie mo iini ko sare unue uri omu kaꞌa iiꞌo maaꞌi ike aena aana nga moi taa omu ko ngeu-ngeuꞌi, wa omu ko inu-inuhiꞌi. Na mwaanie omu aapwa-aapwasu loꞌu noꞌone aana mo iini nge ko sare ere aaelasiꞌomu aana omu kaꞌa dau ike mala ikire i sulie mo houlaa maaꞌi i suli helisi, wa mo ngeuhe maaꞌi suli waro-waro, wa mo dinge maaꞌi suli wiki.

Palonga 21:20

Maholo kire rongoa walana Pol, kire ko tohungei lahea God. Taꞌe kire ko teꞌuri loꞌu hunie, “O saie, aasimeelu, mo sinolai iinoni oto hunge ni Jiu kire hiiwalaimoli mango oto aana Jisas, na kire ko tohungei lulu i sulie mola ue mo Haꞌatolanga a Mosis.

Palonga 15:22

Oto mo hurulaꞌaa na mo rato na ahutana mwala aana soihaadaꞌinge, kire mani neꞌisae tararuru huni lio hilisie ngaeta mo mwane aada huni uusungeꞌinire peꞌie a Pol na Banabas i Antiok. Oto kire lio hilisie a Saelas na a Jiudas nge ngaeta sata aana a Basabas, aana ikirerue e ro naꞌohai mwane nge ahutana ruruhaa kire tohungei haꞌamaꞌu aadarue.

Palonga 1:15

Oto aana mo dingena, aana ngaeta maholo ola mala tangalai iinoni peꞌie nga ro aawala aana mo iini kire hiiwalaimoli kire mani loko. Oto a Pita e uure i lengi ko si teꞌuri,

Palonga 15:23

Na kire uusungeꞌinie uusu-uusu peꞌirerue na uusu-uusu ngeena e teꞌuri. Huniꞌomu mo Aapoloa Aaopa. Iꞌomu mo Aapoloa Aaopa nge omu ko oꞌoꞌo i Antiok na i Siria na i Silisia, iꞌomu mo eesimeelu oto aana omu hiiwalaimoli aana Kraes. Oto iꞌemeelu mo hurulaꞌaa na mo rato aana soihaadaꞌinge mai leu i Jerusalem melu ko niie saediananga iꞌemeelu huniꞌomu.

Palonga 15:32

A Jiudas na a Saelas ikirerue nga ro propet noꞌone, oto kire ere-ere nada ni ere haꞌasusure huni haꞌa-aꞌailaꞌaa hiiwalaimolinge ikire.

Kalesia 6:12

Mwala nge kire ko deu rarahiꞌomu hunie torihesiꞌonga ngeena, kire ko deu mola hunie mo Jiu ke saetoꞌo aada ni ngeena. Na loꞌu kire sereꞌinie mwala ke taungeꞌinire haahie hiiwalaimolinge uri maelana a Jisas Kraes i lengine poꞌu-poꞌu mola ni e sai haꞌa-uurikie.