Palonga 1:8 - Tataroha Diana

⁸ Taꞌe maholo Liꞌoa Maaꞌi kei siho oto mai haahiꞌomu, omu ke si honu aana nanamanga huni unu tahangaꞌinieu taꞌau i Jerusalem, na ahutana mo leu i Jiudia, na oto aana poꞌo ni henue i Samaria, na ahusie oto ahutana walumalau.”

Palonga 1:8 Referans Kwoze

Matiu 28:19

Aena urine, omu ke lae, na omu ke da hunie taꞌena nga iinoni ni welumalau ke neꞌi pwaarongoisuli oto ineu. Omu ke loto maaꞌi aada aana satana a Mamaꞌa na a Kale na Liꞌoa Maaꞌi.

Tataroha Diana I Sulie A Jisas Kraes Nge A Mak E Uusue 16:15

Oto a Jisas ko teꞌuri hunire, “Omu ke lae i sulie ahutana mo henue i laona walumalau, na omu ke tarohaꞌinie Tataroha Diana hunie ahutana mo iinoni.

Uusu-uusu A Pol Hurula'aa Hunie Mo Rom 15:19

Oto mwala kire hiiwalaimoli aana i sulie nou esuie mo huꞌi-huꞌite peꞌie nanamanga aana Liꞌoa Maaꞌi mala mo tolimaa aana nanamanga a God. Oto ahutana mo henue uure i Jerusalem lai hule oto aana taitelihe aana poꞌo ni henue i Ilirikam, nou lae peꞌi tarohaꞌinie oto Tataroha Diana i sulie a Jisas Kraes oto aani.

Palonga 5:32

Na melu leesie walu ola nge a God e asuiꞌi ienini nge melu ko unu tahangaꞌiniꞌi huniꞌomu. Na e kaꞌa ike mola iꞌemeelu nge melu ko ere urine, taꞌe a Liꞌoa Maaꞌi noꞌone, iini nge a God e niie hunie ahutana mo iini ko deu i sulie walana.”

Palonga 4:33

Na mo hurulaꞌaa ko si houleꞌinie Aalaha ikie peꞌie nanamanga uri e mauri eelihoꞌi toꞌohuu mwaanie maenga. Na a God e si haꞌadianaꞌaa ahutana soihaadaꞌinge.

Palonga 6:8

A God mone ko haꞌadianaꞌaa a Stivin na ko nii-niie nanamanga hunie, oto ko esuie mo huꞌi-huꞌite na mo ola ni pangataꞌinge i matolana mwala.

Uusu-uusu A Pol Hurula'aa Hunie Mo Rom 10:18

?Oto e ue aana mo Jiu kire kaꞌa lulu i sulie? ?Uri kire rongoa taane tataroha ngeena? !Iau! Kire rongoa taane, aana tataroha ngeena e loho hailiu urihana nga taa mo Uusu-uusu Maaꞌi e unue i sulie haꞌaholanga uuri, Mei tataroha ngeena e lae kalie walumalau, na mo wala ngeena kire hule oto aana ahutana mo henue i laona walumalau. Sam 19:4

Tataroha Diana I Sulie A Jisas Kraes Nge A Jon E Uusue 15:27

na iꞌomu noꞌone omu ke unu haadaꞌi eeku oodoie mwala, aena aana omu oꞌoꞌo oto peꞌieu uure oto i aehotalana.

Tataroha Diana I Sulie A Jisas Kraes Nge A Luk E Uusue 10:19

Aana nou niie oto huniꞌomu nanamanga huni uuri haahie mo mwaa ala-ala na mo heri-heri. Na nou niie oto noꞌone nanamanga e saka loꞌu liutaa aana nanamanga a Satan. Oto nga mei ola e saꞌa huꞌisiꞌomu ike loꞌu.

Palonga 1:5

A Jon e loto maaꞌi eemiu eeni wei, taꞌe i purine loꞌu nga mo hei dinge, a God kei loto maaꞌi eemiu oto aana Liꞌoa Maaꞌi.”

Matiu 24:14

Laeliwalanga aana Tataroha Diana i sulie Aalahanga a God kei lae kalie ahutana walumalau hunie ahutana iinoni ke mani rongo. Oto purihaꞌana haꞌamangolana ke si lae mai.”

Palonga 2:32

Na a Jisas oto a God e taꞌea hunie ke mauri eelihoꞌi mwaanie maenga, na melu tohungei leesie oto aana maameelu.

Palonga 22:15

Na iꞌoe oto iini ingeie huni tarohaꞌinie hunie mwala aana walu ola nge o leesiꞌi na o rongoꞌi ngeena.

Palonga 13:31

Oto purihaꞌana, a Jisas e si heꞌi haataꞌi loꞌu aada maraana mo maholo hunge hunie mo iini nge kire lae-lae peꞌie uure i Kalili hunie i Jerusalem. Na ikire oto kire ko tarohaꞌinie Tataroha Diana i sulie a Jisas hunie mwala ni Israel.

Tataroha Diana I Sulie A Jisas Kraes Nge A Luk E Uusue 1:35

Oto ensel ko aalamie uuri, “Liꞌoa Maaꞌi kei siho i lengimu, na nanamanga iini e Paine Liutaa kei melusiꞌo. Na aena ngeena kele wee-wee iꞌoe kei maaꞌi na sailana kei lae uri ingeie Kalena a God.

Palonga 3:15

Nge ko urine, na huulaa ni meurihe nge omu horo maesie oto. Taꞌe a God e taꞌe aalihoꞌi aana loꞌu mola mwaanie maenga, na iꞌemeelu oto melu tohungei leesie aana maameelu.

Kolosi 1:23

Taꞌe kei toꞌohuu urine aamiu mola mala uri omu ko tohungei uure aꞌailaꞌa taraꞌasi aani hiiwalaimolinge peꞌi norutoꞌonga, na omu ke maaꞌoohi susutoꞌo mola hunie haiholotaꞌinge a God huniꞌomu nge omu rongoa oto aana Tataroha Diana. Na nou hiiwalaimoli kei toꞌohuu oto urine aamiu. Na tarohaꞌinilana taꞌa-taꞌa Tataroha Diana ngeena ko lae aana taꞌena nga leu i laona walumalau, na ineu a Pol, nou neꞌie koni-konihe aana Tataroha Diana ngeena huni lae peꞌie laeliwalanga aana.

Palonga 8:1

Ngaeta mo iini nge kire ko aare-aarea God toꞌohuu, kire ko si lai heitolingeꞌinie a Stivin peꞌie saehuunge na ngaranga, taꞌe a Sol ko ilenimwaꞌe mola haahie horoꞌilana. Aehota oto aana hai dinge a Stivin e mae, ahutana mwala ko tohungei waelie na kire ko horoꞌie oto mo iini aana soihaadaꞌinge i Jerusalem. Na ahutana mo iini kire hiiwalaimoli aana Jisas, kire tahi oto takoie mo huilume mwai-mwei aana mo poꞌo ni henue i Jiudia na i Samaria, taꞌe mo hurulaꞌaa mola nge kire oore i Jerusalem.

Tataroha Diana I Sulie A Jisas Kraes Nge A Luk E Uusue 24:29

Taꞌe kirerue haaraie, kire ko teꞌuri, “Kolu ke iiꞌo kaꞌu i leu aana ko seulehi oto, na karaꞌinie ke rodo oto.” Oto a Jisas e si lae na ko iiꞌo oto peꞌirerue aana nume kirerue iiꞌo aana.