Matiu 6:5 - Tataroha Diana

⁵ Na a Jisas e heꞌi teꞌuri loꞌu, “Maholo omu ko aarengaꞌi omu ke suꞌuri deu mala mo iini ko lupweꞌi deu-deu, nge saeda uri kire ke uure i laona mo nume ni palo-palo, na aani maai tala rue uri hunie mwala ke leesie kire ko aarengaꞌi. Ineu no ko unue huniꞌomu uri mo iini urine, kire hele mangoa oto waaitada.

Matiu 6:5 Referans Kwoze

Matiu 6:2

“Taꞌena nga maholo o ko niie nga mo ola hunie nga iinoni meitale, o ke suꞌuri deu haadaꞌi loꞌu aana uri hunie mwala ke saie, mala mo iini ko lupweꞌi deu-deu nge kire ko lai euꞌesuie i laona mo nume ni palo-palo, na i sulie mo tala paine, uri hunie mwala ke too-toohaꞌinire. Toꞌohuu no ko unue huniꞌomu uri mo iini nge kire ko teteꞌurine, kire hele mangoa oto waaitada.

Tataroha Diana I Sulie A Jisas Kraes Nge A Luk E Uusue 18:13

“Taꞌe mwane susulu toꞌoha ngeena, e uure mola mai haꞌatau, hule aana e kaꞌa sare lio loꞌu i lengi. Ko kukumu mola i mamangona aani saehuunge, na ko unue uuri, ‘God, o ke aamasieu, ineu iinoni ni oorahaꞌaa.’ ”

Tataroha Diana I Sulie A Jisas Kraes Nge A Mak E Uusue 11:25

Na maholo omu ko aarengaꞌi, omu ke holaꞌi saeꞌaasie kaꞌu nga mei ola omu ko toꞌo aana honosie nga iinoni, hunie Aamamiu i Lengi ke si saeꞌaasie mo oorahaꞌaanga iꞌomu mala omu esuiena.”

Tataroha Diana I Sulie A Jisas Kraes Nge A Luk E Uusue 20:47

Na loꞌu kire ko sare da mola uri kire ke lio manikuluꞌe aani aarengaꞌinge tewa i maana mwala. Taꞌe hule aana kire ko haꞌa-haꞌamweꞌu-mweꞌue mola mo nao keni, na kire ko leue mola mo nume ikire peꞌie ahutana toꞌo-toꞌolada. Ikire ngeena, haꞌaloilada kei lae loꞌu liutaa.”

Jemes 4:6

Taꞌe niinge aana hahuꞌana manata-diananga a God e paine liutaa aana aaelanga iinoni. Sulie e sai tola konie mo iini ko oonisae, oto mala mo Uusu-uusu Maaꞌi nge e unue uuri, A God e taꞌelaꞌi honosie mo iini kire ko toohaꞌinire, taꞌe e hahuꞌei manata diana hunie mo iini ko haꞌamwai-mweiꞌara. Provebs 3:34

Tataroha Diana I Sulie A Jisas Kraes Nge A Luk E Uusue 18:1

Oto a Jisas e ere ni aalahuunge huni haataꞌinie aana mo pwaarongoisuli ingeie uri kire ke aarengaꞌi tarau mwaanie kire aakohe na mwaanie kire mou-mou mwaanie.

Epesas 6:18

Na omu ke aarengaꞌi tarau na omu ke suke aana a God hunie ke peꞌiꞌomu i suli maholo. Na omu ke iiꞌo aani aarengaꞌinge aana nanamanga a Liꞌoa Maaꞌi. Oto omu ke lio-lio diana, na mwaanie omu toitoliꞌaasie aarengaꞌinge tarau talana ahutana mo iinoni a God.

Tataroha Diana I Sulie A Jisas Kraes Nge A Luk E Uusue 11:43

!Aama-aamasilemiu mo Parise! Aana omu ko heri hunie mo naꞌohai iiꞌo-iiꞌoha haliꞌite i laona mo nume ni palo-palo, na uri mwala ke haꞌapainaꞌaꞌomu aana maholo omu ko walo liu i laona mo leu ni uusiꞌe.

