Palonga 13:38 - Tataroha Diana

^38-39 “Oto maeni eesiku maaꞌi, omu ke sai diana aana uri i tehulaꞌana a Jisas mone melu sai unu tahangaꞌinie huniꞌomu uri a God e sai saeꞌaasie mo oorahaꞌaanga iꞌomu. Na ahutana mo iini nge kire hiiwalaimoli aana kire mani oodotaꞌi i maana God, na kire iiꞌo luhetaꞌi oto mwaanie haꞌaloinge na nanamanga aana oorahaꞌaa. Taꞌe mo Haꞌatolanga a Mosis mone e kaꞌa sai luhesiꞌomu ike mwaanie mo oorahaꞌaanga iꞌomu.

Palonga 13:38 Referans Kwoze

Tataroha Diana I Sulie A Jisas Kraes Nge A Luk E Uusue 24:47

Kire unue noꞌone uri mei wala i sulieu ke lae hunie ahutana mo iinoni ni welumalau ke aaliꞌu takoie God hunie ke saeꞌaasie mo oorahaꞌaa ikire. Oto omu ke lai haꞌarongoa mwala aana walu olana, aehota mai i Jerusalem, lae hule aana ahutana mo komu ni welumalau.

1 Jon 2:12

No ko uusu-uusu huniꞌomu, maeni mwela ineu, i sulie a Mamaꞌa e saeꞌaasie oto mo oorahaꞌaanga iꞌomu i tehulaꞌana a Jisas Kraes.

Palonga 5:31

A God e taꞌea na e haꞌa-iiꞌosie aana naꞌohai iiꞌo-iiꞌoha i pwalo-pwalona hunie ke aalaha haahikie, na hunie ke haꞌa-uurikie, na hunie mwala ni Israel ke oonisae mwaanie mo oorahaꞌaanga ikire hunie a God ke saeꞌaasiꞌi mwaanire.

Kolosi 1:14

Na ingeie oto e holikie aana maelana, na i tehulaꞌana ingeie mone a God e si saeꞌaasie mo oorahaꞌaa ikie.

Epesas 1:7

Na i tehulaꞌana a Kraes e tapa oolisikie aana maelana, nge a God e taꞌaasie noꞌone mo oorahaꞌaanga ikie. A Kraes e tohungei haꞌadianaꞌakie aana mo hahuꞌei niinge diana ingeie

Palonga 28:28

Na a Pol e teꞌuri loꞌu, “Oto aena mei olana, nge saeku hunie omu ke sai diana aana uri a God ko sare haꞌa-uurie noꞌone mo Aapoloa Aaopa, na kire kei rongo taane hunie.”

Palonga 2:38

Oto a Pita e aalamire ko teꞌuri, “Ahutemiu mango, omu ke oonisae mwaanie mo oorahaꞌaanga iꞌomu na omu ke loto maaꞌi aana satana a Jisas Kraes hunie a God ke si saeꞌaasie mo oorahaꞌaanga iꞌomu na ke niie mai Liꞌoa Maaꞌi huniꞌomu.

Palonga 10:43

Ahutana mo propet oto i naꞌo kire ere-ere noꞌone i sulie a Jisas, na kire laengaꞌinie uri nga iini ko hiiwalaimoli aana, nge a God kei saeꞌaasie mo oorahaꞌaa ingeie i tehulaꞌana.”

Tataroha Diana I Sulie A Jisas Kraes Nge A Jon E Uusue 1:29

Oto hai dinge loꞌu mola i purine, a Jon e leesie a Jisas ko lae mai saana, oto ko si teꞌuri, “!Lio kaꞌu! A mwane ngeena, ingeie oto Kalei Sipu a God, aena aana ingeie ni ko taꞌaasie oorahaꞌaa aana walumalau.

Hibru 9:22

Na mo Haꞌatolanga e karaꞌi unue uri ahutana oto walu ola tataaꞌinilana mei epu ngeena ke mani lae oto haahiꞌi huni hoda rereꞌa aani i maana God. Aana mala uri nga mei epu e kaꞌa aahe oto, nge a God e saꞌa saeꞌaasie oto mo oorahaꞌaanga mwala eena.

Epesas 4:32

Taꞌe omu ke toꞌo aana mei saemamae na omu ke aamasiꞌomu heiliu, na omu ke saeꞌaasi hunie taꞌena nga iinoni mala a God ko sae-saeꞌaasi huniꞌomu i tehulaꞌana a Kraes.

Palonga 4:10

Oto no ko sare haꞌarongoꞌomu na oto ahutana mwala ni Israel, uri mwane ienini nge e uure oto i naꞌomiu, haꞌa-uurilana e lae mola aana satana a Jisas ni Nasaret na aana nanamanga ingeie. Na ingeie oto omu horoꞌie i lengine poꞌu-poꞌu, taꞌe a God e taꞌea loꞌu hunie ke mauri eelihoꞌi.

Palonga 2:14

Oto a Pita e uure i naꞌona mwala peꞌie ngaeta aawalai hurulaꞌaa mwana eeta, ko si soi peine hunie mwala kire loko ngeena na ko teꞌuri, “Maeni eesiku aana komu mo Jiu na oto ahutemiu nge omu ko iiꞌo mai Jerusalem aana maholo ie, omu ke pwaarongoa kaꞌu no ko ere luhesie mei ola e rau ie namiu.

Hibru 8:6

Taꞌe asunge aana tolahai pris nge niilana e lae hunie a Jisas ngeena, e paine loꞌu liutaa aana taungei esunge nge niilana e lae oto i naꞌo ngeena. Na loꞌu, mei heiholotaꞌinge haalu nge a Jisas e toolea mai mwaanie a God hunie mwala ingeie ngeena, e diana loꞌu liutaa aana iini lalahuꞌe, na kei iiꞌo huu oto aena aana mo tohenga a God ko haꞌamaꞌutaꞌaa.

Matiu 1:21

A Meri kei haꞌahutaa kele mwela mwane, oto o ke haaraꞌinie aana a Jisas, oolisilana uuri, ‘God ko haꞌa-uuri.’ O ke haaraꞌinie urine aena aana ingeie kei haꞌa-uurie mwala ingeie mwaanie mo oorahaꞌaa ikire.”