Tataroha Diana I Sulie A Jisas Kraes Nge A Mak E Uusue 4:38 - Tataroha Diana

³⁸ Taꞌe a Jisas e eno mola hai puri aana iiola, e pwaulunge aana ho uulunge aana ko maꞌahu. Oto mo pwaarongoisuli ingeie kire ko haꞌalioa na kire ko teꞌuri, “?Haꞌa-uusuli, ohe o kaꞌa aapwasu ike loꞌu aana kolu ko karaꞌi mae oto ie?”

Tataroha Diana I Sulie A Jisas Kraes Nge A Mak E Uusue 4:38 Referans Kwoze

1 Pita 5:7

Oto omu ke neꞌie ahutana mo tolahiꞌanga iꞌomu i laona nimana, aena aana ingeie oto ko lio i suli diana aamiu.

Hibru 4:15

Na Hahuꞌana Naꞌohai Pris ikie ngeena e manataꞌinie oto mo mamaelaꞌanga ikie, aena aana ahutana mo malaahonganga nge kire ko hite-hite aaka ngeena, kire mani hite aana mango. Taꞌe maꞌalana malaahongalana e lae urine, a Jisas e kaꞌa dau huꞌisie ike nga taꞌa-taꞌa mei oorahaꞌaa aana nga kele maholo.

Matiu 8:25

Oto mo pwaarongoisuli ingeie kire ko haꞌalioa na kire ko teꞌuri hunie, “!Haꞌa-uusuli, o ke haꞌa-uurikolu! !Kolu ko karaꞌi mae oto!”

Tataroha Diana I Sulie A Jisas Kraes Nge A Luk E Uusue 8:24

Oto mo pwaarongoisuli kire ko haꞌalioa Jisas na kire ko teꞌuri hunie, “!Poro paine! !Poro paine! !O ke lio kaꞌu, kolu ko karaꞌi mae oto!” Oto a Jisas e taꞌelaꞌi ko ere aana ooru na aahe, oto kire ko tolana aapwanaꞌi na ko hoolaa oto.

Hibru 2:17

Aena urinena, e tohungei roroꞌa hunie maraana, hunie ke sada peꞌikie mo eesine aana taꞌena nga ola, hunie uri ke hai-hei aamasi toꞌohuu hunikie maholo ko esu nana a God mala Hahuꞌana Naꞌohai Pris ikie, aana asunge ingeie oto hunie ke haꞌa-oodohie mo oorahaꞌaanga mo iinoni hunie a God ke saeꞌaasiꞌi.

Tataroha Diana I Sulie A Jisas Kraes Nge A Jon E Uusue 4:6

Na kakalu a Jekob e elie, e iiꞌo ue i leune. Oto a Jisas e lae wau e iiꞌo i aano i reune kakalu ngeena, aena aana ko weo aana laenga. Maholona sato e ngara e oono i seulehi, na i purine mo pwaarongoisuli kire lae taꞌau i huilume huni holi ngeulaa, oto ngaeta keni ni Samaria e lae mai huni tei wei aana kakalu ngeena. Oto a Jisas ko teꞌuri hunie, “O ke dangu wei ekue.”

Matiu 22:16

Oto kire ere tararuru peꞌie pulitaa a Herod Inemauri, na kire ko uusungeꞌinie taꞌau mo pwaarongoisuli ikire i saana a Jisas peꞌie ngaeta mo mwane aana poꞌo ni mwane a Herod. Oto mo mwaena kire ko unue hunie a Jisas uuri, “Haꞌa-uusuli, melu saie uri walaimolinge ni oto o ko unu-unuena, aana o ko haꞌa-uusuli i sulie hari-huninge a God hunie mo iinoni. Oto o kaꞌa aapwasu ike aana nga taa mwala ko loꞌo-loꞌongaꞌinie, aena aana o kaꞌa lio ike hunie maana mo iinoni.

Tataroha Diana I Sulie A Jisas Kraes Nge A Mak E Uusue 4:37

E kaꞌa tewa ike loꞌu na painehaꞌana mawasidengi ko hite aada oto. Na aahe ko aehota aaꞌaro oto i laona iiola, hule aana ko karaꞌi honu oto aana aasi.

Tataroha Diana I Sulie A Jisas Kraes Nge A Mak E Uusue 4:39

Oto a Jisas e taꞌe, ko ere aana ooru na aahe uuri, “!O ke rohu, na o ke hahuroto!” Oto ooru e rohu oto, na ko tolana hoolaa oto.