Matiu 21:22

Aana mala omu ko hiiwalaimoli toꞌohuu aana a God, taꞌe-taꞌena nga mei ola mala omu ko sukaa aani aarengaꞌinge, a God e sai niie mola huniꞌomu.”

1 Tesalonaeka 5:17

na omu ke aarea God mola tarau.

Tataroha Diana I Sulie A Jisas Kraes Nge A Jon E Uusue 16:24

Lai hule mai siꞌiri ienini, omu kaꞌa tohungei norutoꞌo aaku, nge omu kaꞌa sukaa ue nga mei ola aana Mamaꞌa. Oto omu ke suke aana Mamaꞌa, na aena aana saena hunie ilenimwaꞌenga iꞌomu ke ahu, nge ke si niie nga taa omu sukaa huniꞌomu.”

Tataroha Diana I Sulie A Jisas Kraes Nge A Mak E Uusue 12:38

Oto a Jisas ko heꞌi haꞌa-uusulie loꞌu mwala na ko teꞌuri, “Omu ke lio talamiu mwaanie mo haꞌa-uusuli aana mo Haꞌatolanga a Mosis nge kire ko walo liu peꞌi toꞌoni tetewa lauleuniꞌe ngeena. Aena kire saetoꞌo aana uri mwala ke haꞌapainaꞌara maholo kire ko walo liu i laona mo leu ni uusiꞌe.

Matiu 9:38

Omu ke aitanaie iini e toꞌo aana hohola hunie ke uusungeꞌinie loꞌu mei nga mwala auꞌesu huni soꞌokoni nana.”

Matiu 23:13

Oto a Jisas ko heꞌi unue loꞌu uuri, “Aama-aamasilemiu mo Parise na mo haꞌa-uusuli aana mo Haꞌatolanga a Mosis. !Iꞌomu oto mwala eero-eero! Aana omu ko lupweꞌi deu-deu mola mala uri omu ko lulu i sulie a God. !Taꞌe haꞌike! Iꞌomu maraamiu omu kaꞌa sare sili ike i laona Aalahanga a God, na omu kaꞌa toliꞌaasie ike nga mo iini ke sili loꞌu.

Matiu 23:6

Mo Parise ngeena na mo haꞌa-uusuli aana mo Haꞌatolanga, saeda noꞌone uri kire ke toꞌo aana mo pweui tolinge aana ngauhe, na mo naꞌohai iiꞌo-iiꞌoha aana mo nume ni palo-palo.

Matiu 6:16

Oto a Jisas ko heꞌi teꞌuri loꞌu, “Maholo omu ko oolongau, mwaanie omu nunuku dara mala mo iini ko lupweꞌi deu-deu. Aana kire ko lupweꞌi lio rahitou mola hunie mwala ke leesie uri kire ko oolongau. Taꞌe ineu no ko unue huniꞌomu uri mo iini nge kire ko teꞌurine, kire hele mangoa oto waaitada.

Matiu 6:1

Oto a Jisas ko heꞌi teꞌuri loꞌu, “Omu ke lio talamiu, mwaanie omu deu-deu haadaꞌi aana nga moi taa diana aana oodo-oodonga iꞌomu i maana mwala uri hunie kire ke leesiꞌi mola. Aena aana omu kei teꞌurine, omu saꞌa roroꞌa hele aana ike nga waaite mwaanie Aamamiu i Lengi.

Matiu 23:5

“Ahutana nga moi taa kire ko euꞌesuiꞌi, mo ola mola uri hunie mwala ke lee-leesire. E toꞌohuu, a God e unue taane uri kie ke hoꞌo-hoꞌosie mo toꞌoni lauleuniꞌe na ngaeta mo ola loꞌu huni aama-aamasitoꞌo aana mo haꞌatolanga ingeie. !Taꞌe lio kaꞌu! Ikire, kire ko esu peine loꞌu aana mo olana, hunie uri mwala ko leesiꞌi na kire ke unue uuri, ‘Ikire ni oto mwala maaꞌi.’

Tataroha Diana I Sulie A Jisas Kraes Nge A Luk E Uusue 6:24

Taꞌe aama-aamasilemiu mo iini omu toꞌo-toꞌo oto, aana ahutana walu ola e mani mwadaꞌusiꞌomu mango oto, taꞌe aasanga paine kei reꞌusiꞌomu taane.