Tataroha Diana I Sulie A Jisas Kraes Nge A Mak E Uusue 5:7 - Tataroha Diana

^7-8 Oto a Jisas ko teꞌuri hunie, “!Iꞌoe, liꞌoa aaela, o ke iisitaa mai mwaanie mwane ngeena!” Oto a mwaena ko soi oto paine uuri, “!Ai Jisas, Kalena a God, iini e paine liutaa! ?Nga taa oto o kei esuie aaku? No ko eitanaiꞌo aana satana God, o ke suꞌuri haꞌaletehieu.”

Tataroha Diana I Sulie A Jisas Kraes Nge A Mak E Uusue 5:7 Referans Kwoze

Matiu 8:29

Oto kire ko uulo oto paine uuri, “?Kalena a God, o ko kotahiꞌemi huni taa? ?Uri o lae mola mai huni haꞌaloiꞌemi, na e kaꞌa hule ue aana maholo hunie?”

Palonga 16:17

A keine e lae i suliꞌemeelu a Pol oto mola peꞌie soinge oto paine na ko teꞌuri, “Mo mwane ngeena ikire mo mwane auꞌesu a God Hahuꞌana Nanama, na kire ko lae peꞌi unu-unue tala ni haꞌa-uuringe ingeie huniꞌomu.”

Jiud 1:6

Na omu ke aamasitoꞌo noꞌone aana mo ensel nge kire toli puri mola aana mo lio i sulinge ikire, na kire lae mola mwaanie mo iiꞌo-iiꞌoha ikire. A God e hoꞌosie mo ensel ngeena aani iieliheu oto huu, na e aasire i laona rodohono oto loosie hai dinge ni lei mae aada.

Matiu 26:63

Taꞌe a Jisas e tolirohu mola. Oto Naꞌohana Mo Naꞌohai Pris ko heꞌi unue loꞌu hunie a Jisas uuri, “No ko unue huniꞌo, uri o ke tohe oodoiꞌemeelu aana satana God Mau-meuriꞌe uri iꞌoe Kalena God toꞌohuu wa haꞌike.”

Haataꞌinge 12:12

Aena urinena, omu ke ile-ilenimwaꞌe haahie leune, iꞌomu mo iini taꞌau i Lengi. Taꞌe kei tohungei aaela oto liutaa hunie mwakano na aasi, na ahutemiu mo iini omu iiꞌo mai aano i lalona walumalau, aena aana a Pwelu Eero-eero e siho oto mai aano i seemiu. Saena e honu mola aani saewasunge, aena aana e saie oto uri e saꞌa iiꞌo tewa ike loꞌu.”

Palonga 19:13

Na ngaeta mo mwane ni Jiu kire ko lae hailiu noꞌone huni oohe aasie mo liꞌoa aaela mwaanie mwala. Ngaeta mo iini aada, e hiu mwane kalena Seva, nga naꞌohai pris. Oto ikire noꞌone kire ko sare oohea mo liꞌoa aaela aana satana Jisas Aalaha ikie. Na kire ko teꞌuri, “Aana satana Jisas nge a Pol ko lae peꞌi tarohaꞌinie, o ke iisitaa.”

Tataroha Diana I Sulie A Jisas Kraes Nge A Mak E Uusue 3:11

Na maholo mwala nge mo liꞌoa aaela nge aada kire leesie a Jisas, oto kire ko raputeꞌi oto i naꞌona peꞌi ngaranga uuri, “!Iꞌoe oto Kalena God!”

Matiu 4:3

Oto a Satan e lae mai saana na ko teꞌuri hunie, “Mala o ko neꞌie Kalena God toꞌohuu, o ke unue mo heu ngeena ke neꞌi bred.”

1 Jon 3:8

Taꞌe iini nge ko oora-oorahaꞌaa oto mola, iini a Pwelu Eero-eero eena, aena aana a Pwelu Eero-eero ingeie e uure ni oorahaꞌaala oto mai aehotalana. Na Kalena God e lae oto mai huni oho aasie mola mo esunge a Pwelu Eero-eero ngeena.

2 Pita 2:4

Na kie mani saie oto uri maholo mo ensel kire oorahaꞌaa kaꞌu waite, a God e haꞌaloire aana e pwasure aani iieliheu, na e oohe aasire i laona leu ni haꞌamotaahinge nge e tohungei rodohono oto hiitoꞌo. Na kire kei iiꞌo i leune lae-lae hule aana Dinge Ni Leinge aana maholo ooreta.

Tataroha Diana I Sulie A Jisas Kraes Nge A Mak E Uusue 1:24

“!Aaia! !Jisas ni Nasaret! ?O kei ue emeelu loꞌu eena? ?Ohe o lae oto mai huni waeliꞌemeelu ni ngeena? Ineu nou saiꞌo mola. Iꞌoe iini maaꞌi a God.”

Matiu 16:16

Oto a Saemon Pita ko aalamie uuri, “Iꞌoe oto a Kraes, Kalena God Mau-meuriꞌe.”

