Matiu 8:5 - Tataroha Diana

⁵ Maholo a Jisas e lai aarapuu aana huilume i Kapaneam, ngaeta mwane paine aana mae ni Rom e lae mai saana, na ko eitanaie uuri,

Matiu 8:5 Referans Kwoze

Matiu 27:54

Oto naꞌohana mo ramo ni Rom na mo ramo peꞌie nge ko kakalie a Jisas, kire leesie nunu na ngaeta mo ola loꞌu e raune, kire ko si tohungei meꞌu oto hiitoꞌo na kire ko unue uuri, “A mwane ie Kalena God oto toꞌohuu.”

Palonga 27:43

Taꞌe ramo paine haahie tangalai ramo ngeena ko sare haꞌa-uurie a Pol, oto e uure honosie mo ramo mwaanie kire asuie mei neꞌisaenga ngeena. Taꞌe e unue mola mo iini nge kire sai oolo, kire ke husu mola i eesi hunie kire ke oolo i oone.

Palonga 27:31

Taꞌe a Pol ko teꞌuri hunie ramo paine haahie tangalai ramo ngeena na hunie mo ramo peꞌie, “Mala uri mo mwane aana haka kire kaꞌa iiꞌo peꞌie haka, nge a God e saꞌa roroꞌa haꞌa-uuriꞌomu ike.”

Palonga 23:17

Oto a Pol e soie mai ngaeta mwane paine haahie tangalai ramo ni Rom ko si teꞌuri hunie, “O ke toolea saanau ie wau i saana poro paine haahie sinolai ramo, aana ko sare haꞌarongoa aana nga mei ola.”

Matiu 4:13

Aana maholona a Jisas e lai liu i Nasaret, oto e lai iiꞌo aana huilume i Kapaneam karaꞌinie Aasi I Kalili aana poꞌo ni henue e ro komu ni Jiu, a Sebulun na a Naptali.

Palonga 27:13

Oto maholo kele mei iiru mwai-mwei ko aehota iiru oto uure mai mwaanie pwalo-pwalona pwaalana sato, nge kire ko si loꞌongaꞌinie uri nga taa kire hari hunie e rau oto na kire toꞌo aana maholo huni lae iiꞌo koni-koni aana suu kohi. Oto kire waꞌinie hau ni hune, na kire ko lae oto mola i sulie oone aana mala-malau i Krit ngeena.

Palonga 23:23

Oto poro paine haahie sinolai ramo ngeena e si soie mai e ro iini aana mo mwane paine ingeie haahie nga tangalai ramo, ko si teꞌuri hunirerue, “More ke dau aakau aana e ro tangalai ramo huni lae i Sisaria i rodo siꞌiri aana siwana nga maholoi sato. Na more ke dau aakau noꞌone aana e ro tangalai ramo nge kire sai heiseuni peꞌie mo noma, na loꞌu e hiu aawalai ramo huni huru aana mo hoos.

Palonga 22:25

Taꞌe maholo kire ko pwesue hunie kire kei repusie, a Pol ko si dolosi aana ngaeta poro paine haahie nga tangalai ramo nge e uure karaꞌinie, ko teꞌuri, “?Uri e malisine mola omu ke rapusie nga mwane ni Rom nge e kaꞌa dau huꞌisie ike nga mei ola?”

Tataroha Diana I Sulie A Jisas Kraes Nge A Mak E Uusue 15:39

Naꞌohana mo ramo ni Rom e uure-uure i saana poꞌu-poꞌu, na e leesie ahutana walu ola e rau aana maholo a Jisas e mae, oto ko teꞌuri, “A mwane ie Kalena God oto toꞌohuu.”

Tataroha Diana I Sulie A Jisas Kraes Nge A Mak E Uusue 2:1

Oto ngaeta mo hei dinge loꞌu i puri, a Jisas e aalihoꞌi loꞌu hunie huilume i Kapaneam. Aana maholo e hule wau, oto tataroha aana e taro hailiu uri e hule loꞌu weu i nume.

Matiu 9:1

Oto a Jisas e taꞌelie iiola ikire na ko aatoholo aalihoꞌi loꞌu takoie hanue ko oꞌoꞌo aana i Kapaneam.

Matiu 11:23

?Na huniꞌomu mo Kapaneam, omu ko loꞌo-loꞌongaꞌi uri a God kei sulu alaꞌa aamiu taꞌau i Lengi? !Haꞌike! A God kei aasiꞌomu mola hai aano aana leu ni haꞌamotaahinge. Aana mo huꞌi-huꞌite nge asuileni e lae huniꞌomu, kire ke rau urine hunie hanue aaela i Sodom, haꞌalaa ingeie e iiꞌo mola ue hule mai siꞌiri.

Palonga 9:38

Na huilume i Jopa ngeena e iiꞌo karaꞌinie mola huilume i Lida. Oto maholo mo pwaarongoisuli kire rongoa uri a Pita e iiꞌo i Lida, kire si uusungeꞌinie e ro mwane wau i saana, oto kirerue ko teꞌuri hunie, “Melu saetoꞌo aana o ke tohungei lae lau-leu oto wau i saameelu.”