Uure oto wau i naꞌo kire kaꞌa hiiwalaimoli ike aana mo Uusu-uusu Maaꞌi nge e unue uri a Kraes kei saronai taꞌelaꞌi mwaanie maenga, taꞌe aana maholona nge kire si aehota hiiwalaimoli.
Na no ko eitanaie a God loꞌu hunie omu ke lio saie noꞌone nanamanga paine ingeie nge ko esu i laona manataka, mo iini kie hiiwalaimoli aana. Nanamanga nge ko esu oto aana maurihaꞌaka,
Na ingeie kei oolisie sapeka nge e mamaelaꞌa na e sai mae, hunie ke neꞌie mei sape manikuluꞌe mala sapena. Maholo kei oolisie sapeka urine, kei esu oto aana nanamanga paine ingeie nge ko aalaha haahie ahutana walu ola aana.
Ahutana walu ola nge uusuleni e lae i laona mo Uusu-uusu Maaꞌi oto wau i naꞌo, kire uusuꞌi huni haꞌananaukie ni ngeena, uri hunie hiiwalaimolinge ikie ke aꞌailaꞌa na hunie kie ke uure maꞌutaꞌa taraꞌasi aani maaꞌoohinge susutoꞌo loosie mo ola nge a God e haiholotaꞌiniꞌi hunikie.
Na aana huilume ngeena, tolahana ahutana mwala e tohungei diana, liue mwala i Tesalonaeka. Mo Berea kire tohungei mwaꞌe-mwaꞌe ni rongo i sulie walana Pol peꞌi heitalea mo wala ngeena i laona mo Uusu-uusu Maaꞌi, ohe kire toꞌohuu wa haꞌike.
“Omu ko tohungei heitale susulie mo Uusu-uusu Maaꞌi aena aana omu loꞌongaꞌinie uri i laona mo Uusu-uusu Maaꞌi ngeena ni omu kei lio oodoie maurihe huu. Na mo Uusu-uusu ngeena kaꞌu mola kire ere i sulieu.