Hibru 7:1

A Melkisedek ienini ingeie inemauri aana huilume i Salem oto i naꞌo, na e neꞌi pris noꞌone a God, iini e paine liutaa. Loꞌongaꞌinge aana satana Melkisedek e uuri, “Inemauri aani oodotaꞌinge,” na kire haaraꞌinie noꞌone uuri, “Inemauri aani henuelamanga,” aena aana loꞌongaꞌinge aana Salem ni ngeena. Kie kaꞌa saie ike uri a tei ni aamana na nikana Melkisedek, na uri kira tei mo weuwana oto i naꞌo. Na kie kaꞌa saie ike uri maholo uri taa ni e hute, na maholo uri taa e mae. Aena urinena ingeie e urihana Kalena God nge e iiꞌo huu oto mola mala nga pris. Aamasitoꞌo kaꞌu aana maholo a Ebraham e lae-lae aana oohotaa oto i naꞌo honosie e hai inemauri peꞌie mo ramo ikire. Oto a Ebraham e horoꞌie mo maelonga ingeie ngeena, na maholo ko eelihoꞌi oto mai mwaanie oohotaa, a Melkisedek e oodoie i sulie tala na e haꞌadianaꞌaa. Na a Ebraham e niie tangahuluꞌana nga mei ola aana walu ola e tooleꞌi mwaanie oohotaa nana.

Hibru 2:14

Oto ikie mo mwela ingeie ngeena, na aena aana ikie mo iinoni oto mola peꞌie mei sapei ola, nge ingeie noꞌone e neꞌi iinoni oto mala ikie. E mae huni mousie nanamanga a Satan, iini e toꞌo aana nanamanga aana maenga.

Palonga 8:36

Kirerue lae-lae i sulie tala ngeena, na kirerue ko lae i hule oto aana wai, oto poro paine ngeena ko teꞌuri, “!Lio kaꞌu! Wai oto ie. ?Nga taa ni e uure honosieu mwaanie nou loto maaꞌi oto molana?”

Tataroha Diana I Sulie A Jisas Kraes Nge A Jon E Uusue 20:31

Mo iini ie uusuleni e lae mola uri hunie omu ke hiiwalaimoli aana a Jisas uri ingeie a Kraes, Kalena God, na hunie omu ke manataꞌinie maurihe huu aani hiiwalaimolinge aana.

Tataroha Diana I Sulie A Jisas Kraes Nge A Luk E Uusue 6:35

!Taꞌe haꞌike! Omu ke manata diana hunie mo maelonga iꞌomu na omu ke dau diana hunire. Omu ke nii-nii na omu ke suꞌuri loꞌongaꞌinie loꞌu suꞌuleni eelihoꞌi huniꞌomu. Mala uri omu kei teꞌurine nge waaitemiu ke si peine loꞌu liutaa, na omu ke si neꞌi kalena God, iini e paine liutaa. Aana ingeie noꞌone hule aana e diana hunie mo iini e oorahaꞌaala na mo iini kaꞌa sai paalahea.

Tataroha Diana I Sulie A Jisas Kraes Nge A Luk E Uusue 4:34

“!Aaia! !Jisas ni Nasaret! ?O kei ue emeelu loꞌu eena? ?Ohe o lae oto mai huni waeliꞌemeelu ni ngeena? Ineu nou saiꞌo mola. Iꞌoe iini maaꞌi a God.”

Tataroha Diana I Sulie A Jisas Kraes Nge A Luk E Uusue 1:32

Ingeie kei neꞌi mwane paine, na mwala kei haaraꞌinie uri ingeie Kalena iini e Paine Liutaa. Na a God Aalaha ikie kei haꞌa-aalahaa noꞌone mala weuwana, a Deved Inemauri.

Tataroha Diana I Sulie A Jisas Kraes Nge A Mak E Uusue 14:61

Taꞌe a Jisas e tolirohu mola. Oto Naꞌohana Mo Naꞌohai Pris ko dolosi loꞌu aana a Jisas uuri, “?Ohe iꞌoe ni oto a Kraes, Kalena God, iini e diana liutaa?”

Uusu-uusu A Pol Hurula'aa Hunie Mo Rom 16:20

Oto urine a God ikie nge ko niie hanuelamanga hunikie, kei peꞌiꞌomu mola lau-leu hunie omu ke uuri puli-pulisie a Pwelu Eero-eero aana aeꞌaemiu mwaanie omu rongo hunie mo malaahonga ingeie. Na no ko aarengaꞌi hunie uri hahuꞌana manata-diananga a Aalaha ikie a Jisas ke iiꞌo peꞌiꞌomu.

Tataroha Diana I Sulie A Jisas Kraes Nge A Mak E Uusue 5:6

Na maholo e leesie a Jisas ue wau haꞌatau, e huru mei i saana, na ko pouruuru oto i naꞌona.

Jemes 2:19

Mala uri o ko hiiwalaimoli uri e taꞌa-taꞌa God mola, nge e diana. Taꞌe aamasitoꞌo uri mo liꞌoa aaela kire hiiwalaimoli noꞌone urine, na kire ariri peꞌi meꞌunge aana.