Matiu 6:30 - Tataroha Diana

³⁰ Mo ei tataka ngeena, mo ola kaꞌa oꞌoꞌo tewa ike noꞌone. Kire ko eehurara mola i matana hoꞌowa, na i seulehi kire ko nunulu oto loꞌu, na mwala ko aasiꞌi mola i laona dunge. ?Oto mala a God ko haꞌatoꞌonie mo takai ei ngeena, ohe omu unue uri a God e saꞌa nii toꞌoni ike haahiꞌomu? !Hiiwalaimolinge iꞌomu e lae otoi mwei-mwei hiitoꞌo!

Matiu 6:30 Referans Kwoze

Tataroha Diana I Sulie A Jisas Kraes Nge A Luk E Uusue 12:28

Mo ei tataka ngeena, mo ola kaꞌa oꞌoꞌo tewa ike noꞌone. Kire ko eehurara mola i matana hoꞌowa, na i seulehi kire ko nunulu oto loꞌu, na mwala ko aasiꞌi mola i laona dunge. ?Oto mala a God ko haꞌatoꞌonie mo takai ei ngeena, ohe omu unue uri a God e saꞌa nii toꞌoni ike haahiꞌomu? !Hiiwalaimolinge iꞌomu e lae otoi mwei-mwei hiitoꞌo!

Matiu 14:31

Oto a Jisas ko tolana tapo oto i nimana na ko unue, “Hiiwalaimolinge iꞌoe e oꞌoruꞌe hiitoꞌo. ?E ue ni o ko neꞌisae rue-ruaꞌa?”

1 Pita 1:24

Mo Uusu-uusu Maaꞌi e unue uuri, Ahutana mwala kire urihana mola hahalisi, na manikuluhaꞌada e urihana noꞌone mola tatakana hahalisi. Aana hahalisi e sai mae mola, na tatakana e sai eehuhu mola.

Matiu 16:8

A Jisas e saie mone neꞌisaenga ikire, oto ko dolosi aada uuri, “?E ue ni omu ko tolahiꞌe hiitoꞌo aana uri omu kaꞌa tola bred ike peꞌiꞌomu? !Hiiwalaimolinge iꞌomu e lae otoi mwei-mwei hiitoꞌo!

Matiu 8:26

A Jisas ko aalamire uuri, “?E ue ni oto omu ko meꞌu urine? !Hiiwalaimolinge iꞌomu e lae otoi oꞌoruꞌe liutaa!” Oto e si taꞌelaꞌi ko ere aana ooru na aahe hunie kire ke mamalo. Oto e si lae mola wai aange hoolaa.

Tataroha Diana I Sulie A Jisas Kraes Nge A Jon E Uusue 20:27

Na ko teꞌuri hunie a Tomas, “O ke toꞌomaaie mo kiꞌiku, na o ke neꞌie riꞌi-riꞌimu oto i laoni. Na o ke lae mai neꞌie nimemu i laona malaka i paparaꞌaku. O ke suꞌuri neꞌisae rue-ruaꞌa taꞌe o ke hiiwalaimoli mola.”

Tataroha Diana I Sulie A Jisas Kraes Nge A Mak E Uusue 4:40

Oto a Jisas ko teꞌuri hunie mo pwaarongoisuli ingeie, “?E ue ni oto omu ko meꞌu urine? ?Ohe omu kaꞌa toꞌo aana ike loꞌu nga mei hiiwalaimolinge?”

Hibru 3:12

Maeni eesiku maaꞌi, omu ke mani kinetaꞌiniꞌomu mwaanie mo neꞌisaenga tataꞌala na mo neꞌisaenga rue-ruaꞌa, mwaanie nga iini eemiu e aatopuri aana a God Mau-meuriꞌe.

Tataroha Diana I Sulie A Jisas Kraes Nge A Luk E Uusue 9:41

Oto a Jisas ko teꞌuri, “Iꞌomu pwaunge siꞌiri ie, iꞌomu mo iinoni aaela, suata mone hule aana omu kaꞌa hiiwalaimoli ike aana a God. !No ko talei haꞌaweoau oto mola peꞌiꞌomu! ?Uri ne kei iiꞌo tewa kaꞌu loꞌu uri taa peꞌiꞌomu, omu ke si hiiwalaimoli?” Oto ko si teꞌuri hunie a mwaena, “Toolea kaꞌu mei a kalemu i leu.”

Tataroha Diana I Sulie A Jisas Kraes Nge A Mak E Uusue 9:19

Oto a Jisas ko teꞌuri hunire, “Iꞌomu pwaunge siꞌiri ie, iꞌomu mo iinoni aaela, suata mone hule aana omu kaꞌa hiiwalaimoli ike aana a God. !No ko talei haꞌaweoau oto mola peꞌiꞌomu! ?Uri ne kei iiꞌo tewa kaꞌu loꞌu uri taa peꞌiꞌomu, omu ke si hiiwalaimoli? Toolea kaꞌu mei a mwaꞌune i seeku.”

Matiu 17:17

Oto a Jisas ko aalamie a mwaena ko teꞌuri, “Iꞌomu pwaunge siꞌiri ie, iꞌomu mo iinoni aaela, suata mone hule aana omu kaꞌa hiiwalaimoli ike aana a God. !No ko talei haꞌaweoau oto mola peꞌiꞌomu! ?Uri ne kei iiꞌo tewa kaꞌu loꞌu uri taa peꞌiꞌomu, omu ke si hiiwalaimoli? Toolea kaꞌu mei a mwaꞌune i seeku.”