Matiu 8:26 - Tataroha Diana

²⁶ A Jisas ko aalamire uuri, “?E ue ni oto omu ko meꞌu urine? !Hiiwalaimolinge iꞌomu e lae otoi oꞌoruꞌe liutaa!” Oto e si taꞌelaꞌi ko ere aana ooru na aahe hunie kire ke mamalo. Oto e si lae mola wai aange hoolaa.

Matiu 8:26 Referans Kwoze

Matiu 6:30

Mo ei tataka ngeena, mo ola kaꞌa oꞌoꞌo tewa ike noꞌone. Kire ko eehurara mola i matana hoꞌowa, na i seulehi kire ko nunulu oto loꞌu, na mwala ko aasiꞌi mola i laona dunge. ?Oto mala a God ko haꞌatoꞌonie mo takai ei ngeena, ohe omu unue uri a God e saꞌa nii toꞌoni ike haahiꞌomu? !Hiiwalaimolinge iꞌomu e lae otoi mwei-mwei hiitoꞌo!

Uusu-uusu A Pol Hurula'aa Hunie Mo Rom 4:20

Maholo ko loꞌongaꞌinie haiholotaꞌinge a God, e kaꞌa neꞌisae rue-ruaꞌa ike loꞌu aana, taꞌe ko si hiiwalaimoli ngei-ngedi mola peꞌie paalahelana a God.

Matiu 16:8

A Jisas e saie mone neꞌisaenga ikire, oto ko dolosi aada uuri, “?E ue ni omu ko tolahiꞌe hiitoꞌo aana uri omu kaꞌa tola bred ike peꞌiꞌomu? !Hiiwalaimolinge iꞌomu e lae otoi mwei-mwei hiitoꞌo!

Haataꞌinge 10:2

Ensel ngeena e hele aana kele uusu-uusu hio-hio i laona nimana na e taha oto aakau. Oto aeꞌae i pwalo-pwalona e uuri puu i kolune aasi, na aeꞌae i meu-meuline e uuri puu i kolune aano huu.

Matiu 8:27

Mo pwaarongoisuli ingeie ko tohungei pangataꞌi, na kire ko unue, “?Nga iinoni uri taa ni ie? Hule aana ooru na aahe na kire ko rongo hunie walana.”

Matiu 17:20

Oto a Jisas ko aalamire ko teꞌuri, “Aena aana hiiwalaimolinge iꞌomu e kaꞌa susu ike aana a God. No ko unue oto huniꞌomu, mala uri hiiwalaimolinge iꞌomu ke paine mola mala nga kele litei ola, na omu sai unue mola hunie uuwo ie uuri, ‘Lae wau i leune,’ na kei lae oto. Nga mei ola e saꞌa aasaiꞌomu ike.”

Tataroha Diana I Sulie A Jisas Kraes Nge A Luk E Uusue 4:35

Oto a Jisas ko si ere aana liꞌoa aaela ngeena ko teꞌuri, “O ke rohu oto, na o ke lae mwaanie a mwane ngeena.” Oto liꞌoa aaela ngeena e kaꞌa waelie loꞌu a mwaena, taꞌe e si reputeꞌinie mola hai aano i matolana mwala na ko iisitaa oto mwaanie.