Matiu 8:6 - Tataroha Diana

⁶ “Aalaha ineu, koni-konihe ineu e eno mola i nume aana ko rarasi. Na ko tohungei sapesalu oto liutaa.”

Matiu 8:6 Referans Kwoze

Kolosi 4:1

Iꞌomu mo poro paine, omu ke tohungei lio i suli diana aana mo koni-konihe iꞌomu na mwaanie omu pwelo-pwelora mwaanie waaite nge e malisine auꞌesunge ikire. Omu ke aama-aamasitoꞌo aana uri iꞌomu noꞌone, omu toꞌo aana nga iini taꞌau i Lengi nge e aalaha haahiꞌomu.

Matiu 4:24

Oto tataroha aana a Jisas e taro oto i sulie ahutana mo henue aana poꞌo ni henue i Siria. Oto mwala ko toolea oto mai mwala hunge peꞌie mo maelaa hai aaopaꞌi i saana a Jisas, mo iini sapesalunge e paine aana sapeda, na mo iini mo liꞌoa aaela nge aada, na mo iini kire ko kokokoꞌa, na ngaeta mo iini sapeda e mae mango oto. Taꞌe a Jisas e haꞌa-uurire mango.

Kolosi 3:11

Ahutaka mo iinoni kie mani sada mola i laona mauringe haalu ngeena. Maꞌalana uri kie hute aana mo Jiu wa haꞌike, maꞌalana uri kie hele aana torihesiꞌonga wa haꞌike, maꞌalana uri kie hute aana mwala ni puꞌo wa mwala e puꞌo tataꞌala oto liutaa mala mo Sitia, maꞌalana uri kie neꞌi koni-konihe wa kie iiꞌo luhetaꞌi loꞌu, taꞌe a Kraes oto e neꞌi naꞌohai ola roroꞌa i laona maurihaꞌaka, mo iini kie hiiwalaimoli aana.

Palonga 9:33

Aana huilume ngeena, e leesie mwane sapena e rarasi, satana Aenias. Na e walu helisi oto a mwane ngeena e kaꞌa ada ike mwaanie tahe ingeie.

Pilimon 1:16

E oopa mwaaniꞌo kaꞌu mala koni-konihe iꞌoe, taꞌe oto ie ingeie e diana oto liutaa aana nga koni-konihe mola, aana ingeie nga aasike oto i lalo aana Kraes. Nou tohungei sae haahie taane, taꞌe nou saie o kei sae haahie loꞌu liutaa aaku, sulie ingeie nga koni-konihe diana iꞌoe na nga aasimu noꞌone i lalo aana Kraes.

1 Timoti 6:2

Na mo koni-konihe nge mo poro paine ikire mo iinoni hiiwalaimoli, kire ke haꞌamaꞌu noꞌone aana mo iinine aana ikire mo eeside i lalo aana a Kraes ni ngeena. Kire ke haꞌamaꞌu aada oto liutaa, na kire ke asu diana mola nada aena aana poro paine ikire ngeena nga iini e hiiwalaimoli mala ikire na kire manata diana hunie. Oto Timoti, o ke haꞌa-uusulie mwala aana mo ola ienini na o ke unue oto hunire uri kire ke lulu i suliꞌi.

Palonga 10:7

Maholo ensel ngeena e lae, a Konilias e si soie mai ngaeta ro mwane auꞌesu ingeie na ngaeta ramo. Na ramo ngeena a Konilias e tohungei norutoꞌo aana, aana ingeie noꞌone e tohungei neꞌisae paine aana God.

Palonga 8:7

Na mo iini nge mo liꞌoa aaela e iiꞌo i lalo aada, mo liꞌoa ngeena kire ko soi peine na kire ko iisitaa oto mwaanire. Na mo iini aeꞌaeda e rarasi na mo iini e toꞌu, haꞌa-uurilada e lae noꞌone.

Matiu 9:2

E hule taꞌau, oto kire aangaꞌinie mai ngaeta mwane e rarasi i lengine hulite i saana. Oto a Jisas e leesie hiiwalaimolinge ikire e paine, ko si teꞌuri hunie mwane e rarasi ngeena, “Kaleku, saemu ke dodo. Mo oorahaꞌaa iꞌoe saeꞌaasileni e lae oto.”

Matiu 8:7

Oto a Jisas ko teꞌuri, “Ne kei lae taane huni haꞌa-uurie hunie ke awaa.”