Tataroha Diana I Sulie A Jisas Kraes Nge A Mak E Uusue 1:4 - Tataroha Diana

⁴ Oto a Jon Loto Maaꞌi e iiꞌo i henuesala, na ko tarohaꞌinie hunie mwala uri kire ke aaliꞌu toꞌohuu mwaanie oorahaꞌaa, nge kire ke si loto maaꞌi hunie a God ke saeꞌaasie mo oorahaꞌaa ikire.

Tataroha Diana I Sulie A Jisas Kraes Nge A Mak E Uusue 1:4 Referans Kwoze

Tataroha Diana I Sulie A Jisas Kraes Nge A Jon E Uusue 3:23

Na aana maholona, a Herod e kaꞌa neꞌie ike ue a Jon Loto Maaꞌi i nume ni hoꞌo, taꞌe a Jon ko lae ue peꞌi loo-loto maaꞌi aana mwala i laona mo lama i Aenon karaꞌinie huilume i Salim, aena aana mo huulaa ni wei e hunge i leune. Mwala oto hunge kire ko lae oto mai saana, na e loto maaꞌi oto aada.

Matiu 3:6

Mwala ngeena kire ko haꞌahoue oto mo oorahaꞌaa ikire, oto a Jon ko si loto maaꞌi aada i laona wai peine i Jodan.

Tataroha Diana I Sulie A Jisas Kraes Nge A Luk E Uusue 1:77

Na huni haꞌarongoa mwala ingeie uri ingeie kei haꞌa-uurire aani saeꞌaasilana mo roroꞌanga ikire.

Palonga 22:16

?Oto nga taa ue o ko maaꞌoohie? Taꞌelaꞌi na o ke aarengaꞌi aana satana Aalaha hunie a God ke saeꞌaasie mo oorahaꞌaanga iꞌoe, na o ke loto maaꞌi.’

Palonga 10:37

Na omu saie taane oto nga taa e rau aana ahutana mo leu i Israel, nge e aehota i Kalili peꞌie laeliwalanga a Jon i sulie loto-maaꞌinge aana oonisaenga.

Matiu 3:11

“Ineu no ko loto maaꞌi eemiu aani wei huni haataꞌinie uri omu oonisae oto mwaanie mo oorahaꞌaanga iꞌomu. Taꞌe iini nge kei lae mai puriku, ingeie e paine loꞌu liutaa aaku, hule aana ineu na nou kaꞌa diana malisine ne ke asu mala koni-konihe huni luhesie hoꞌohaahiꞌae ingeie. Ingeie ke si loto maaꞌi aana ngaeta mwala aana Liꞌoa Maaꞌi, na ngaeta mwala kei lotohire aana dunge ni haꞌamotaahinge.

Tataroha Diana I Sulie A Jisas Kraes Nge A Mak E Uusue 1:5

Na mwala hunge kire lae mai saana uure mwaanie i Jerusalem na taꞌena nga leu loꞌu aana poꞌo ni henue i Jiudia. Kire ko haꞌahoue oto mo oorahaꞌaa ikire, oto a Jon ko si loto maaꞌi aada i laona wai peine i Jodan.