Palonga 14:17 - Tataroha Diana

¹⁷ Oto maꞌalana e urine, taꞌe e haataꞌi tarau mola aana walu ola diana nge ko deuꞌi. Aana ingeie nge ko niie nemo uure i lengi, na mo ngeulaa ko repo oto aana maholo aani. Na ingeie oto e niie mo ngeulaa huniꞌomu, na e haꞌahonue saemiu aana ilenimwaꞌenga.”

Palonga 14:17 Referans Kwoze

1 Timoti 6:17

O ke unue hunie kira toꞌo-toꞌo aana mo ola aana walumalau ie, hunie kire ke suꞌuri toohaꞌi, na mwaanie kire nou-norue toꞌo-toꞌolada nge e sai eiꞌaa lau-leu mola. Unue hunire uri kire ke norutoꞌo mola aana God aana ingeie e toꞌo-toꞌo oto liutaa, na e sai niie oto ahutana mo ola hunie kie ke ilenimwaꞌe haahiꞌi.

Tataroha Diana I Sulie A Jisas Kraes Nge A Luk E Uusue 6:35

!Taꞌe haꞌike! Omu ke manata diana hunie mo maelonga iꞌomu na omu ke dau diana hunire. Omu ke nii-nii na omu ke suꞌuri loꞌongaꞌinie loꞌu suꞌuleni eelihoꞌi huniꞌomu. Mala uri omu kei teꞌurine nge waaitemiu ke si peine loꞌu liutaa, na omu ke si neꞌi kalena God, iini e paine liutaa. Aana ingeie noꞌone hule aana e diana hunie mo iini e oorahaꞌaala na mo iini kaꞌa sai paalahea.

Matiu 5:45

Aana omu kei teꞌurine, nge omu ke si haataꞌinie uri iꞌomu oto mo kalena Aamamiu i Lengi. Ingeie nge ko nii-niie sato hunie ke pwaa haahie mo iinoni diana na mo iini aaela oto noꞌone. Na ko nii-niie nemo hunie mo iinoni oodotaꞌi na mo iini kaꞌa oodotaꞌi oto noꞌone.

Palonga 14:18

Kirerue ko talei ere-ere hiitoꞌo hunire kaꞌu urine lae hule aana kirerue ko weo oto aana erenga, nge kire si mamalo mwaanie uunu-olanga hunirerue.

Palonga 17:26

A God e haꞌaholaa eetana nga mwane a Adam, na mwaanie mola taꞌa-taꞌa iinoni ngeena nge a God e si esuie mo taungei iinoni hai aaopaꞌi hunie kire ke lai iiꞌosie walumalau. Na e totohoa oto mo leu hunie kire kei iiꞌo aani, na e pongie oto mauringe ikire.