Tataroha Diana I Sulie A Jisas Kraes Nge A Mak E Uusue 7:4 - Tataroha Diana

⁴ Aana maholo kire ko lae mai uure mwaanie uusiꞌe, kire saꞌa sare ngau ike ue na kire kaꞌa hodalie kiꞌide. Na mo haꞌatolanga hunge kire ko lulu i suliꞌi uure oto wau aana mo weuwada i sulie hoda-olanga aana mo kuki, na mo nime, na mo iini huni hoda-hoda ola, na mo taetahe huni ngeu-ngeu i lengini.

Tataroha Diana I Sulie A Jisas Kraes Nge A Mak E Uusue 7:4 Referans Kwoze

Hibru 9:10

Aena aana walu ola ngeena mo ola mola poꞌoi sinaha aana iinoni, mala mo haꞌatolanga i sulie ngaunge na inunge na mo taungei ola mala loto-rereꞌanga. A God e niie mai mo haꞌatolanga ngeena hunie kire ke iiꞌo hule mola aana maholo nge a God kei oolisie taꞌena nga ola hunie ke iiꞌo loꞌu aana tolaha haalu.

Matiu 23:25

“Aama-aamasilemiu mo Parise na mo haꞌa-uusuli aana mo Haꞌatolanga. !Iꞌomu oto mwala eero-eero! Aana omu urihana mola mo nime na mo kao-kao kire hoda rereꞌa aana aapa poꞌoi sinaha, taꞌe wau i laona e honu mola aana ngaulaa e kasu. Omu ko sasare lio kohi i maana mwala, taꞌe hule aana saemiu e honu oto mola aana horo-pelinge na taꞌena nga loꞌongaꞌinge aaela.

Jemes 4:8

Omu ke iiꞌo karaꞌinie a God, nge a God kei iiꞌo karaꞌiniꞌomu. Iꞌomu mo iini nge omu oorahaꞌaa, omu ke loto aasie oorahaꞌaa mwaanie manatamiu. Na iꞌomu mo iini omu ko sare lulu i sulie a God na walumalau aana taꞌa-taꞌa maholo, omu ke asuie neꞌisaenga iꞌomu ke rereꞌa.

Tataroha Diana I Sulie A Jisas Kraes Nge A Jon E Uusue 2:6

Na i sulie tolahana mo Jiu huni hodalie walu ola hunie maurihaꞌada ke maaꞌi, kire neꞌie e oono ho ateꞌa hau peine i leune. Na kire mani adona ola mala tangalai lita aani wei nga hue.

1 Jon 1:7

Taꞌe mala uri kie ko iiꞌo i laona raa-raa mala a God noꞌone ko iiꞌo i laona raa-raa, nge kie ke iiꞌo ruru peꞌikie hailiu, na apune Kalena, a Jisas, ke si haꞌarereꞌakie mwaanie ahutana oorahaꞌaa.

Matiu 27:24

A Paelat e lio-lio na ko lio aasaie oto uri kei uure honosire uri taa, na maaola-olanga ko karaꞌi reu oto. Oto e si da nimei wei, ko hodalie nimana i maadaelu na ko unue uuri, “!Lio kaꞌu! No ko hodalie nimeku mwaanie nou roroꞌa aana horo-maesilana a mwane ie. Nga roroꞌanga ineu haꞌike, taꞌe roroꞌanga oto iꞌomu maraamiu.”

Tataroha Diana I Sulie A Jisas Kraes Nge A Jon E Uusue 3:25

Oto erenga haitapali ko aehota lae oto i matolana mo pwaarongoisuli a Jon na ngaeta mwane ni Jiu haahie mo Haꞌatolanga a Mosis i sulie haꞌahili-hilinge aani lotonga rereꞌa.

Matiu 23:26

!Iꞌomu mo Parise oto mwala maamiu e tohungei ulu! Omu ke holaꞌi hoda rereꞌa kaꞌu aana aapa poꞌo i laona nime, nge aapa poꞌoi sinaha kei rereꞌa noꞌone.

Tataroha Diana I Sulie A Jisas Kraes Nge A Mak E Uusue 7:8

Oto a Jisas ko heꞌi teꞌuri loꞌu hunire, “Omu toliꞌaasie mo Haꞌatolanga a God, oto omu ko si lulu i sulie mola mo haꞌa-uusulinge ni iinoni.