Tataroha Diana I Sulie A Jisas Kraes Nge A Mak E Uusue 7:2 - Tataroha Diana

² Na aana maholona kire ko leesie uri mo pwaarongoisuli a Jisas kire kaꞌa hodalie kiꞌide i sulie taungei hoda-kiꞌinge nge mo Parise kire saetoꞌo aana mo iinoni ke hele i sulie i naꞌona ngaunge.

Tataroha Diana I Sulie A Jisas Kraes Nge A Mak E Uusue 7:2 Referans Kwoze

Palonga 10:28

Oto a Pita ko teꞌuri hunire, “Omu saie oto haꞌatolanga iꞌemeelu mo Jiu e uure honosiꞌemi mwaanie emi heꞌimalahune peꞌie nga iini aana mo Aapoloa Aaopa wa emi ke sili i laona mo nume ikire urini. Taꞌe a God e haataꞌinie aaku uri ne ke suꞌuri unue loꞌu nga iini e madaꞌa na e kaꞌa malisine haꞌimalahunanga peꞌie a God.

Uusu-uusu A Pol Hurula'aa Hunie Mo Rom 14:14

Nou tohungei sai diana aana oto uri nga taꞌa-taꞌa mei ngeulaa e kaꞌa aapu ike, aana a Jisas maraana ni e haataꞌinie leune aaka. Taꞌe mala uri nga iini ko loꞌongaꞌinie uri ngaeta mo taungei ngeulaa kire aapu hunie, nge ke suꞌuri ngaa loꞌu mo iini urine.

Palonga 11:8

“Taꞌe nou teꞌuri mola, ‘!Haꞌike, Aalaha ineu! Nou kaꞌa ngau hikana ue nga mei ola nge mo Haꞌatolanga e uure honosie uri e madaꞌa.’

Matiu 15:2

“?Aana e ue ni mo pwaarongoisuli iꞌoe kire ko heitohea mola mo haꞌatolanga mo weuwaka i naꞌo? Aana kire ko ngeu mola, na kire kaꞌa holaꞌi hoda rereꞌa aana nimada i sulie tolaha diana.”

Tataroha Diana I Sulie A Jisas Kraes Nge A Mak E Uusue 7:5

Oto mo Parise na mo haꞌa-uusuli aana mo Haꞌatolanga kire ko dolosi aana a Jisas uuri, “?Aana e ue ni mo pwaarongoisuli iꞌoe kire kaꞌa lulu i sulie ike haꞌatolanga mo weuwaka kire haꞌa-uuresie? Lio kaꞌu, kire ko ngeu mola na kire kaꞌa holaꞌi hodalie kiꞌide, na urine kire madaꞌa i maana God.”

Tataroha Diana I Sulie A Jisas Kraes Nge A Luk E Uusue 11:38

na e kaꞌa holaꞌi hodalie ike kiꞌine i sulie tolahada mo Parise. Oto Parise ngeena ko tohungei pangataꞌi aana e leesie urine.

Hibru 10:29

?Aana e aaela urine hunie iini ko mwaka mola aana Haꞌatolanga a Mosis, haꞌalaa nga taa nge kei reu aana nga iini nge ko mwaka aana Kalena God? !Mei haꞌaloinge oto paine loꞌu liutaa kei hite aana iinoni urine! Kire ko ere aaelasie a Kraes, iini nge ko haꞌawalaimoliꞌaa haiholotaꞌinge a God, na e haꞌamaaꞌie oto iinoni ngeena hunie ke neꞌi iinoni maaꞌi a God. Taꞌe iinoni ngeena mola e loꞌongaꞌinie uri apune a Kraes mei ola mwaakule mola, na ko ere aaelasie noꞌone a Liꞌoa Maaꞌi, iini nge e haataꞌinie hahuꞌana manata-diananga a God hunikie.

Haataꞌinge 21:27

Taꞌe nga mei ola tataꞌala saꞌa roroꞌa lae ike loꞌu mei laona hanuena. Mo iini nge ko deu-deu oorahaꞌaa aaela, wa ko talei eero-eero, kire saꞌa roroꞌa ni lae ike i laona. Taꞌe mo iini nge uusulana satada e lae i laona uusu-uusu ni meurihe a Kalei Sipu, ikire haꞌalaa kire sai lae i laona hanuena.