Palonga 11:16 - Tataroha Diana

¹⁶ Oto nou aamasitoꞌo oto aana mei wala a Aalaha e unue nge e teꞌuri, ‘A Jon e loto maaꞌi eemiu mola aani wei ni ngeena, taꞌe ineu ne kei loto maaꞌi eemiu aana Liꞌoa Maaꞌi.’

Palonga 11:16 Referans Kwoze

Palonga 1:5

A Jon e loto maaꞌi eemiu eeni wei, taꞌe i purine loꞌu nga mo hei dinge, a God kei loto maaꞌi eemiu oto aana Liꞌoa Maaꞌi.”

Tataroha Diana I Sulie A Jisas Kraes Nge A Mak E Uusue 1:8

Ineu no ko loto maaꞌi eemiu mola aani wei, taꞌe ingeie kei loto maaꞌi eemiu aana Liꞌoa Maaꞌi.”

Tataroha Diana I Sulie A Jisas Kraes Nge A Jon E Uusue 14:26

Na iꞌemereꞌi a Mamaꞌa mere kei uusungeꞌinie mai nga iini huni peꞌiꞌomu, nge a Liꞌoa Maaꞌi eena. Ingeie ke si haꞌa-aamasitoꞌoꞌomu aana walu ola nou unuꞌi oto huniꞌomu, na ke haꞌasaiꞌomu aana ahutana mo ola ngeena.

Tataroha Diana I Sulie A Jisas Kraes Nge A Luk E Uusue 3:16

Oto a Jon ko si aalamire ko teꞌuri, “Ineu a Kraes haꞌike. Ineu no ko loto maaꞌi eemiu mola aani wei, taꞌe iini nge ko lae mai i puriku, e paine loꞌu liutaa aaku, hule aana ineu na nou kaꞌa diana ike malisine ne ke asu mala koni-konihe huni luhesie hoꞌohaahiꞌae ingeie. Ingeie ke si loto maaꞌi aana ngaeta mwala aana Liꞌoa Maaꞌi, na ngaeta mwala kei lotohire aana dunge ni haꞌamotaahinge.

Matiu 3:11

“Ineu no ko loto maaꞌi eemiu aani wei huni haataꞌinie uri omu oonisae oto mwaanie mo oorahaꞌaanga iꞌomu. Taꞌe iini nge kei lae mai puriku, ingeie e paine loꞌu liutaa aaku, hule aana ineu na nou kaꞌa diana malisine ne ke asu mala koni-konihe huni luhesie hoꞌohaahiꞌae ingeie. Ingeie ke si loto maaꞌi aana ngaeta mwala aana Liꞌoa Maaꞌi, na ngaeta mwala kei lotohire aana dunge ni haꞌamotaahinge.

1 Korinit 12:13

Maꞌalana uri kie ke neꞌie loꞌu nga mo Jiu wa haꞌike, wa uri kie neꞌi koni-konihe wa haꞌike, taꞌe a Liꞌoa Maaꞌi e toolekie na e loto maaꞌi aaka hunie kie ke mani lado oto peꞌie a Kraes hunie kie ke neꞌie e taꞌa-taꞌa mei sape. Na a God e niie oto taꞌa-taꞌa Liꞌoa ngeena hunie kie ke mani aꞌailaꞌa aana.

Palonga 20:35

Aana ahutana asunge ineu, nou haataꞌinie oto huniꞌomu uri kolu ke asu aꞌailaꞌa tarau hunie kolu ke peꞌie mo iini nge kire mamaelaꞌa. Na kolu ke aamasitoꞌo aana mei wala a Jisas Aalaha ikie aana e teꞌuri, ‘Iini nge ko nii-nii, haꞌadianaꞌalana kei peine loꞌu liutaa aana mo iini ko hele aana mo niinge.’ ”

Tataroha Diana I Sulie A Jisas Kraes Nge A Jon E Uusue 16:4

Taꞌe no ko unue oto mo ola ienini huniꞌomu, uri hunie kire ko si lai reu eemiu na omu ke aamasitoꞌo aana uri nou haꞌapasuliꞌomu taane oto aani. Nou kaꞌa unue ike mo ola ienini huniꞌomu oto aana maholo omu aehota lulu i sulieu, aena aana ineu ue peꞌiꞌomu.”

Tataroha Diana I Sulie A Jisas Kraes Nge A Jon E Uusue 1:26

Oto a Jon ko aalamire uuri, “Ineu, nou toꞌo aana nanamanga taane huni loto maaꞌi aana mwala aani wei. Taꞌe nga iini omu kaꞌa lio saie ike uri ingeie a tei, ingeie taane mola i matolakaelu.

2 Pita 3:1

Maeni eesiku maaꞌi, ruana nga uusu-uusu ineu huniꞌomu oto ie. Nou saie uri saemiu e manola mola, oto aana e ro uusu-uusu ineu ienini, no ko haꞌa-aamasitoꞌoꞌomu mola uri hunie omu ke tohungei loꞌo-loꞌongaꞌi diana.

Tataroha Diana I Sulie A Jisas Kraes Nge A Luk E Uusue 24:8

Oto mo keni kire si aamasitoꞌo aana nga taa a Jisas e unue.

Matiu 3:6

Mwala ngeena kire ko haꞌahoue oto mo oorahaꞌaa ikire, oto a Jon ko si loto maaꞌi aada i laona wai peine i Jodan.