Palonga 12:10 - Tataroha Diana

¹⁰ Kire liue eetana nga kakalihe aana nume ni hoꞌo, na kirerue ko lae loꞌu taꞌau i liue ruana nga iini. Na iini ooreta nge maai para hau i matolana nume ni hoꞌo ngeena na huilume paine ngeena. Na maholo kirerue lae poi hule i saana maai para ngeena na ko taha mola maraana taladarue. Oto kire lae i sinaha, na kire kele lae i sulie ngaeta tala, na a Pita ko si lio talea mola ensel e aiꞌaa oto mwaanie.

Palonga 12:10 Referans Kwoze

Palonga 5:19

Taꞌe aana hai rodona, ensel a God e tahanie maa aana nume ni hoꞌo, e si naꞌoda i sinaha, oto ko si teꞌuri hunire,

Palonga 16:26

Kire si aparaꞌi na painehaꞌana nunu ko nunu oto, na poo-pootana nume ni hoꞌo ngeena ko esuleꞌi mango oto. Na maholoi satona noꞌone ahutana mo maa kire taha mango, na mo iieli heu kire mani siki oto mwaanie kiꞌi-kiꞌine na aeꞌaena ahutana mwala i laona nume ni hoꞌo.

Tataroha Diana I Sulie A Jisas Kraes Nge A Jon E Uusue 20:19

Oto mola i seulehi aana eetana nga dinge i purine Dinge Maaꞌi Mo Jiu ngeena, mo pwaarongoisuli kire mani loko na kire hono honosire i nume, aana kire ko meꞌuteꞌinie mo naꞌohai mwane mo Jiu. Kire iiꞌo mola i nume urine na a Jisas e si lae mai uure i matolada, na ko teꞌuri, “Hanuelamanga ke iiꞌo peꞌiꞌomu.”

Haataꞌinge 3:7

Oto a mwaena e heꞌi unue loꞌu hunieu uuri, “O ke uusue oto hunie naꞌohai mwane aana soihaadaꞌinge wau i Piladelpia uuri. “Ineu iini e maaꞌi na e toꞌohuu, nge nou hele aana kii a Deved Inemauri. Mala no ko tahanie taꞌena nga maa hunie nga iini, na nga iini e saꞌa honoa ike loꞌu. Wa mala uri no ko honoa maa hunie nga mo iini, na nga iini e saꞌa tahanie ike loꞌu hunire. Ineu oto ie no ko unue huniꞌomu.

Palonga 12:4

Na maholo kire tapolie a Pita, kire si lai neꞌie i laona nume ni hoꞌo. Na a Herod e neꞌie i nimana e hai pulitaa aani ramo huni lio i sulie, na e hai pulitaa ngeena kire mani ado aani hai ramo aani pulitaa. A Herod ko sare leie a Pita i maana mwala i purine mo dinge paine aana Liumwaanie e mango.

Tataroha Diana I Sulie A Jisas Kraes Nge A Jon E Uusue 20:26

Oto wiki loꞌu i puri, mo pwaarongoisuli a Jisas e heꞌi ruru loꞌu i nume, na a Tomas noꞌone oto peꞌire. Mo maa kire hono maꞌutaꞌa loꞌu, taꞌe a Jisas e lae mola mai nume na e uure oto i matolada, ko si teꞌuri, “Hanuelamanga ke iiꞌo peꞌiꞌomu.”